Fréttir eftir mánuðum

Menningarmálanefnd auglýsir eftir aðilum sem óska eftir fjárframlögum frá nefndinni  vegna listviðburða og menningarmála árið 2012.  Hér undir falla fjárframlög til margvíslegrar menningarstarfsemi í bænum.

Bæjarstjórar í sveitarfélugunum í Kraganum,  Mosfellsbæ,  Garðabæ, Hafnarfirði, Kópavogi og Seltjarnarnesi ásamt forstöðumanni Rannsóknarstofu í menntunarfræðum ungra barna, RannUng, við Háskóla Íslands, undirrituðu í gær samstarfssamning um rannsóknarverkefni í leikskólum sveitarfélagana. Markmið samstarfsins er að auka þekkingu á leikskólastarfi í sveitarfélögunum og stuðla að auknum gæðum í leikskólastarfi. Um er að ræða samning til þriggja ára.

Heilsu- og lífsstílsklúbbnum í Mosfellsbæ heldur sinn fyrsta fyrirlestur af 12 á Heilsuári 2012 í Mosfellsbæ. Markmið klúbbsins er að fræða og ræða málefni sem tengjast fjölskyldum og heilbrigðu líferni og hvað við sjálf getum gert til að gera samfélagið okkar enn betra til að búa í. Heilsu- og lífsstílsklúbburinn í Mosfellsbæ hvetur Mosfellinga og nærsveitarmenn til að koma og taka þátt í líflegum og fræðandi fyrirlestri um börn og næringu mánudagskvöldið  30.janúar kl.20. Fyrirlestur þessi er sá fyrsti af 12 á Heilsuári í Mosfellsbæ. AÐGANGUR ÓKEYPIS.

Kærleiksvika verður nú haldin í þriðja sinn eins og áður verður kærleikurinn ofar öllu hér í Mosfellsbæ. Markmið vikunnar er að hver einasti bæjarbúi finni fyrir kærleik í sinn garð og gefi af sér kærleik.  Þetta gæti falist í hrósi, faðmi, brosi, fallegum skilaboðum eða einhverju öðru uppbyggilegu og skemmtilegu.
Skipulögð hefur verið fjölbreytt dagskrá fyrir alla fjölskylduna alla vikuna.

Hið árlega lýðheilsuátak „Lífshlaupið“  fer nú fram dagana 1.-21. febrúar. Um er að ræða fræðslu- og hvatningarverkefni á vegum Íþrótta- og Ólympíusambands Íslands sem höfðar til allra aldurshópa og eru allir hvattir til að taka þátt.

Miðvikudaginn 25. janúar er komið að fyrsta opna húsinu á þessu ári en að þessu sinni verður rætt um föruneyti barnsins. Hlutverk okkar er ekki aðeins að vernda barnið heldur að efla því þor,

Síðastliðinn miðvikudag, 18.janúar voru kynntar niðurstöður á úttekt á opinberum vefjum ríkis og sveitarfélaga. Úttektin sem framkvæmd er af Deloitte fyrir Ský, skýrslutæknifélag Íslands, annað hvert ár er gerð með það að markmiði að meta gæði vefjanna, fá yfirlit yfir þjónustu sem er í boði og til þess að fylgjast með þróun og breytingum. Alls voru  267 vefir teknir til skoðunar og þar af voru 70 sveitarfélög sem tóku þátt í úttektinni.

Kjör íþróttamanns og íþróttakonu Mosfellsbæjar fór fram í Íþróttamiðstöðinni að Varmá í gærkvöld. Ásamt því að heiðra íþróttakarl og íþróttakonu Mosfellsbæjar voru veittar viðurkenningar fyrir Íslandsmeistaratitla, bikarmeistara, landmótsmeistara og fyrir þátttöku í æfingum eða keppni með landsliði. Einnig voru veittar viðurkenningar fyrir efnilegasta dreng og stúlku yngri en 16 ára í hverri íþróttagrein.

Hestamannafélagið Hörður átti glæsilegan hóp verðlaunahafa á Uppskeruhátíð íþrótta- og tómstundasviðs Mosfellsbæjar þar sem fjórir hestamenn voru tilnefndir til verðlauna við val á íþróttamanni ársins. Frá vinstri Anton Hugi Kjartansson, Sigríður Sjöfn Ingvarsdóttir, Reynir Örn Pálmason og Harpa Sigríður Bjarnadóttir.

Fimmtudaginn 19. janúar nk. kl. 20 verður haldið hóf í Íþróttamiðstöðinni að Varmá þar sem lýst verður kjöri íþróttakarls- og konu Mosfellsbæjar árið 2011. Við sama tilefni er þeim einstaklingum sem hafa orðið Íslands

Nú standa yfir framkvæmdir við göngu- og hjólreiðastíg meðfram Vesturlandsvegi.  Vinnuvélar eru nú að störfum á horni Vesturlandsvegar og Skarhólabrautar við Hlíðartúnshverfi þar sem unnið er að fyrsta hluta stígsins.
Um er að ræða samgöngustíg sem tengja mun núverandi stígakerfi í Mosfellsbæ við stígakerfi Reykjavíkur.

