Vilt þú starfa með Ungmennaráði Mosfellsbæjar?

14/10/2020

Ungmennaráð Mosfellsbæjar auglýsir eftir ungu fólki á aldrinum 16-25 ára til að starfa með þeim í vetur. Ungmennaráð er umræðu- og samstarfsvettvangur ungmenna á aldrinum 13-25 ára í sveitarfélaginu og er ráðgefandi um málefni sem tengjast ungu fólki í umboði bæjarstjórnar.

Í ungmennaráð er nú verið að velja ungmenni úr grunnskólum Mosfellsbæjar og úr Framhaldsskóla Mosfellsbæjar.

Þar sem að nemendur í FMOS hafa fasta þrjá fulltrúa í ráðinu auglýsum við núna til viðbótar eftir áhugasömu ungu fólki á aldrinum 16-25 ára sem er ekki í FMOS, til starfa með okkur veturinn 2020-2021. Við erum að leita að ungu fólki sem býr í Mosfellsbæ, er í öðrum framhaldsskóla, á atvinnumarkaði eða án atvinnu.

Áhugasamir hafi samband við Eddu Davíðsdóttur, tómstundafulltrúa, í gegnum netfangið edda[hjá]mos.is eða í síma 525-6700 fyrir 24. október.

 

Til baka