Tillaga að breytingu á deiliskipulagi: Reykjamelur 12-14

10/07/2020

Mosfellsbær auglýsir hér með breytingartillögu á samþykktum deiliskipulögum, skv. 2. mgr. 43. gr. skipulagslaga nr. 123/2010. Þar með er kynningarmálum vegna breytingar hagað skv. 44. gr. um grenndarkynningar.

Breyting á deiliskipulagi við Reykjamel 12 og 14, einbýlum breytt í parhús

Breytingin felst í að lóðarmörkum milli Reykjamels 12 og 14 færist um 5m. til austurs og í stað tveggja einbýlishúsa verður gert ráð fyrir tveimur einnar hæðar parhúsum með innbyggðum bílskúr. Hámarks nýtingarhlutfall á lóðunum 12 a og b verður N=0.28 og N=0,34 á lóðunum 14 a og b.

Um er að ræða breytingu á deiliskipulagi frá Reykjalundarvegi að Húsadal. Efri og neðri Reykjabyggð.

Tillagan verður til sýnis á upplýsingatorgi Mosfellsbæjar, Þverholti 2, frá 10. júlí til og með 10. ágúst 2020, þeir sem þess óska geta kynnt sér þær og gert athugasemdir. Uppdrættir eru einnig birtir á vef Mosfellsbæjar á slóðinni: mos.is/skipulagsauglysingar.

Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbær, eða í tölvupósti á skipulag[hja]mos.is eigi síðar en 10. ágúst 2020.

 

10. júlí 2020
Kristinn Pálsson
Skipulagsfulltrúi Mosfellsbæjar

 

Til baka