Fréttir eftir mánuðum

Öryggisdögum Strætó og VÍS lauk formlega í gær. Markmið átaksins var fyrst og fremst að vekja vegfarendur til umhugsunar um umferðaröryggi en að auki ætluðu strætisvagnabílstjórar að reyna að gera betur í akstri en á sama tímabili í fyrra.

Efnt verður til málþings um tilfærslu þjónustu við fatlaða frá ríki til sveitarfélaga í Haukahúsinu á Ásvöllum, Hafnarfirði, miðvikudaginn 1. desember n.k. Það stendur frá kl. 13.00 til kl. 17.00. Málþingið er öllum opið.

Fimmtudaginn 2. desember höldum við árlegan jólamarkað okkar í Vinnustofum Skálatúns. Mikið úrval af glæsilegum handverksvörum sem margar hverjar eru einstakar og til í takmörkuðu upplagi.

Skjalastjóri ber ábyrgð á því að farið sé að gildandi lögum og reglum um skjalavistun opinberra aðila og sveitarfélaga við vörslu og meðhöndlun skjala hjá Mosfellsbæ. Hann hefur umsjón með skjalasöfnum allra sviða bæjarins og er kerfisstjóri skjalavörslukerfis.

Internetið er ört vaxandi afþreyingarog samskiptamiðill barna og unglinga. Þótt þar megi margt gott finna, leynist þar einnig ýmislegt misjafnt. Um þetta verður fjallað á opnu húsi Skólaskrifstofu Mosfellsbæjar í kvöld í Listasal Mosfellsbæjar kl. 20-21.

Hausttónleikar Skólahljómsveitar Mosfellsbæjar verða í Varmárskóla á morgun þriðjudaginn 23. nóvember og hefjast kl. 20.00. Fram koma 95 hljóðfæraleikarar á aldrinum 9 – 17 ára.

Alla föstudaga fram að jólum verður haldinn jólamarkaður á torgi í Kjarna og gefst fólki tækifæri til að setja upp sölubása og skapa skemmtilega jólastemmningu í aðdraganda jólanna.

Mosfellingarnir og hjónin Hjalti Úrsus Árnason og Halla Heimisdóttir standa fyrir alheimsviðburði í Mosfellsbæ um helgina, Icelandic Fitness and Health Expo 2010. Búist er við miklum fjölda þátttakenda, íslenskum sem erlendum.

Fjölskyldunefnd Mosfellsbæjar auglýsir eftir umsóknum um styrki til verkefna á sviði fjölskylduþjónustu í Mosfellsbæ. 
Umsóknir skulu berast Þjónustuveri Mosfellsbæjar Þverholti 2, 1. hæð á þar til gerðum eyðublöðum í síðasta lagi 30. nóvember nk.

Hið árlega jólabókmenntakvöld Bókasafns Mosfellsbæjar verður haldið  í kvöld, miðvikudagskvöldið 17. nóvember kl.20-22. Höfundar sem gefa út nýjar bækur nú fyrir jólin munu koma og lesa upp úr verkum sínum. Umræðum á eftir upplestrunum stjórnar Katrín Jakobsdóttir bókmenntafræðingur að vanda.

Íslandsmeistaramótið í Kumite, sem er önnur af keppnisgreinum Karate, var haldið 13. nóvember.Tveir keppendur fóru frá karatedeild Aftureldingar og náði Telma Rut Frímannsdóttir bestum árangir kvenna

Umhverfis- og náttúrufræðifélag Mosfellsbæjar og Mosfellsbær boða til fræðslufundar um utanvegaakstur í Mosfellsbæ fimmtudaginn 18. nóvember næstkomandi kl. 17:00 í Listasal Mosfellsbæjar 

Fimleikadeild Aftureldingar hreppti bronsið á stórmóti FSÍ sem haldið var á Selfossi um helgina. Á mótinu kepptu 16 lið í 4. flokki í landsreglum og kemur Afturelding sterk inn á fyrsta móti haustsins. 

Opnuð hefur verið ný vegtenging milli Aðaltúns og Flugumýrar sem hefur í för með sér verulegar samgöngubætur fyrir Hlíðartúnshverfi. Hinn nýi vegur tengir Hlíðartúnshverfið beint við hringtorg á mótum Vesturlandsvegar og Skarhólabrautar og eykur því umferðaröryggi til muna.

Laugardaginn 13. nóvember kl. 14-16 verður opnuð sýning Dóru Árna, Mitt land, í Listasal Mosfellsbæjar. Dóra sýnir olíumálverk sem eru óður hennar til landsins. Einnig sýnir hún leirverk.
Sýningin er opin á afgreiðslutíma Bókasafns Mosfellsbæjar.
Allir velkomnir - aðgangur ókeypis.

Laugardaginn 23. okt. 2010 lagði 85 manna hópur (kennarar og annað starfsfólk Varmárskóla) land undir fót og hélt til Boston Ma. Tilgangur fararinnar var að kynna sér skólastarf á þessum slóðum.

Sunnudaginn 14. nóvember kl. 17 verður frumsýnd stuttverkadagskrá fyrir yngstu börnin hjá Leikfélagi Mosfellssveitar. Sýningin kallast „Ævintýri gerast enn“ og þar koma fram hinar ýmsu ævintýrapersónur eins og prinsessan á bauninni, geiturnar þrjár og leikhúsflugurnar Bía og Finnur.

Mosfellska hljómsveitin Mystur heldur tónleika á Bókasafni Mosfellsbæjar fimmtudagskvöldið 11. nóvember kl. 20. Aðgangur er ókeypis. Mystur flytur jazzað popp og tónlistin kemur frá hinum ýmsu löndum.

Tveir jólamarkaðir eru fyrirhugaðir í Mosfellsbæ í ár, innimarkaður á torgi í Kjarna og útimarkaður í Álafosskvos, og mega íbúar því búast við mikilli jólastemmningu í bænum á aðventunni.

Anna Valdís Einarsdóttir, fimleikakona úr Aftureldingu, varð um síðastliðna helgi Íslandsmeistari í almennum fimleikum á Íslandsmeistaramóti sem haldið var í Keflavík. Anna Valdís sigraði mótið, varð stigahæst keppenda í 4. flokki og í öðru sæti var vinkona hennar úr Aftureldingu Birta Jónsdóttir. Mosfellsbær óskar þessum frábæru íþróttakonum og aðstandendum þeirra hjartanlega til hamingju með sigurinn.

Hestamannafélagið Hörður hefur sett á laggirnar sérstaka fræðslunefnd fatlaðra.Aðaláherslur nefndarinnar er að skipuleggja og halda utan um námskeið sérhönnuð fyrir fólk með fatlanir, hreyfihamlanir og þroskahömlun.

Bæjarstjóri Mosfellsbæjar hélt íbúafund um fjárhagsáætlun Mosfellsbæjar 2011 í Hlégarði þann 26. október. Markmið fundarins var að fá umræðu meðal íbúa um leiðir til hagræðingar í rekstri Mosfellsbæjar á næsta ári.