Fréttir eftir mánuðum

Lið Mosfellsbæjar mætir liði Akureyrar í átta liða úrslitum í spurningakeppninni Útsvar sem fer fram í beinni útsendingu í Sjónvarpinu í kvöld kl. 20.10.

Í tilefni af Degi tónlistaskólanna bjóða söngnemendur Listaskólans í Mosfellsbæ upp á tónleika með lögum Jóns Múla Árnasonar í  Safnaðarheimili Lágafellssóknar við Þverholt laugardaginn 26. febrúar klukkan 14:00.

Íþrótta- og tómstundanefnd óskar eftir athugasemdum við stefnu Mosfellsbæjar í íþrótta- og tómstundamálum sem nú er í vinnslu. Nefndin hefur unnið drög að stefnunni sem nú er óskað eftir áliti íbúa á.

Skemmtileg og hamingjurík kærleiksvika er framundan í Mosfellsbæ og lýkur Kærleiksviku á sunnudagskvöld með kærleiksmessu í Lágafellskirkju þar sem Mosfellingurinn Jógvan Hansen syngur um ástina og kærleikann.

Á opnu húsi Skólaskrifstofunnar í kvöld, miðvikudagskvöld kl 20-21, verður fjallað um áföll í fjölskyldum, svo sem skilnað og önnur áföll, og hvernig heppilegast er að umgangast börn í því sambandi. Tekin verða dæmi um slíkar aðstæður, viðbrögð barna og fullorðinna.

Mosfellsbær hrindir nú af stað könnun um hvernig virkja megi íbúa til frekari þátttöku í málefnum sveitarfélagsins. Mosfellingar eru hvattir til að taka þátt og láta þannig í ljós vilja sinn um hvernig samráði er best háttað.

Kærleiksvika í Mosfellsbæ stendur nú yfir í annað sinn með fjölbreyttum viðburðum um allan bæ. Í kvöld kl. 18 verður kærleiksstund í Lágafellslaug og kl. 20 verður kynning á Lútherskri hjónahelgi í Safnaðarheimilinu.

Vikuna 14. - 17. febrúar verður opin vika í Listaskólanum. Þá er ekki hefðbundin kennsla, nema í tónfræðagreinum, en nemendur halda tónleika í öllum grunnskólum bæjarins og auk þess þrenna tónleika í Listasal Mosfellsbæjar.

Kærleiksvika verður nú haldin í annað sinn þar sem kærleikurinn er ofar öllu hér í Mosfellsbæ. Af því tilefni er fjölbreytt dagskrá í boði. Markmið vikunnar er að hver einasti bæjarbúi finni fyrir kærleik í sinn garð og gefi af sér kærleik.

Haraldur Sverrisson, bæjarstjóri Mosfellsbæjar og Guðmundur Davíðsson, oddviti Kjósarhrepps, hafa ritað undir samkomulag um að Mosfellsbær og Kjós sé eitt þjónustusvæði fyrir fatlað fólk.

Fötluðum börnum og ungmennum gefst nú tækifæri á að sækja reiðnámskeið í reiðhöll Harðar í Mosfellsbæ.

Þjónustuver Mosfellsbæjar hefur verið flutt um set og fer nú öll almenn afgreiðsla fram á 2. hæð. Þjónustuverið er sem áður opið milli klukkan 8 og 16 alla virka daga.