Fréttir eftir mánuðum

Bókverkasýning í Bókasafni Mosfellsbæjar.Verkin eru unnin af Málfríði Finnbogadóttur úr afskrifuðum bókum og blöðum. Þetta er afar sérstök sýning sem Mosfellingar ættu ekki að láta framhjá sér fara.

Stórskemmtilegt smalamót veðrur haldið í Harðarreiðhöllinni næstkomandi laugardag kl. 13.00 og rennur aðgangseyrir til félags krabbameinssjúkra barna.  Þetta verður stórhátíð, enda mótið einstaklega skemmtilegt og áhorfendavænt.

Frjálsíþróttafólk úr Aftureldingu stóð sig vel á hinu árlega Stórmóti ÍR í frjálsum íþróttum sem haldið var um síðustu helgi. Alls tóku 28 keppendur frá Aftureldingu þátt og settu margir persónuleg met og unnu til fjölda varðlauna.

Athygli er vakin á að samkvæmt lögum um húsaleigubætur nr. 138/1997 skal endurnýja umsókn um húsaleigubætur árlega í upphafi árs og gildir umsóknin til ársloka, eða jafnlengi og gildistími húsaleigusamnings. Samkvæmt reglum Mosfellsbæjar um sérstakar húsaleigubætur skal endurnýja umsóknir um sérstakar húsaleigubætur samhliða almennum húsaleigubótum, gildir umsókn aldrei lengur en sex mánuði og/eða jafnlengi og gildistími húsaleigusamnings.

Um áramót tóku sveitarfélögin við umsjón með málefnum fólks með fötlun frá ríkinu. Mosfellsbær hefur að leiðarljósi við þessi tímamót að sem minnst röskun verði á þjónustunni frá því sem verið hefur og hún verði felld að annarri almennri þjónustu við íbúa Mosfellsbæjar.