Fréttir eftir mánuðum

Í sumar hefur „Sumarlestur“  verið í gangi í Bókasafninu fyrir börn í 1.-4. bekk og  nú er komið að uppskeruhátíð. Öll börn sem skráðu sig í lesturinn eru boðin velkomin í safnið í dag 30. ágúst kl. 17. 

Á bæjarhátíðinni „Í túninu heima“ veitti umhverfisnefnd Mosfellsbæjar umhverfisviðurkenningar fyrir árið 2011 fyrir fallegasta húsagarðinn, fyrir fyrirtæki sem skarar fram úr í umhverfismálum og fyrir fallegustu götuna. 

Frístundaávísanir fyrir veturinn 2011-2012 verða  virkar frá 1. september 2011. 
Mosfellsbær gefur forráðamönnum allra barna og unglinga á aldrinum 6-18 ára, árgangar 1994-2005,  með lögheimili í Mosfellsbæ kost á frístundaávísun að upphæð 15.000,- kr sem hægt er að nota til að greiða fyrir hvers konar frístundastarf hjá viðurkenndum frístundafélögum eða frístundastofnunum.

Sett var Íslandsmet í planki á Miðbæjartorgi á föstudagskvöld þegar alls 441 tóku þátt í hópplanki. Viðburðurinn var hluti af bæjarhátíð Mosfellsbæjar, Í túninu heima, sem fór fram í sjöunda sinn um liðna helgi. 

_{Mynd: mbl.is/Eggert}

Tómstundafulltrúi Strandabyggðar sendir Mosfellingum hlýjar kveðjur “í túninu heima” og hvetur Mosfellinga til dáða í hópplankinu í kvöld en Strandabyggð telur sig eiga Íslandsmetið eins og er: http://strandabyggd.is/frettir/Mosfellingar_reyna_vid_Islandsmetid_i_planki/

 Bestu kveðjur af Ströndum 

Vonast er til þess að Mosfellingar og aðrir gestir á bæjarhátíðinni Í túninu heima setji Íslandsmet í fjöldaplanki á setningarhátíð á Miðbæjartorgi í kvöld.

Í síðastliðinni viku var Leirvogstunguskóli opnaður og hafa starfsmenn verið á fullu að taka á móti nýjum nemendum. Svæðið er allt að verða tilbúið og er aðstaðan orðin hin glæsilegasta.

Í túninu heima, bæjarhátíð Mosfellsbæjar, verður haldin í sjöunda sinn dagana 25.-28. ágúst næstkomandi. Meðal nýjunga á hátíðinni í ár eru litboltavöllur og lazer-tag auk þess sem stefnt er á að setja íslandsmet í planki á setningarhátíðinni á Miðbæjartorgi föstudagskvöld.

Í sumar verður mikið framboð af spennandi afþreyingu fyrir börn og unglinga. Íþrótta- og tómstundaskóli  Mosfellsbæjar (ÍTÓM) Sumarfjör 2011, verður með svipuðu sniði og undanfarin ár.
Lögð verður mikil áhersla á útivist og almennar íþróttir og tómstundir þar sem allir ættu allir að finna eitthvað við sitt hæfi.

Félag leikskólakennara (FL) hefur boðað til verkfalls sem hefjast mun mánudaginn 22. ágúst. Deiluaðila greinir á um framkvæmd verkfallsins en þar til það skýrist verður framkvæmdin í samræmi við leiðbeiningar FL.

Framkvæmdir við tvöföldun Vesturlandsvegar frá Álafosstorgi að Þingvallatorgi er nú langt á veg komnar. Um leið og vegurinn verður orðinn tvöfaldur er aðkoma um Ásland í núverandi mynd ekki möguleg. Stefnt er að lokun Áslands eigi síðar en 15. ágúst 2011.

Föstudaginn 12. ágúst kl. 16 - 18 verður opnuð sýning myndlistartvíeykisins Hugsteypunnar, Tengslun, kóðun og kerfismyndun í Listasal Mosfellsbæjar. Á sýningunni gefur að líta þrjár sjálfstæðar innsetningar sem Hugsteypan hefur unnið að undanfarin tvö ár. 

Föstudaginn 5. ágúst síðastliðinn var söngleikurinn Hársprey frumsýndur í Bæjarleikhúsinu hjá Leikfélagi Mosfellssveitar. Að söngleiknum koma 37 ungmenni á aldrinum 13-18 ára sem öll sameina krafta sína í leik, söng, dansi og búningagerð. Söngleikurinn er afrakstur námskeiða..

Í dag eru 24 ár liðin frá því að Mosfellsbær var stofnaður og fá Mosfellingar hér með hamingjuóskir í tilefni dagsins. Fjöldi íbúa í dag er rúmlega 8600 og hefur því tvöfaldast á þessum árum. Síðustu ár hefur bæjarhátíðin Í túninu heima m.a.verið haldin síðustu helgina í ágúst

Fimmtán  Mosverjar eru núna staddir á Alheimsmóti skáta í Svíþjóð ásamt tæplega 300 öðrum Íslendingum. Mótið var sett við hátiðlega athöfn þann 28. júlí  þar sem 39.000 skátar voru saman komnir til að fagna setningu mótsins