Opnað fyrir umsóknir um matjurtagarða í Mosfellsbæ

28/04/2020

Búið er að opna fyrir umsóknir um matjurtagarða í Mosfellsbæ. Matjurtagarðar bæjarins eru staðsettir austan við Varmárskóla þar sem gömlu skólagarðarnir hafa verið. Aðkoma að görðunum er að norðanverðu frá tjaldsvæðinu við eldri deild Varmárskóla. Aðgengi að vatni og kaffiskúr er við garðana.

  • Leiguverð fyrir matjurtagarða er óbreytt, eða 2.500 kr. fyrir 50 fm garð.
  • Garðar verða tilbúnir til notkunar föstudaginn 15. maí nk.

Umsóknir skulu sendar á netfangið: tjonustustod[hja]mos.is.

Staðsetningu garða og fyrirkomulag má sjá á mynd neðst í fréttinni.

Einnig eiga íbúar í Mosfellsbæ möguleika á að fá leigða matjurtagarða á vegum Reykjavíkurborgar í Skammadal. Umhverfis- og skipulagssvið Reykjavíkurborgar sér um útleiguna og geta áhugasamir sent tölvupóst á netfangið matjurtagardar[hja]reykjavik.is og látið skrá sig á lista með ósk um garð. Taka þarf fram að viðkomandi sé íbúi í Mosfellsbæ.

Til baka