Undirgöng undir Reykjaveg

08/09/2020

Í liðinni viku hófust gatnaframkvæmdir á Reykjavegi til móts við Ísfugl. Verkið er samstarfsverkefni Vegagerðarinnar og Mosfellsbæjar sem felur í sér að koma niður undirgöngum fyrir hestaumferð undir Reykjaveginn ásamt endurmótun aðliggjandi stíga og umhverfis. Á meðan á framkvæmdum stendur er nauðsynlegt að beina umferð um hjáleið, sem sýnd er á meðfylgjandi mynd, þar sem Reykjavegurinn verður grafinn í sundur.

Áætluð verklok eru í nóvember.

Við biðjumst velvirðingar á þeirri röskun sem þessi framkvæmd kann að valda og eru vegfarendur beðnir um að sýna framkvæmdaraðilum tillitssemi.

Til baka