Fréttir eftir mánuðum

Leikhópurinn Lotta sýnir nýjasta verk sitt, Hans klaufa, á túninu við Hlégarð á fimmtudaginn 29. júlí kl. 18:00.
Áhorfendur eru hvattir til að klæða sig eftir veðri, taka teppi til að sitja á og myndavél en börnin fá að hitta karakterana úr sýningunni og þá er gaman að festa það á filmu. Miðaverð er 1.500 kr.

Umhverfisnefnd Mosfellsbæjar óskar eftir tilnefningum til umhverfisviðurkenninga Mosfellsbæjar fyrir árið 2010. Almenningur og fyrirtæki geta tilnefnt þau svæði eða aðila í Mosfellsbæ sem þeim finnst skara framúr í umhverfismálum.

Ellefta sumar Grænmetismarkaðarins að Mosskógum í Mosfellsdal er nú hafið og verður opið á laugardögum frá kl 12:00 - 16:00 í allt sumar og fram á haust.

Vegna áforma um sérhæfða heilbrigðisstofnun og hótel í tengslum við hana á reit í eigu bæjarins úr landi Sólvalla, er í bígerð tillaga að breytingu á aðalskipulagi.

Vegna sumarleyfa verður Bókasafn og Listasalur Mosfellsbæjar lokað frá 23. júlí til 6. ágúst. Sjá nánar í meðfylgjandi auglýsingu.

Mosfellingar eru hvattir til að koma og njóta góða veðursins í sundlauginni að Varmá.
Sólbaðsaðstaða er til fyrirmyndar, nóg af sólbekkjum, sól, hlýju viðmóti starfsmanna og heitt á könnunni.

Í dag kl. 16:00 verður mikið húllumhæ á Miðbæjartorginu okkar!
Gríðarhár klifurturn, sparkmörk og fótboltar - verðlaun fyrir þáttakendur, brauð og popp grillað á teini og margt fleira í boði skáta og Aftureldingar!
Missið ekki af þessu!

Fullt var út úr dyrum á tónleikunum ,,Manstu gamla daga" á Bókasafni Mosfellsbæjar í gærkveldi. Ætla má að ríflega 130 manns hafi sótt viðburðinn og var gerður góður rómur að dagskránni.

Í ágústmánuði ætlar Hlynur Guðmundsson frjálsíþróttaþjálfari að bjóða öllum 6-12 ára börnum í Mosfellsbæ (og næsta nágrenni) að koma og reyna fyrir sér íslenskri glímu.

Nánast allir foreldrar leikskólabarna og foreldrar barna í vist hjá dagforeldrum sem tóku þátt í viðhorfskönnun á vegum Skólaskrifstofu Mosfellsbæjar telja að börnum sínum líði vel í leikskólanum eða hjá dagforeldrum. Alls sögðust 98,5% foreldra telja að börnum þeirra líði frekar eða mjög vel í leikskólanum.

Ungmennafélag Íslands mun í samvinnu við Ungmennafélagið Aftureldingu starfrækja frjálsíþróttaskóla í Mosfellsbæ dagana 19.-23. júlí. Þetta verður þriðja sumarið í röð sem skólinn starfar og hefur aðsóknin að honum vaxið jafnt og þétt frá upphafi.

Miðvikudaginn 7. júlí kl. 16:30 verður farið í hjólreiðatúr fjölskyldunnar undir leiðsögn Höllu Karenar Kristjánsdóttur. Lagt verður af stað frá Lágafellslaug og hjólað verður upp í Reykjalundarskóg. Farið verður í leiki og fjör á túninu og einnig verður grill á staðnum sem allir eru hvattir til að nýta sér og komið með eitthvað á grillið.