Breytt fyrirkomulag þjónustu bæjarskrifstofa

22/03/2020

Vegna COVID-19 verður fyrirkomulagi þjónustu bæjarskrifstofa Mosfellsbæjar breytt frá og með 23. mars.

Símsvörun verður milli kl. 8:00 og 16:00 mánudaga til fimmtudaga og frá kl. 8:00 til 14:00 á föstudögum.

Þjónustuverið verður opið fyrir þá sem eiga erindi á bæjarskrifstofur frá 10:00-12:00 alla daga vikunnar og verður þjónustan takmörkuð við móttöku og afhendingu gagna.

Mosfellsbær leggur áfram áherslu á að hvetja viðskiptavini sína til að nýta rafrænar þjónustuleiðir eins netspjall og tölvupóst í eins ríku mæli og unnt er. Önnur gögn en teikningar vegna bygginga er unnt að setja í póstkassa merktum Mosfellsbæ í andyri turnsins í Kjarna Þverholti 2.

Þessar aðgerðir byggja á viðbragðsáætlun Mosfellsbæjar við þær aðstæður sem nú ríkja og beinast að því að tryggja þá starfsemi og þjónustu sem þarf að haldast órofin.

Símanúmer Mosfellsbæjar er 525-6700.

 

Til baka