Nýtt deiliskipulag fyrir Heiðarhvamm í Miðdal

06/07/2020

Mosfellsbær auglýsir hér með tillögu að deiliskipulagi, skv. 1. mgr. 41. gr. skipulagslaga nr. 123/2010, fyrir frístundalóðir Heiðarhvamms í landi Miðdals.

Um ræðir nýtt deiliskipulag sem tekur til landsins, L125323, í Miðdal. Mosfellsbæ, stærð 25.093 m² og er á svæði sem í aðalskipulagi er skilgreint fyrir frístundabyggð (521-F). Í deiliskipulaginu er lóðinni skipt upp í fjórar lóðir þar sem heimilt verður að byggja allt að 130 m² á hverri lóð fyrir sig í samræmi við aðalskipulag. Aðkoma að lóðum er frá Hafravatnsvegi.

Tillagan var auglýst í Fréttablaðinu og Lögbirtingarblaðinu, hún verður einnig til sýnis á Upplýsinga- og þjónustutorgi Mosfellsbæjar, Þverholti 2.

Athugasemdir og ábendingar skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbæ, eða í tölvupósti á skipulag[hja]mos.is.

Athugasemdafrestur deiliskipulagstillögunnar er frá 6. júlí til og með 19. ágúst 2020.

6. júlí 2020
Kristinn Pálsson
Skipulagsfulltrúi Mosfellsbæjar

Til baka