Fréttir eftir mánuðum

Íslandsmótið í skák hefst í Íþróttamiðstöðinni í Lágafelli í Mosfellsbæ í dag.  Klukkan 17 hefst landsliðsflokkur þar sem þátt taka flestir af sterkustu skákmönnum þjóðarinnar.
Bæjarstjórinn í Mosfellsbæ, Haraldur Sverrisson, setur mótið og leikur fyrsta leik þess. 

Á stjórnarfundi SORPU í gær var ákveðið að fresta áður ákveðinni gjaldtöku á garðaúrgangi. Einnig var ákveðið að leita leiða til lækkunar kostnaðar við rekstur endurvinnslustöðvanna og að íbúum höfuðborgarsvæðisins kynntar aðferðir til að draga úr umfangi garðaúrgangs.

Guðrún Sigursteinsdóttir sérkennsluráðgjafi og fyrrum leiksskólastjóri Birkibæjar við Reykjalund í Mosfellsbæ hefur búið til og hannað málörvunar- og lestrarspil. Spilið er sérstaklega ætlað börnum sem eru að byrja að læra að lesa og börnum sem eiga í erfiðleikum með að tengja hljóð við staf.

Lokað verður á Bókasafni og í Listasal Mosfellsbæjar laugardaginn 3. apríl. Lokun yfir hátíðarnar er því frá fimmtudegi 1. apríl til þriðjudags 6. apríl.
Safngögnum er hægt að skila í skilakassa fyrir framan safnið á meðan Kjarni er opinn.
Við óskum viðskiptavinum okkar gleðilegrar páskahátíðar.

Fyrsti skólinn fyrir eins árs til níu ára börn – starfar allan daginn allt árið um kring. Mosfellsbær tekur í dag í notkun nýjan skóla, Krikaskóla, sem verður skóli fyrir eins árs til níu ára börn.

Laugardaginn 27. mars kl. 14 - 16 er opnun sýningar Bergþórs Morthens, Jón Sigurðsson, í Listasal Mosfellsbæjar. Sýningin stendur til 24. apríl.
Verk Bergþórs eru tjáningarrík (e. expressive) portrett sem skírskota til atburða, persóna og aðstæðna í samtíma okkar, eins og nútímasamskipta, þjóðerniskenndar, sjálfstæðis og hetjudýrkunar.

Í dag verða tímamót í sögu skólamála í Mosfellsbæ og á landinu öllu með opnun Krikaskóli sem er skóli fyrir börn á aldrinum eins árs til níu ára. Skólinn verður starfræktur allan daginn, allan ársins hring. Mosfellingum og öðrum áhugasömum er boðið á opnunarhátíð Krikaskóla í dag kl. 15-17 í nýju húsnæði skólans við Sunnukrika í Mosfellsbæ.

Auðveldara að segja „fjall“ en að klífa það. Miðvikudaginn 24. mars verður opið hús hjá Skólaskrifstofu Mosfellsbæjar og að þessu sinni verður fjallað um unglinga í námsvanda, hvernig sá vandi birtist og hvernig nemandinn getur unnið á honum.

Stóra upplestrarkeppnin var haldin í gær fimmtudag og tókst að allra mati afar vel. Fimm drengir og fimm stúlkur tóku þátt í keppninni en auk þeirra komu fram Skólakór Varmárskóla sem söng nokkur lög undir stjórn Guðmundar Ómars Óskarssonar og Ágústa Dómhildur Karlsdóttir sem lék á fiðlu.

Kórar í Mosfellsbæ halda tónleika í Kjarnanum sunnudaginn 21. mars kl. 16:00. Fjöldi kóra koma fram með fjölbreytta dagskrá. Miðasala við innganginn.

Alls bárust 40 tillögur í hönnunarsamkeppni um nýjan framhaldsskóla sem reisa á í miðbæ Mosfellsbæjar. Um er að ræða u.þ.b. 4000 m² byggingu sem staðsett verður við Háholt.

70 ára afmælis- og vortónleikar Karlakórsins Stefnis standa yfir þrjá daga í röð og voru fyrstu tónleikarnir haldnir í Guðríðarkirkju í Grafarholti í gærkvöldi. Efnisskrá tónleikanna rekur sögu kórsins og voru flutt lög sem Stefnir hefur haft á söngskrá sinni í gegnum tíðina.

Vel heppnaður kynningarfundur um stofnun heilsuklasa í Mosfellsbæ var haldinn í gær. Alls mættu um 60 á fundinn og á fimmta tug rituðu undir viljayfirýsingu um að taka þátt í stofnun heilsuklasans. Mikil samstaða var meðal fundargesta og augljós áhugi um að halda verkefninu áfram.

Listaskóli Mosfellsbæjar stendur fyrir Degi Listaskólans laugardaginn 6. mars.  Er þá opið hús í öllum deildum skólans kl. 11:00 – 13:00 og geta bæjarbúar komið og kynnt sér hvað í boði er hjá skólanum í formi listnáms.

Strætó bs. hagnaðist á síðasta ári um 296 milljónir króna eftir fjármagnsliði en hagnaður af reglulegri starfsemi nam rúmum 400 milljónum. Verulegur viðsnúningur hefur orðið á neikvæðri stöðu eigin fjár og er eigið fé neikvætt í árslok um 150 milljónir króna.

Kjörstaður vegna þjóðaratkvæðagreiðslu um gildi laga nr. 1/2010 sem fram fer laugardaginn 6. mars er í Lágafellsskóla við Lækjarhlíð og stendur kjörfundur frá kl. 9-22.

Kynningarfundur um stofnun heilsuklasa í Mosfellsbæ verður haldinn fimmtudaginn 4. mars í Listasal Mosfellsbæjar kl. 20. Hugmyndin að stofnun heilsuklasa í Mosfellsbæ er að hagsmunaaðilar í Mosfellsbæ ásamt tengdum aðilum, taki sig saman um að móta klasa sem byggir á  þeirri þekkingu og reynslu sem samfélagið í Mosfellsbæ býr yfir á sviði endurhæfingar og heilsueflingar.

Merki Krikaskóla hefur verið tilnefnt til Íslensku auglýsingaverðlaunanna, Lúðurinn 2009. Merkið hannaði Stefán Einarsson, grafískur hönnuður hjá auglýsingastofunni Hvíta húsinu.

Í tilefni af Opinni viku Listaskólans, 1.-6. mars, bjóða tónlistarnemendur upp á fjölda tónlistarviðburða víða um bæinn, eins og meðfylgjandi upplýsingar sýna. Dagur Listaskólans verður svo haldinn laugardaginn 6. mars.

Skipulags- og byggingarnefnd boðar til samráðsfundar með íbúum Mosfellsbæjar í Lágafellsskóla þriðjudaginn 2. mars kl. 20. Umræðuefnið er nýtt hesthúsahverfi í Mosfellsbæ.