Fréttir eftir mánuðum

Gæsluvöllur verður opinn í júlí eða frá 4. júlí til og með 29. júlí. Opnunartími vallarins er frá  kl. 9.00 - 12.00 og frá kl. 13.00 - 16.00.Á gæsluvöllinn geta komið börn frá 20 mánaða - 6 ára aldurs.

Hin sænsk-íslenska hljómsveit Sandström/Gunnarsson duo mun halda tónleika í Listasal Mosfellsbæjar þann 23. júní klukkan 20.00.Miðar seldir við innganginn, verð 1500 kr.

Leik- og grunnskólabörn í Mosfellsbæ tóku vel á móti hlaupurunum, sem hlaupið hafa hringinn í kringum landið til styrktar krabbameinssjúkum börnum, þegar þeir komu inn í Mosfellsbæ. Haraldur Sverrisson bæjarstjóri afhenti þeim áheitabréf upp á 100.000 krónur.

Blásið var til grillveislu í gær í tilefni af góða veðrinu. Nokkrir dagforeldrar tóku sig saman og buðu börnunum í grill og fjör. Börnin nutu þess að borða úti og njóta félagsskapar hvert af öðru.

Fimmtudaginn 16. júní kl. 16 - 18 verður opnuð sýning myndlistakonunnar Melkorku Huldudóttir „Ó! Sjúka líf. Týnda líf.“ í Listasal Mosfellsbæjar. Sýningin dregur upp myndir af ástandi milli svefns og vöku, martröðum og draumum.

Fjórmenningarnir sem hlaupið hafa hringinn í kringum landið til styrktar krabbameinssjúkum börnum ljúka hringnum í dag. Þau munu hlaupa í gegnum Mosfellsbæ kl. 12.45 og eru Mosfellingar allir hvattir til að mæta og hvetja þau áfram síðasta spölinn. Þau munu stoppa í 15 mínútur á Miðbæjartorgi, kl. 12.45-13.00.

Dagskrá 17. júní er fjölbreytt að vanda. Hún hefst með guðþjónustu í Lágafellskirkju kl. 11 en hátíðardagskráin hefst kl. 13 á Miðbæjartorgi. Þaðan verður farið í skrúðgöngu að Hlégarði þar sem boðið er upp á fjölskyldudagskrá fram eftir degi. Um kvöldið verða útitónleikar við Hlégarð og fjölskyldudansleikur á Miðbæjartorgi.

Á Hvítasunnudag fer fram hið sögufræga víðavangshlaup frá Álafosskvos. Hlaupið er um austursvæði bæjarins, að Hafravatni þá vestur að Áslák og niður að Álafosskvos. Vegalengdin er um 9 km og vegleg útdráttarverðlaun verða veitt.

Allar upplýsingar eru inni á www.hlaup.is

Útitónleikar á Álafossi laugardaginn 11.júní kl. 15.00 til 20.00. Fram koma: Legend, Vintage Caravan, Moy, Gummester, Elín Ey, Sleeps like an Angry Bear, Rökkurró, Murrk og Trust the lies.
Lex gaines verður á staðnum. Aðgangur er ókeypis.

Á föstudaginn næsta þann 10. júní ætlum við að gera okkur glaðan dag og hafa sumarhátíð á leikskólanum í samvinnu við leikskólann Hlíð. Lagt verður á stað í skrúðgöngu kl 10:00 frá leikskólanum.

Erfiðasta utanvegahlaup landsins, 7 tinda hlaupið, verður haldið í þriðja sinn laugardaginn 11. júní 2011. Hlaupið hefst kl 10:00 við Íþróttamiðstöðina að Varmá í Mosfellsbæ. Hlaupið er utanvega um fjöll, heiðar og dali í bæjarlandi Mosfellsbæjar og komið aftur í mark við Íþróttamiðstöðina að Varmá.

Hættumatsnefnd Mosfellsbæjar boðar hér með til kynningar á tillögu að hættumati vegna ofanflóða fyrir Mosfellsbæ i dag kl. 16-19.

Tillaga að hættumati verður sýnd á veggspjöldum og drög að greinargerð með hættumatskorti munu liggja frammi á opnu húsi í bæjarstjórnarsalnum á 2. hæð Kjarna, Þverholti 2, þriðjudaginn 7. júní kl. 16-19.

Föstudaginn 3. júní, var tekin fyrsta skóflustungan að nýju hjúkrunarheimili í Mosfellsbæ. Alls verða 30 hjúkrunarrými í byggingunni sem verður 2250 fermetrar að stærð á tveimur hæðum.

Í Kjarnanum í Þverholti hefur verið sett upp sögusýningin Silfur Egils sem fjallar um Mosfellsdal á víkingaöld og dvöl Egils Skallagrímssonar í Mosfellsdal. Sýningin samanstendur af spjöldum með ljósmyndum af sviðsettum atriðum úr Egils sögu. Sýningin hefur þegar verið sett upp í Lágafellsskóla og Varmárskóla.