Fréttir eftir mánuðum

Auglýsing um kjörstað og aðsetur yfirkjörstjórnar Mosfellsbæjar.

Kjörstaður vegna þjóðaratkvæðagreiðslu um samþykkt eða synjun laga nr. 13/2011 sem fram fara þann 9. apríl 2011 er í Lágafellsskóla við Lækjarhlíð og stendur kjörfundur frá kl. 09-22.

Aðsetur yfirkjörstjórnar á kjördag þann 9. apríl 2011 verður á sama stað.

Mosfellsbæ 30. mars 2011.

Yfirkjörstjórn Mosfellsbæjar

Þorbjörg Inga Jónsdóttir formaður
Haraldur Sigurðsson
Valur Oddsson

Kjörskrá í Mosfellsbæ vegna þjóðaratkvæðagreiðslu þann 9. apríl 2011.

Kjörskrá vegna þjóðaratkvæðagreiðslu um samþykkt eða synjun laga nr. 13/2011  sem fram fara þann 9. apríl 2011, liggur frammi almenningi til sýnis í þjónustuveri Mosfellsbæjar að Þverholti 2, á skrifstofutíma frá kl. 08:00 – 16:00, frá og með 30. mars 2011 og til kjördags.

Mosfellsbæ 30. mars 2011.

Bæjarritarinn í Mosfellsbæ

Föstudaginn 1. apríl kl. 16 - 18 verður opnuð sýning myndlistarmannsins Auðar Vésteinsdóttur, VIÐMIÐ, í Listasal Mosfellsbæjar. Á sýningunni eru ný collageverk. Með land- og sjókortum sem leiðarstef að myndefni verkanna lýsir Auður margbreytilegum formum sem hverfult veðurfar varpar á land og sjó.

Nýverið var haldin stærðfræðikeppni fyrir grunnskólanemendur úr Grafarvogi, Árbæ, Norðlingaholti og Mosfellsbæ. Stærðfræðikennarar við Borgarholtsskóla stóðu fyrir keppninni. Verðlaunaafhending var á þriðjudag og hlutu sjö nemendur úr Varmárskóla verðlaun.

Leiðir til að finna og næra styrkleika hjá börnum og unglingum.
Miðvikudaginn 30. mars er komið að síðasta opna húsinu í vetur en að þessu sinni verður fjallað um leiðir til að þekkja og vinna með styrkleika hjá börnum og unglingum.

Afmælisnefnd vegna afmælis Jóns Sigurðssonar í samstarfi við Mennta-og menningarmálaráðuneytið efndi nýverið til ritgerðasamkeppninnar "Kæri Jón" af tilefni 200 ára afmælis Jóns og Ari Páll Karlsson nemandi í 8. SÞ í Lágafellskóla var meðal 12 vinningshafa

Vinnuskóli Mosfellsbæjar sumarið 2011 verður starfræktur á tímabilinu 9. júní til 28. júlí og er skólinn í boði fyrir unglinga sem voru að ljúka 8., 9. og 10. bekk og eru með lögheimili í Mosfellsbæ. Skráning í Vinnuskóla Mosfellsbæjar fer nú fram í gegnum íbúagátt á  www.mos.is/ibuagatt. Umsóknarfrestur er til 30. mars.

Mosfellsbær auglýsir laus til umsóknar sumarstörf fyrir ungt fólk sem er búsett í Mosfellsbæ. Alls er boðið upp á um 140 störf. Annars vegar er um að ræða hefðbundin sumarstörf fyrir 18 ára og eldri og hins vegar sumarátaksstörffyrir ungmenni á aldrinum 17-20 ára.

Listasalur Mosfellsbæjar minnir á sýninguna Vegir efnisins, sem lýkur laugardaginn 26. mars nk. Á sýningunni eru ný verk; ljósmyndir og teikningar Þóru Sigurðardóttur. Þátturinn Víðsjá sendir í dag (þriðjudag) út viðtal Elísabetar Indru Ragnarsdóttur við Þóru í tilefni sýningarinnar.

Mosfellsbær er, ásamt Garðabæ, besta sveitarfélagið til að búa í að mati íbúa og hvergi er meiri ánægja með skipulagsmál. Þetta kemur fram í könnun Capacent þar sem mæld var ánægja með þjónustu sveitarfélaga.

Í gærkvöldi fór fram lokahátíð Stóru upplestrarkeppninnar. Keppnin fór mjög vel fram og voru keppendur einstaklega glæsilegir og virðulegir í framkomu. Skólaskrifstofa Mosfellsbæjar þakkar öllum þátttakendum kærlega fyrir góða kvöldstund og óskar þeim innilega til hamingju með árangurinn.

Stofnfundur heilsuklasa fer fram að Reykjalundi mánudaginn 28. mars kl. 17:30. Tilgangurinn með samstarfinu er að koma á laggirnar klasa til að byggja upp og efla alla starfsemi  og þekkingu  á sviði heilsueflingar, heilsuræktar og endurhæfingar í Mosfellsbæ.