Fótboltamamman og athafnakonan Hanna Símonardóttir hefur verið valin Mosfellingur ársins 2011 af bæjarblaðinu Mosfellingi. Hanna hefur um árabil verið ein aðal driffjöðurin í starfi Aftureldingar. Hún er ma. upphafsmaður risa þorrablóts Aftureldingar í þeirri mynd sem það er í dag auk þess sem hún á veg og vanda að knattspyrnuskóla Aftureldingar

Spáð er asahláku um helgina og þar sem mikill snjór og klaki er í bænum er hætta á vatnstjónum og hálkuslysum.
Hjá Þjónustumiðstöð ( áhaldahúsi ) bæjarins, Völuteig 15 geta íbúar fengið sand til að bera á plön og stéttar við heimahús. Aðgengi er opið að sandi við Þjónustumiðstöð og er bæjarbúum velkomið að taka sand sem til þarf.

Stjórn Strætó bs. ákvað á fundi sínum 16. desember síðastliðinn að hækka gjaldskrá sína. Þannig mun verð á tímabilskortum og  afsláttarfarmiðum hækka um 10% að jafnaði 1. febrúar næstkomandi. Stök fargjöld haldast hins vegar óbreytt, eða 350 krónur. Strætókort eru seld í  Þjónustuveri Mosfellsbæjar og Íþróttamiðstöð Varmá.

Spáð er asahláku um helgina og þar sem mikill snjór og klaki er í bænum er hætta á vatnstjónum og hálkuslysum. Hjá Þjónustumiðstöð ( áhaldahúsi ) bæjarins, Völuteig 15 geta íbúar fengið sand til að bera á plön og stéttar við heimahús.

Spáð er asahláku um helgina og þar sem mikill snjór og klaki er í bænum er hætta á vatnstjónum og hálkuslysum.
Hjá Þjónustumiðstöð ( áhaldahúsi ) bæjarins, Völuteig 15 geta íbúar fengið sand til að bera á plön og stéttar við heimahús.

Tilkynning frá Hitaveitu Mosfellsbæjar: Heitavatnslaust verður í Blikahöfða frá klukkan 10 og frameftir degi.

Tilmæli um viðbrögð foreldra og forráðamanna. Áríðandi er að foreldrar fylgist með tilkynningum og fari að tilmælum. Kappkostað er að koma tilkynningum tímanlega á framfæri í samvinnu við fréttastofur útvarpsstöðva (RÚV og Bylgjuna) og helstu fréttamiðla á vefnum (mbl.is og visir.is) og er miðað við að tilkynningar berist þeim eigi síðar en kl. 7.00 að morgni sé tekin ákvörðun um viðbúnaðarstig við upphaf skóladags.

Starfsmenn þjónustustöðvar Mosfellsbæjar munu, eins og undanfarin ár, aðstoða bæjarbúa við að fjarlægja jólatré sín, og verða þau hirt dagana 9. og 10. janúar.  Þeir bæjarbúar sem vilja nýta sér þessa þjónustu eru vinsamlegast beðnir um að setja jólatrén út fyrir lóðamörk fyrir þann tíma

Athygli er vakin á að samkvæmt lögum um húsaleigubætur nr. 138/1997 skal endurnýja umsókn um húsaleigubætur árlega í upphafi árs og gildir umsóknin til ársloka eða jafnlengi og gildistími húsaleigusamnings. Samkvæmt reglum Mosfellsbæjar um sérstakar húsaleigubætur skal endurnýja umsóknir

Nú fyrir áramót var gerð könnun á því hvort  Mosfellingar vildu hafa þrettándabrennuna kl. 20, eins og hefð er fyrir, eða kl. 18.  Þetta var gert vegna fjölda ábendinga um að brennan væri of seint fyrir yngstu kynslóðina. Könnuninni svöruðu 651 mans, þar af vildu 61% hafa hana kl: 18:00 og 39% vildu hafa hana kl 20:00.

Í Mosfellsbæ eru 93% íbúa ánægðir með Mosfellsbæ sem stað til að búa á. Þetta kemur fram í árlegri þjónustukönnun sem Capacent gerir meðal sveitarfélaga. Um 90% bæjarbúa eru ánægðir með aðstöðu til íþróttaiðkunar. Þegar kemur að skipulagsmálunum er Mosfellsbær í öðru sæti meðal sveitarfélaga.Almenn ánægja er með skólana en um 80% íbúa eru ánægðir með leik- og grunnskóla bæjarins.