Fréttir eftir árum

Starfsfólk Mosfellsbæjar óskar Mosfellingum sem og öðrum viðskiptavinum sveitarfélagsins gleðilegra jóla og þakkar samstarfið á árinu sem er að líða.

Afgreiðslutími á bæjarskrifstofu og stofnunum Mosfellsbæjar verður sem hér segir yfir jól og áramót.

Mosfellsbær auglýsir á ný tillögu að breytingu á deiliskipulagi, skv. 1. mgr. 43. gr. skipulagslaga nr. 123/2010: Deiliskipulagsáfangi IV - Helgafellsland, Mosfellsbæ.

Yfir jól og áramót fellur oft til meira sorp frá heimilum en á öðrum tíma ársins. Það getur því verið ágætt að vita hvenær tunnurnar eru tæmdar.

Til úthlutunar eru fjórar einbýlishúsalóðir við Súluhöfða 36, 43, 45 og 47 og þrjár atvinnuhúsalóðir við Desjamýri. Tilboð í lóðir skulu berast Mosfellsbæ eigi síðar en 20. desember 2019.

Viðgerð er lokið við stofnæð undir Vesturlandsvegi og fullur þrýstingur því kominn á vatnið. Verið er að ganga frá svæðinu en því verkefni mun ljúka á næstu dögum.

Vegna vinnu við stofnæð undir Vesturlandsvegi verður lokað fyrir heitt vatn mánudaginn 16. des. frá kl. 11:00 og fram eftir degi. Lokunin nær til Skálahlíðar að hluta og Lágafells, Desjamýri og Flugumýri. Einnig má búast við lækkuðum þrýsting í Túnum.

Vegna bilunar í stofnæð við Vesturlandsveg verður lítill þrýstingur á heitu vatni í stórum hluta af Mosfellsbæ. Viðgerð er í gangi. Gott væri ef íbúar huguðu að því að spara heitt vatn næstu daga. Stefnt er að tengja stofnæðina við kerfið á mánudaginn, 16. desember, og verður þá vatnið tekið af hluta af bænum. Upplýsingar varðandi það verkefni verða auglýstar þegar nær dregur.

Þau sem eru gjaldgeng sem íþróttakona og karl Mosfellsbæjar skulu koma úr röðum starfandi íþróttafélaga/deilda í bæjarfélaginu eða vera með lögheimili í Mosfellsbæ en stunda íþrótt sína utan sveitarfélagsins.

Þar sem nú er svartasta skammdegi og mikilvægt að ljósastaurar lýsi okkur leiðina er rétt að minna á að verði íbúar varir við ljóslausa staura er rétt að koma ábendingum til þjónustuvers Orkuveitu Reykjavíkur sem í framhaldinu útbýr verkbeiðni til vinnuflokks á vegum Orku Náttúrunnar sem annast lýsingu í Mosfellsbæ.