Fréttir eftir árum

Afturelding tekur á móti Akureyri í Íþróttamiðstöðinni að Varmá í kvöld, fimmtudaginn 13. desember,  klukkan 18.00. Í tilefni af 25 ára afmæli bæjarins mun Mosfellsbær bjóða á leikinn. Mætum öll og styðjum okkar menn!

Næstkomandi föstudag, þann 14. desember kl. 16-18, opnar Elín G. Jóhannsdóttir sýninguna Pixlar í Listasal Mosfellsbæjar. Í boði eru léttar veitingar, jólaleikur og konfekt. Sýningin verður opin alla daga á afgreiðslutíma Bókasafns Mosfellsbæjar til 11. janúar 2013. Sjá betur á www.bokmos.is

Skólakór Varmárskóla verður með jólatónleika í sal Varmárskóla fimmtudaginn 13. desember klukkan 18:00. Um 90 kórfélagar á aldrinum 8 - 16 ára flytja fjölbreytt úrval jólalaga. Hátíðleg stund á aðventunni.

Hátíðlegir jólatónleikar verða haldnir eftirtalda daga í Lágafellskirkju 11. og 13. desember og í Listasal Mosfellsbæjar 17. og 18. desember. Tónleikarnir hefjast kl.17.00 og standa til kl 18.00.

Sigrún Hjálmtýsdóttir og blásarasextett halda sína árlegu aðventutónleika í Mosfellskirkju. Margir Mosfellingar auk annarra hafa árvisst sótt litlu sveitakirkjuna í Mosfellsdal heim að þessu tilefni, enda eru tónleikarnir í Mosfellskirkju á jólaföstu orðnir ómissandi hluti af undirbúningi fyrir helgihald jóla.

Mosfellsbær auglýsir eftir umsóknum um styrk til greiðslu fasteignaskatts til félaga og félagasamtaka. Um er að ræða styrki til greiðslu fasteginaskatts af fasteignum þar sem fram fer starfsemi sem ekki er rekin í ágóðaskyni. Umsóknum um styrki skal skilað fyrir 15. febrúar á þar til gerðum eyðublöðum ásamt þeim fylgigögnum sem þar kann að vera beðið um hverju sinni.

Mosfellsbær boðar til opins kynningarfundar um friðlýsingu fossa í Mosfellsbæ, þriðjudaginn 11. desember kl. 17 á Kaffihúsinu Álafossi. Bæjarstjórn Mosfellsbæjar samþykkti á fundi sínum þann 9. ágúst síðastliðinn að vinna að friðlýsingu fossa í Mosfellsbæ, þar á meðal Álafoss í Varmá og Tungufoss í Köldukvísl.

Tónleikar söngnemenda í Listaskóla Mosfellsbæjar, verða í Kaffihúsinu Álafossi fimmtudaginn 6. des. Ljúf jólalög ásamt öðrum lögum. Yndislegt að kaupa sér eins og einn kakóbolla og hlusta á framtíðar söngstjörnur úr Mosfellsbænum. Tónleikarnir hefjast kl 19 og standa í  u.þ.b. 45 mín. Frítt inn.

Jólatrjáasala Skógræktarfélags Mosfellsbæjar er opin í Hamrahlíð við Vesturlandsveg frá  laugardeginum 8. desember til jóla. Opnunartími er frá 12:00-16:00 virka daga en 10:00-16:00 um helgar. Helgina 15. - 16. og 22. desember koma jólasveinar klukkan 11:30 í skóginn.

 Hægt er að fara í skóginn og saga sjálfur tré en einnig verða til söguð tré á staðnum.

Jólasýning Fimleikadeildar verður haldin að Varmá sunnudaginn 2. desember kl. 11:00. Á sýningunni verða frábærir fimleikataktar og börnin sýna brot af því besta. Allur ágóði rennur til kaupa á áhöldum í nýja fimleikahúsið.