Fréttir eftir mánuðum

Hið árlega jólaball Mosfellsbæjar verður haldið í Hlégaðrði í dag, þriðjudaginn 29. desember, kl. 17:00.
Edda Borg og hljómsveit skemmta.

Leikskólakennarar í leikskólanum Reykjakoti í Mosfellsbæ komu á dögunum í heimsókn í bókaforlagið Sölku  í Reykjavík og höfðu með sér 55 vettlingapör. Það var framlag þeirra til vettlingasöfnunar sem forlagið og verslanir Eymundsson hafa staðið fyrir í þágu Mæðrastyrksnefndar síðan í haust.

Á dögunum fékk leikskólinn Reykjakot jólakort frá nágrönnum sínum í Krókabyggð 1, 1a, 3, 3a og 5. Ástæðan fyrir kortinu er sú að þeir vilja samgleðjast leikskólanum vegna breytinga á lóðinni og þykir gaman að hafa glaða krakka í hverfinu. Þetta var dásamlegt kort sem yljaði starfsfólki leikskólans um hjartaræturnar.

Þær Danía, Andrea og Erla Birna, dagforeldrar í Mosfellsbæ, héldu jólaball fyrir daggæslubörnin sín. Börnunum fannst mjög gaman að hittast svona og gaman að dansa..

Ungmennafélagið Afturelding í Mosfellsbæ hefur gefið út aldarsögu sína en félagið var stofnað 11. apríl árið 1909. Það hefur starfað óslitið síðan og er meðal elstu ungmennafélaga landsins.

Bæjarstjórn Mosfellsbæjar samþykkti samhljóða í gærkvöldi fjárhagsáætlun fyrir árið 2010.  Áætlun var unnin sameiginlega af öllum flokkum í bæjarstjórn líkt og gert var fyrir árið 2009. Megináherslur í fjárhagsáætluninni eru að standa vörð um fjölskyldur og velferð, en tryggja um leið að bæjarfélagið veiti áfram góða öfluga þjónusta. Yfirskrift fjárhagsáætlunarinnar er: Hagræðing – uppbygging – velferð.

Barnafata-skiptimarkaður fyrir 12 ára og yngri er enn í fullum gangi hjá Kjósardeild Rauða kross Íslands. Opið er alla þriðjudaga og fimmtudaga frá kl. 10-13 og annan hvorn þriðjudag frá kl. 17-19.

Hin árlega jólatréssala Aftureldingar verður nú í Hraunhúsum, að Völuteigi 6.
Opnunartímar:
Miðvikudaga til föstudaga kl. 17.00 - 19.00
Laugardaga kl. 12.00 - 18.00
Sunnudaga kl. 13.00 - 1800

Nálgun jólanna verður fagnað með orgelslætti í Lágafellskirkju nú í fimmta skipti. Organisti og skipuleggjandi, Douglas Brotchie, innleiddi þessa hefð þegar hann flutti að Eik í Mosfellsbæ fyrir nokkrum árum, og hafði þá áhuga á að efla og styrkja tónleikahald í sinni nýju heimabyggð.

Á haustin er tími endurmenntunar frjálsíþróttaþjálfara. Hlynur frjálsíþróttaþjálfari Aftureldingar fór til Finnlands á námskeið á íþróttasetri að Kuortane (líklega 100 sinnum stærra en á Laugarvatni).
Boðið var upp á spjótkastsnámskeið með fremstu þjálfurum, spjótkösturum og sérfræðingum (læknar, sjúkraþjálfara og umboðsmenn) heims í kringum þessa þraut.

Mosfellsbær, saga byggðar í 1100 ár eftir Bjarka Bjarnason og Magnús Guðmundsson fæst nú á sérstöku tilboðsverði í þjónustuveri Mosfellsbæjar og á Bókasafni Mosfellsbæjar.

Jólatrjáasala Skógræktarfélags Mosfellsbæjar er opin í Hamrahlíðinni við Vesturlandsveg til jóla.

Miðvikudaginn 9.desember var Héraðsskjalasafn Mosfellsbæjar enduropnað og bauð Birna Mjöll Sigurðardóttir skjalavörður starfsmönnum bæjarskrifstofu að koma og skoða safnið. Þarna er margt af áhugaverðum hlutum að sjá og gaman að fá að grúska í sögu bæjarins.

Mikil hátíðarstemning mun ríkja í Hraunhúsum, Völuteigi 6, föstudaginn 11. desember, en þá munu efnilegar söngkonur úr söngdeild Listaskóla Mosfellsbæjar flytja þar þekkt jólalög.

Verið velkomin á opnun sýningar Mörtu Maríu Jónsdóttur, laugardaginn 12. desember í Listasal Mosfellsbæjar.

Jólasýning Fimleikadeildar Aftureldingar verður haldin sunnudaginn 13. desember kl. 11-13:00 í Íþróttahúsinu að Varmá.

Stórtónleikar kirkjukórs Lágafellssóknar í Mosfellsbæ verða haldnir í Fríkirkjunni í Reykjavík sunnudaginn 13. desember kl.17.00. Tónleikarnir eru til styrktar bágstöddum fjölskyldum í Mosfellsbæ.

Listaskóli Mosfellsbæjar heldur sjö jólatónleika í Listasal Mosfellsbæjar á aðventunni. Fram koma nemendur á öllum stigum hljóðfæra- og söngnáms og flytja fjölbreytta tónlist, sem kemur öllum í jólaskapið.

Kvöldvaka/útgáfuveisla verður haldin í hátíðarsal Lágafellsskóla fimmtudaginn 10. desember kl. 20:00.

Fjöldi hátíðlegra viðburða er í boði á aðventunni í Mosfellsbæ og geta Mosfellingar án efa allir fundið eitthvað við sitt hæfi, jafnt ungir sem aldnir. Heilmikið er um að vera um helgina og verður hér stiklað á því helsta.

Framkvæmdasýsla ríkisins hefur boðið út hönnun Framhaldsskólans í Mosfellsbæ. Um er að ræða um 4.000 fermetra byggingu sem staðsett verður í miðbæ Mosfellsbæjar, nánar tiltekið við Háholt og mun hún rúma um 4-500 nemendur.

Um 50 manns sóttu almennan kynningarfund um nýtt miðbæjarskipulag sem haldinn var í Listasal á þriðjudag og sköpuðust góðar umræður.