Útboð - Varmárskóli Mosfellsbæ, endurbætur ytra byrðis 2-3. áfangi

02/06/2020

Umhverfissvið Mosfellsbæjar óskar eftir tilboðum í verkið: „Varmárskóli Mosfellsbæ, endurbætur ytra byrðis 2-3. áfangi“

Mosfellsbær óskar eftir áhugasömum aðilum til að taka þátt í útboði vegna viðhaldsframkvæmda við Varmárskóla, yngri deild, Skólabraut 6 í Mosfellsbæ. Framkvæmdir fara fram á árinnu 2020 og 2021. Verkefni þetta felur í sér endurnýjun á hluta þakefna, glugga ásamt múrviðgerðum og málun. Sérstaklega mikilvægt er að verktaki taki tilliti til og lágmarki rask skólahalds.

Helstu verkþættir eru:

Endurnýjun bárujárns á austurálmu og tengibygginu milli álma skólans, ásamt múrviðgerðum og málun veggja á austurálmu. Í vesturhluta skólans verður skipt um glugga á suður og norðurhlið ásamt veggklæðningu.

Verkinu verður skipt niður á tvö ár 2020 og 2021. Byrjað verður á endurnýjun á bárujárni ásamt múrviðgerðum og málun á austurálmu, á seinna ári verður farið í vesturálmu þar sem skipt verður um glugga og veggjaklæðning endurnýjuð á suðurhlið.

Helstu magntölur eru:

  • Endurnýjun glugga - 29 stk.
  • Endurmálun veggja/lofta - 910 m²
  • Endurnýjun þakjárns - 839 m2.
  • Endurnýjun þakrenna - 160 mtr.
  • Endurnýjun þakkants - 190 mtr.
  • Endurnýjun veggja klæðningar - 250 m²
  • Endurmálun glugga - 1200 lm
  • Pallar og aðstaða - Heild

Verkinu skal að fullu lokið 1. september 2021.

Útboðsgögn verða afhent í afgreiðslu bæjarskrifstofu Mosfellsbæjar, Þverholti 2, 2. hæð frá og með kl. 13:00 á fimmtudeginum 4. júní 2020. Tilboðum skal skilað á sama stað, bæjarskrifstofur Mosfellsbæjar, eigi síðar en fimmtudaginn 25. júní 2020 kl.13:00 og þau opnuð að viðstöddum þeim bjóðendum sem þess óska.

 

Til baka