Fréttir eftir mánuðum

Bæjarhátíð Mosfellsbæjar, Í túninu heima, er haldin síðustu helgina í ágúst ár hvert. Hátíðin er sannkölluð fjölskylduhátíð sem stendur í þrjá daga og geta allir fundið eitthvað við sitt hæfi. Viltu taka þátt?
Viðburði og dagskrárliði sem eiga að vera á hátíðinni þarf að tilkynna sem allra fyrst.

Fimmtudaginn 26. júlí verður haldið Flugtorg á miðbæjartorginu frá kl. 16:00-18:00. Flugklúbbur Mosfellsbæjar kemur með flugvélar og stillir til sýnis á Miðbæjartorginu. Hvetjum Mosfellinga og aðra nærsveitunga til að mæta og gera sér glaðan dag :)

Fjölskyldusvið Mosfellbæjar minnir á sumarátak SAMAN-hópsins 2012. Sumarátak SAMAN-hópsins 2012 er framhald átaksins árið 2011 þar sem foreldrar eru hvattir til að verja tíma með börnum sínum og unglingum og byggir á myndefni fyrra árs, SAMAN-sólinni. Skilaboðin til foreldra eru eftir sem áður þau að samvera með foreldrum sé besta forvörnin og foreldrar eru því hvattir til að skapa góðar minningar saman.

Fimmtudaginn 19. júlí verður haldið Listatorg á torginu í Kjarnanum frá kl. 16:00-18:00. Þar munu hljóma fagrir tónar sýndur dans og lifandi myndastyttur einnig mætir Leiklistaskólinn með söngleik ásamt fleirum. Gestir og gangandi taka þátt í að skapa listaverkið „Brosandi Bær 2012“ sem sýnt verður á bæjarhátíðinni Í túninu heima. 

Fimmtudagskvöldið 19. júlí kl.20:30 verða haldnir styrktartónleikar fyrir Viðar Árnason. Viðar hefur verið bundinn hjólastól frá 25 ára aldri og safnar fyrir handstignu hjóli. Fjöldi listamanna kemur fram á tónleikunum, þar á meðal Diddú, Egill Ólafsson, Jónas Þórir, María Ólafs, Felix Bergsson, Mjöll Hólm, Hreindís Ylva og fleiri..

Nágrannavarsla hefur fyrir löngu sannað sig sem mikilvægur hlekkur í að fækka glæpum og þá sérstaklega innbrotum á heimili, í bíla og almennum þjófnaði á eigum fólks. Þar sem nágrannavarsla er virk hefur skemmdarverkum einnig fækkað og dregið úr veggjakroti. Hægt er að fá upplýsingar um "nágrannavörslu í Mosfellsbæ" hjá Sjóvá þar sem einnig er hægt að nálgast handbók um nágrannavörslu.

Gæsluleikvöllur Mosfellsbæjar er starfræktur í júlí mánuði eða frá 2. júlí til 3. ágúst. Opnunartími er frá kl. 9:00 - 12:00 og frá kl. 13:00 -16:00. Leikvöllurinn er  bakvið verslunarmiðstöðina Kjarna og er aðkoma frá neðra plani Kjarna. Á gæsluvöllinn geta komið börn frá 20 mánaða - 6 ára aldurs. Þar gefst börnum tækifæri á að leika sér í öruggu og skemmtilegu umhverfi undir eftirliti starfsfólks.

 Fimmtudaginn 12. júlí næstkomandi verður haldinn útimarkaður á miðbæjartorginu frá kl. 16:00-18:00 í samstarfi við sveitamarkaðinn í Mosskógum.  Þar gefst bæjarbúum tækifæri á að selja vörur sínar gestum og gangandi undir ljúfum harmonikkuleik meðan börnin leika sér í hoppukastala sem komið verður fyrir á torginu. Við leitum að

Leikhópurinn Lotta sýnir  þriðjudaginn 3. júlí  kl. 18.00  glænýtt íslenskt leikrit um Stígvélaða köttinn í garðinum við Hlégarð. Þetta er sjötta sumarið sem Leikhópurinn Lotta setur upp útisýningu en síðastliðin sumur hefur hópurinn tekist á við Mjallhvíti og dvergana sjö, Hans klaufa, Rauðhettu, Galdrakarlinn í Oz og Dýrin í Hálsaskógi.