Fréttir eftir árum

Styrktartónleikar Kirkjukórs Lágafellssóknar í Grafarvogskirkju.

27.09.2013
Tónleikar til styrktar Hagbarði og börnum. Árlegir styrktartónleikar Kirkjukórs Lágafellssóknar verða haldnir í Grafarvogskirkju laugardaginn 28. september kl. 16. Allur ágóði tónleikanna rennur til Hagbarðar Valssonar og barnanna hans fjögurra í Noregi. Guðrún G. Sigurðardóttir, eiginkona Hagbarðar og móðir barnanna, andaðist á sviplegan hátt í júní síðastliðnum. Hún er uppalinn í Mosfellsbæ og því ákvað kórinn að fjölskylda hennar nyti góðs af tónleikunum í ár.
Meira ...

Jafnréttisviðurkenning afhent FMOS á Jafnréttisdegi Mosfellsbæjar

24.09.2013
Jafnréttisdagur Mosfellsbæjar var haldinn hátðíðlegur 19. september síðastliðinn í eldri deild Varmárskóla. Yfirskrift dagsins var „Unglingar og fræðsla um jafnrétti“. Aðalfyrirlesari dagsins var Hanna Björg Vilhjálmsdóttir kennari í Borgarholtsskóla. Nemendur á unglingastigi í grunnskólum Mosfellsbæjar voru sérstakir heiðursgestir ásamt kennurum sínum.
Meira ...

Aukin framlög bæjarins til íþrótta og tómstunda. Tæp 60% hækkun frá 2012.

23.09.2013
Nýir samstarfssamningar Mosfellsbæjar við íþrótta- og tómstundafélög vegna barna og unglingastarfs hafa nú verið undirritaðir. Samningarnir gilda fram til ársins 2017 og hafa tekið þó nokkrum breytingum frá síðustu samningum. Framlög verða aukin verulega og er gert ráð fyrir að beinir styrkir sveitarfélagsins til íþrótta- og tómstundafélaga muni hækka um tæp 60% frá árinu 2012 á samningstímanum, úr 53 mkr. í 84 mkr. á ári, segir í fréttatilkynningu frá Mosfellsbæ. Þá eru ótalinn sá styrkur sem liggur í fríum afnotum íþrótta- og tómstundafélaga af íþróttamannvirkjum bæjarfélagsins sem nemur um 200 mkr. á ári.
Meira ...

Ásgarður færir börnum í Mosfellsbæ leiktæki í Ævintýragarðinn

23.09.2013
Handverkstæðið Ásgarður og Íslandsbanki tóku höndum saman í tilefni af 20 ára afmæli Ásgarðs og færðu börnum í Mosfellsbæ leiktæki að gjöf sem staðsett eru í Ævintýragarðinum.
Meira ...

Hafist handa við Tunguveg

23.09.2013

Nýr vegur frá Skeiðholti að Kvíslartungu sem er mikil samgöngubót fyrir íbúa Leirvogstungu. Mosfellsbær hefur nú lokið við útboð á hönnun og framkvæmd Tunguvegar. Hnit verkfræðistofa, Kanon arkitektar og landslagsarkitektinn Birkir Einarsson munu sjá um hönnun. Verktaki er Ístak ehf. og hafa þeir nú þegar sett upp vinnuaðstöðu neðan Kvíslartungu. Verkið felst í því að leggja nýjan Tunguveg frá Skeiðholti að Kvíslartungu alls um 1 km. Samhliða veginum verður hjóla- og göngustígur. Byggðar verða brýr yfir Varmá og Köldukvísl. Undir brúnum er gert ráð fyrir reiðstíg. Framkvæmdin felst einnig í að byggja undirgöng fyrir gangandi og hjólandi umferð undir Skeiðholt.

Meira ...

Styrktartónleikar Kirkjukórs Lágafellssóknar í Grafarvogskirkju.

23.09.2013

Árlegir styrktartónleikar Kirkjukórs Lágafellssóknar verða haldnir í Grafarvogskirkju laugardaginn 28. september kl.16. Tónleikarnir eru að þessu sinni til styrktar Hagbarði og börnum en Guðrún G. Sigurðardóttir, eiginkona Hagbarðar og móðir barnanna, andaðist á sviplegan hátt í júní síðastliðnum. Hún er uppalinn í Mosfellsbæ og því ákvað kórinn að fjölskylda hennar nyti góðs af tónleikunum í ár. Allur ágóði tónleikanna rennur til Hagbarðar Valssonar og barnanna hans fjögurra í Noregi.

Meira ...

Ráðstefna í Iðnó um rétt barna til hjólreiða.

19.09.2013

Hjólað til framtíðarFöstudaginn 20. september, fer fram spennandi ráðstefna í Iðnó um rétt barna til hjólreiða. Ráðstefnan, sem ber yfirskriftina Hjólað til framtíðar, er hluti af dagskrá samgönguviku á höfuðborgarsvæðinu sem Mosfellsbær er virkur þátttakandi í.  Virtir innlendir og erlendir fyrirlesarar mun flytja þar erindi um hjólreiðar barna. Aðgangur er ókeypis og hægt er að skrá sig á ráðstefnuna á heimasíðu Landsamtaka hjólreiðamanna, www.lhm.is .

Meira ...

Mosfellsbær stuðlar að auknum almenningssamgöngum.

19.09.2013

Mosfellsbær vígir nýtt reiðhjólaskýli Mosfellsbær vígði í dag nýtt reiðhjólaskýli við strætisvagnabiðstöðina við Háholt.  Markmiðið er að stuðla að bættum samgöngum í Mosfellsbæ og gera hjólreiðar og almenningssamgöngur að betri valkosti.  Uppsetning hjólreiðaskýlisins mun auka möguleika almennings að nýta sér hjólreiðar innanbæjar, en geyma síðan reiðhjólið í skýlinu, í skjóli fyrir veðri og vindum, á meðan almenningssamgöngur eru nýttar til ferða til og frá Mosfellsbæ. Uppsetning hjólreiðaskýlisins er hluti af samgönguviku í Mosfellsbæ og með framkvæmdinni vill Mosfellsbær skipa sér sess sem sveitarfélag þar sem hjólreiðar og almenningssamgöngur eru raunhæfur kostur.

Meira ...

Hjólastígar í Mosfellsbæ

19.09.2013

Hjolakort_vegalengdir_MosÍ tilefni af Samgönguviku í Mosfellsbæ eru íbúar hvattir til að nýta sér fjölbreytt úrval hjólastíga í bænum til útivistar og notfæra sér um leið nýtt hjóla- og göngustígakort sem gefið var út í upphafi samgönguvikunnar og finna má á heimasíðu bæjarins og á helstu stöðum í bænum. Jafnframt er vakin athygli á korterskortið á heimasíðunni.

Meira ...

Fjölskyldunefnd auglýsir eftir umsóknum

19.09.2013

Logo MosfellsbæjarFjölskyldunefnd Mosfellsbæjar auglýsir eftir umsóknum um styrki til verkefna á sviði fjölskylduþjónustu í Mosfellsbæ. Umsóknir skulu berast Þjónustuveri Mosfellsbæjar Þverholti 2, 2. hæð á þar til gerðum eyðublöðum í síðasta lagi 30. nóvember nk.  Eyðublöðin má nálgast í Þjónustuverinu og á heimasíðu bæjarfélagsins

Meira ...

Síða 8 af 33