Íþrótta- og tómstundanefnd auglýsir eftir umsóknum vegna úthlutunar styrkja til efnilegra ungmenna sem leggja stund á íþróttir, tómstundir eða listir. Öll ungmenni á aldrinum 14 til 20 ára, með lögheimili í Mosfellsbæ, sem skara fram úr og hafa sýnt sérstaka hæfileika á sínu sviði geta sótt um styrkinn.

Mosfellsbær stendur fyrir fræðslufundi um íbúalýðræði undir yfirskriftinni Íbúalýðræði – hvernig og hvers vegna? Fræðslufundurinn verður haldinn í Krikaskóla í kvöld, þriðjudaginn 22. mars kl. 20-22 og er öllum opinn.

Lokahátíð Stóru upplestrarkeppninnar haldin í Lágafellsskóla 17. mars kl. 20:00. Keppnin er nú haldin í 12. sinn í Mosfelsbæ. Í Stóru upplestrarkeppninni taka nemendur úr 7. bekk þátt í upplestri og hafa þau verið að æfa sig frá 16. nóvmber en þá hóst keppnin á degi íslenkrar tungu.

Menningamálanefnd Mosfellsbæjar óskar eftir umsóknum frá félagasamtökum í Mosfellsbæ sem að hafa áhuga á að standa fyrir hátíðarhöldum þann 17. júní 2011, Jólatréshátíð (dagskrá í upphafi aðventu) 2011, Jólaball 2011, Menningarvor 2012, sumardagurinn fyrsti 2012, 17. júní 2012, Jólatréshátíð (dagskrá í upphafi aðventu) 2012, Jólaball 2012.

Tónlistardeild Listaskóla Mosfellsbæjar sendi  fjóra unga þverflautunemendur og Skólahljómsveit Mosfellsbæjar á fyrri hluta Uppskeruhátíðar tónlistarskólanna, er nefnist Nótan á laugardaginn var þann 12. mars en Tónlistarskólar af höfuðborgarsvæðinu, Suðurlandi og Suðurnesjum sendu þátttakendur á þessa hátíð,

Á sunnudag verður opið hús hjá Skólahljómsveitinni í Varmárskóla frá kl. 10.00 – 12.00 þar sem gestum og gangandi gefst tækifæri á því að kynnst því hvernig skólahljómsveitin vinnur á æfingum.

Vegna reglulegs viðhalds tölvukerfa hjá Mosfellsbæ verður upplýsingakerfum Mosfellsbæjar lokað frá klukkan 17 og fram á kvöld. Á þeim tíma verður íbúagátt og fundargátt nefndar- og starfsmanna ekki aðgengileg.

Þrjár hljómsveitir leiða hesta sína saman á stórskemmtilegum tónleikum á vegum tónlistardeildar Listaskóla Mosfellsbæjar sem fram fara í Bæjarleikhúsinu á sunnudaginn 13.mars kl. 20. Þar ættu allir að finna eitthvað við sitt hæfi þar sem tónlistin verður afar fjölbreytileg. Aðgangur ókeypis.

Öskudagurinn í Varmárskóla var með skemmtilegu sniði nú eins og árin á undan. Í skólann mætti fjöldinn allur af furðuverum sem skemmtu sér vel saman.

Dagskrá um Jón Kalman Stefánsson rithöfund og bæjarlistamann Mosfellsbæjar verður í Bókasafni Mosfellsbæjar í kvöld kl. 20-21.30. Einar Falur Ingólfsson ljósmyndari stýrir dagskránni, Magga Stína syngur og Jón Kalman segir frá því sem ekki má segja frá.

Opið hús  kl. 11.00 – 13.00 í Listaskólanum Háholti 14. 3ju hæð og hjá Leikfélagi Mosfellssveitar í Bæjarleikhúsinu.

Kl. 15.00 verða tónleikar nemenda í framhaldsnámi á Gljúfrasteini.

Föstudaginn 4. mars kl. 16 - 18 verður opnuð sýning myndlistarmannsins Þóru Sigurðardóttur, Vegir efnisins, í Listasal Mosfellsbæjar. Á sýningunni eru teikningar og ljósmyndir og stendur hún til 26. mars .

Helgina 26-27. febrúar var yngsta frjálsíþróttafólk Aftureldingar að ljúka innanhússkeppnistímabilinu með miklum glæsibrag á Íslandsmóti 11 til 14 ára í Laugardalshöll. Afturelding sendi fjórtán keppendur á mótið og kom heim með sjö verðlaun en nítján sinnum voru Mosfellingar í úrslitum, sem er frábær árangur.

Mosfellsbær stóð sig vel í Lífshlaupinu og lenti í 13. sæti af 66 sveitarfélögum sem tóku þátt nú í ár. Lífshlaupið er fræðslu- og hvatningarverkefni á vegum Íþrótta- og Ólympíusambands Íslands þar sem landsmenn eru hvattir til stunda daglega hreyfingu af ýmsu tagi sér til heilsubótar og fór fram dagana 2.-22. febrúar.