Menntastefna Mosfellsbæjar

09/09/2021

Um þessar mundir stendur yfir endurskoðun á menntastefnu Mosfellsbæjar en henni er ætlað að koma í stað núgildandi skólastefnu (pdf).

Verkefnisteymi sem skipað er fulltrúum frá mennta- og uppeldisstofnunum bæjarins hefur unnið að undirbúningi frá því í maí á þessu ári en til stendur að endurskoðuð stefna verði tilbúin til útgáfu og innleiðingar í byrjun árs 2022.

Víðtækt samtal og samráð við hagsmunaaðila er lykilatriði í gerð vel heppnaðarar stefnu og því verður leitast við að fá fram viðhorf og sjónarmið allra sem að skólastarfinu koma þ.e. barna, foreldra, starfsfólks, íbúa og kjörinna fulltrúa.

Stefnt er að því að halda skólaþing með þátttöku allra hagsmunaaðila í október 2021.

Þeir íbúar sem hafa áhuga á að taka þátt í skólaþingi geta skráð sig til þátttöku með því að senda tölvupóst á netfangið johannam@mos.is.

Reynt verður að verða við óskum allra um þátttöku á meðan húsrúm leyfir.

Þeir sem hafa áhuga á að fylgjast með framgangi verkefnisins geta fylgst með á mos.is/menntastefna sem verður reglulega uppfærð á meðan á vinnslu verkefnisins stendur. Ragnheiður Agnarsdóttir, verkefnisstjóri heldur utan um stefnumótunarferlið.

Verkefnisteymi um endurskoðun menntastefnu Mosfellsbæjar:

  • Guðrún Björg Pálsdóttir
    Leikskólastjóri, Leirvogstunguskóli
  • Gunnhildur Sæmundsdóttir
    Verkefnastjóri leikskólamála, Fræðslu- og frístundasvið
  • Helga Þórdís Guðmundsdóttir
    Skólastjóri Listaskóla Mosfellsbæjar
  • Jóhanna Magnúsdóttir
    Verkefnisstjóri grunnskólamála, Fræðslu- og frístundasvið
  • Jóna Benediktsdóttir
    Skólastjóri Varmárskóla
  • Ragnar Karl Jóhannsson
    Forstöðumaður frístundasels Varmárskóla
  • Ragnheiður Axelsdóttir
    Verkefnisstjóri skólaþjónustu, Fræðslu- og frístundasvið
  • Rósa Ingvarsdóttir
    Skólastjóri Helgafellsskóla
  • Sveinbjörg Davíðsdóttir
    Leikskólastjóri Hlaðhamra
  • Valgarð Már Jakobsson
    Kennari hjá Framhaldsskóla Mosfellsbæjar
  • Þórhildur Elfarsdóttir
    Skólastjóri Kvíslarskóla
  • Þrúður Hjelm
    Skólastjóri Krikaskóla
  • Linda Udengaard
    Framkvæmdastjóri Fræðslu- og frístundasviðs
  • Kolbrún Þorsteinsdóttir
    Formaður Fræðslunefndar

 

Verkefnisáætlun - Endurskoðun menntastefnu

 

Til baka