Ný auglýsing um takmörkun á samkomum vegna Covid-19

Mosfellsbær vekur athygli á nýrri auglýsingu heilbrigðisráðuneytisins um takmarkanir á samkomum vegna Covid-19 sem gildir frá 28. ágúst til 10. september.

Fjöldatakmarkanir verða áfram miðaðar við hámark 100 einstaklinga í sama rými. Börn fædd árið 2005 og síðar teljast ekki með.

Þær breytingar sem helst má nefna eru gerðar á 2 metra reglunni sem felst í því að rekstraraðliðar skuli tryggja að hægt sé að tryggja 2 metra milli einstaklinga sem ekki eru í nánum tengslum. Þá eru íþróttir almennt leyfðar og munu líkamsræktarstöðvar fylgja sömu reglum og sund- og baðstaðir þ.e. að gestir mega aldrei vera fleiri en sem nemur helmingi eða minna af hámarksfjölda gesta.

• Auglýsing um takmörkun á samkomum vegna farsóttar (pdf).

Auglýsingin tekur ekki til skólastarfs þar sem fjallað var sérstaklega um skólastarf í auglýsingu frá 21. ágúst sl.

 

Frétt á vef Stjórnarráðs Íslands:

• Ný auglýsing um takmörkun á samkomum vegna farsóttar.