Grenndarkynning vegna tillögu að breytingu á deiliskipulagi í landi Akralands

02/09/2021

Grenndarkynning vegna tillögu að breytingu á deiliskipulagi í landi Akralands vegna lóðanna Réttahvol 11, 13 og 15. Lóðamörkum er breytt og lóðin nr. 13 skipt upp í tvær lóðir.

Á fundi Skipulagsnefnd Mosfellsbæjar þann 13 ágúst sl. var samþykkt að grenndarkynna í samræmi við 2. mgr. 43. gr. og 44. gr. skipulagslaga nr. 123/2010, vegna tillögu að breytingu á Deiliskipulagi í landi Akra sem samþykkt var í bæjarstjórn Mosfellsbæjar þann 2. september 1998.

Breytingin felst í að lóðinni nr. 13 við Reykjahvol er skipt upp í tvær lóðir og lóðarmörkum á Reykjahvoli nr. 11 og 13 breytast. Meðfylgjandi er tillöguuppdráttur sem sýnir framangreindar breytingar.

Tillagan er einnig aðgengileg á vef Mosfellsbæjar, mos.is/skipulagsauglysingar.

Í þessu tilviki er um að ræða óverulega breytingu á deiliskipulagi, sbr. 2. mgr. 43. gr. skipulagslaga. Hér með er gefinn kostur á að koma athugasemdum eða ábendingum á framfæri vegna þeirra framkvæmda sem sótt hefur verið um. Athugasemdir skulu vera skriflegar, ásamt helstu upplýsingum um sendanda, og merktar skipulagsnefnd Mosfellsbæjar, Þverholti 2, 270 Mosfellsbæ. Einnig má senda athugasemdir í tölvupósti á skipulag@mos.is.

Frestur til að skila inn athugasemdum/ábendingum er til og með 22. sepember nk.

Til baka