Tillögur að deiliskipulagsbreytingum

Tillaga að deiliskipulagsbreyting

Mosfellsbær auglýsir hér með breytingartillögu á samþykktu deiliskipulagi, skv. 1. mgr. 43. gr. skipulagslaga nr. 123/2010.

Leirvogstungumelar – Endurskoðun stígakerfis

Breytingin felur í sér endurskoðun og einföldun á stígakerfi athafnarsvæðis að Leirvogstungumelum. Gangstéttum við þrjár götur er þannig breytt úr því að vera beggja vegna götu í að vera aðeins öðru megin götunnar. Einnig er göngustígur milli Bugðufljóts 7 og 9 í átt að Leirvogsá felldur út. Um er að ræða breytingu á deiliskipulagi Athafnarsvæði á Tungumelum (nr. 9412), samþykkt 24.09.2008. Leirvogstungumelar eru athafnarsvæði 201-A skv. aðalskipulagi Mosfellsbæjar.

• Leirvogstungumelar - Tillaga að deiliskipulagsbreytingu (pdf).

Tillagan verður til sýnis á upplýsingatorgi Mosfellsbæjar, Þverholti 2, frá 14. maí til og með 28. júní 2020, þeir sem þess óska geta kynnt sér hana og gert athugasemdir. Uppdrættir eru einnig birtir á vef Mosfellsbæjar á slóðinni: mos.is/skipulagsauglysingar.

Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbær, eða í tölvupósti til undirritaðs eigi síðar en 28. júní 2020.

Skipulagsfulltrúi Mosfellsbæjar
kristinnp[hja]mos.is

 

---

 

Tillaga að deiliskipulagsbreyting

Mosfellsbær auglýsir hér með breytingartillögu á samþykktu deiliskipulagi, skv. 1. mgr. 43. gr. skipulagslaga nr. 123/2010.

Uglugata 14-20 – Breytt aðkoma

Breytingin felur í sér að aðkoma að Uglugötu verði um botnlanga vestan við Vefarastræti 8-14. Botnlanginn lengist um 25 m í átt að innkeyrslu raðhúsanna, gatan frá Vefarastræti er í landi Mosfellsbæjar. Breyting deiliskipulagsins er vegna mishæðar í landi og lélegs aðgengis að húsum í Uglugötu 14-20, L212829. Breyting þessi felur í sér breytingu á tveimur samþykktum skipulagsuppdráttum, Miðsvæði 1. áfanga Helgafellshverfis (nr. 7794) staðfest, 13.12.2006 og Uglugata 2-22 Helgafellshverfi 3. áfangi (nr. 13050), staðfest 23.09.2015. Um er að ræða skipulagsbreytingar innan íbúðarsvæðis 302-Íb skv. aðalskipulagi Mosfellsbæjar.

• Vefarastræti 2-14 - Breyting á deiliskipulagi (pdf).
• Uglugata 2-22 - Breyting á deiliskipulagi (pdf).

Tillagan verður til sýnis á upplýsingatorgi Mosfellsbæjar, Þverholti 2, frá 14. maí til og með 28. júní 2020, þeir sem þess óska geta kynnt sér hana og gert athugasemdir. Uppdrættir eru einnig birtir á vef Mosfellsbæjar á slóðinni: mos.is/skipulagsauglysingar.

Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbær, eða í tölvupósti til undirritaðs eigi síðar en 28. júní 2020.

Skipulagsfulltrúi Mosfellsbæjar
kristinnp[hja]mos.is

 

---

 

Tillaga að deiliskipulagsbreyting

Mosfellsbær auglýsir hér með breytingartillögu á samþykktu deiliskipulagi, skv. 2. mgr. 43. gr. skipulagslaga nr. 123/2010. Þar með er kynningarmálum vegna breytingar hagað skv. 44. gr. um grenndarkynningar.

Engjavegur 6 – aukið byggingarmagn innan lóðar

Breytingin varðar aðeins lóðina Engjaveg 6 L177032 og felur í sér stækkun á byggingarreit og breytingar á skilmálum um stærðir í töflu greinagerðar. Byggingarreitur stækkar til vesturs og heimilt verður að reisa 130 m2 nýbyggingu innan lóðar í stað 50 m2 viðbyggingar. Um er að ræða heimild fyrir bílgeymslu með lítilli íbúð í kjallara. Gildandi deiliskipulag var staðfest 21.01.2004.

• Engjavegur 6 - Breyting á deiliskipulagi (pdf).

Tillagan verður til sýnis á upplýsingatorgi Mosfellsbæjar, Þverholti 2, frá 15. maí til og með 21. júní 2020, þeir sem þess óska geta kynnt sér hana og gert athugasemdir. Uppdrættir eru einnig birtir á vef Mosfellsbæjar á slóðinni: mos.is/skipulagsauglysingar.

Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbær, eða í tölvupósti til undirritaðs eigi síðar en 21. júní 2020.

Skipulagsfulltrúi Mosfellsbæjar
kristinnp[hja]mos.is