Kynning á barnaverndarlögum fyrir starfsmenn Lágafellsskóla

Kynningar á barnaverndarlögum í skólum og leikskólum Mosfellsbæjar er liður í stefnu og áætlun Mosfellsbæjar í barnaverndarmálum 2014-2017.

Nýverið héldu starfsmenn barnaverndar-og ráðgjafardeildar hjá fjölskyldusviði Mosfellsbæjar, kynningu fyrir alla starfsmenn Lágafellsskóla. Krikaskóli fékk slíka kynningu fyrir alla starfsmenn á síðasta ári.

Markmið með kynningum sem þessum, er að uppfræða starfsmenn skóla og leikskóla um tilkynningarskyldu þeirra sem starfa með börnum og meðferð barnaverndarmála. Einnig gefst tækifæri á að varpa fram spurningum til starfsmanna barnaverndar-og ráðgjafardeildar, og koma á ábendingum framfæri.