Fréttir eftir mánuðum

Í ár er Lágafellsskóli 10 ára og í tilefni þess verður afmælishátíð ásamt vorhátíð Mosfellsbæjar haldin laugardaginn 30. apríl. Skemmtunin hefst með skrúðgöngu í fylgd Mosverja frá Kjarna kl. 12:30 og verður gengið að skólanum þar sem verður stanslaus skemmtun til kl. 16:00. Meðal annars koma fram í sal núverandi og fyrrverandi nemendur skólans, pylsusala á vegum skátanna verður á útisvæði ásamt skátatívolíi, innandyra verður köku- og kaffisala sem foreldrar 6. bekkinga sjá um, Lárus töframaður, Ingó veðurguð og Friðrik Dór mæta einnig á svæðið.

Dagana 29. apríl – 16. maí verður hreinsunarátak í Mosfellsbæ. Á því tímabili eru íbúar Mosfellsbæjar hvattir til að hreinsa í kringum hús sín og næsta umhverfi. Nú hillir í  vorið og því tímabært að fjarlægja rusl eftir veturinn.

Starfsmenn Áhaldahúss verða á ferðinni á þessu tímabili og fjarlægja garðaúrgang sem settur hefur verið út fyrir lóðamörk. Fólk er hvatt til að setja garðaúrgang í poka og binda greinaafklippur í knippi. Gert er ráð fyrir að úrgangur verði sóttur fyrir utan lóðarmörk dagana fram til 16. maí.

Reykjadalur í Mosfellsdal var við hátíðlega athöfn afhent Samfélagsverðlaun Fréttablaðsins í Þjóðmenningarhúsinu í gær. Forseti Íslands,  Ólafur Ragnar Grímsson, afhenti verðlaunin. Þetta mun vera í sjötta sinn sem Fréttablaðið veitir Samfélagsverðlaunin en þau eru veitt í fjórum flokkum auk heiðursverðlauna.

Hin árlega menningarvika leikskóla Mosfellsbæjar fer fram dagana 11-15 apríl í Kjarna. Öll börn í leikskólum Mosfellsbæjar hafa verið að vinna listaverk sem verða til sýnis í kjarnanum. Sýningin gefur innsýn í það frábæra, fjölbreytta og metnaðarfulla starf sem unnið er í leikskólum bæjarins.

Í Bókasafni Mosfellsbæjar er mánaðarlega sett fram ný bókmenntagetraun fyrir börnin yfir vetrarmánuðina.

Í lok marsmánaðar var dreginn út verðlaunahafi mánaðarins og var það Skírnir Máni Stefánsson. Hann var með öll svörin rétt og fékk að launum bókina Flateyjarbréfin eftir Kristjönu Friðbjörnsdóttur.

Í febrúar tóku mörg börn þátt í bókmenntagetraun barnanna í Bókasafni Mosfellsbæjar.

Einn heppinn þátttakandi var síðan dreginn út og að þessu sinni varð það 7 ára stelpa, Íris Mist Forberg.

Hún fékk í verðlaun glænýja bók um Fíusól.

Vegna bilunar í síma- og tölvukerfi er ekki hægt að ná símasambandi  né tölvusambandi við bæjarskrifstofur sem stendur. Viðgerð stendur yfir.

Alls hafa 85% Mosfellinga áhuga á að taka þátt í málefnum sveitarfélagsins og flestir vilja taka þátt með rafrænum hætti. Þetta sýna niðurstöður nýrrar könnunar sem Mosfellsbær gerði í því skyni að kanna áhuga íbúa í þátttöku í málefnum sveitarfélagsins.

Dagforeldrar úr Mosfellsbæ, Garðabæ, Seltjarnarnesi og Akranesi voru á fræðslunámskeiði í gær sem bar yfirskriftina  „Heilsuvernd,  þroski og heilsufar ungra barna“   Hulda Gestsdóttir hjúkrunarfræðingur og verkefnastjóri í ung- og smábarnavernd og Guðmundur Karl Sigurðsson heimilislæknirá Heilsugæslustöð Mosfellsumdæmis fjölluðu um heilsuvernd, þroska og heilsufar ungra barna.

Þann 26.mars sl. fóru tveir kennarar og sjö nemendur úr 10. HMH í Varmárskóla til Ventspils í Lettlandi til að taka þátt í verkefninu "Start with your self".  

VIÐMIÐ

Föstudaginn 1. apríl kl. 16 - 18 verður opnuð sýning myndlistarmannsins Auðar Vésteinsdóttur, VIÐMIÐ, í Listasal Mosfellsbæjar. Á sýningunni eru ný collageverk. Með land- og sjókortum sem leiðarstef að myndefni verkanna lýsir Auður margbreytilegum formum sem hverfult veðurfar varpar á land og sjó.                  

Tvær ungar, mosfellskar mæður standa um helgina fyrir viðburðinum Fjörkálfar og fylgihlutir sem fram fer í Krikaskóla á morgun, laugardag kl. 12-17. Viðburðurinn er tileinkaður foreldrum og börnum 0-6 ára ásamt verðandi foreldrum.

Brúðubörn úr safni Rúnu Gísladóttur verða til sýnis í Bókasafni Mosfellsbæjar í aprílmánuði á afgreiðslutíma safnsins.
Á sýningunni eru aðallega handgerðar postulínsbrúður, en einnig leikfangabrúður frá ýmsum tímum.