Fréttir eftir mánuðum

Nýtt frístundaávísanatímabil hefst 1.september. Þar sem 1.sept lendir á laugardegi   ...meira

Menningarmálanefnd Mosfellsbæjar útnefnir ár hvert bæjarlistamann Mosfellsbæjar. Páll Helgason tónlistarmaður hefur verið valinn bæjarlistamaður Mosfellsbæjar 2012. Páll hefur átt langan, fjölbreyttan og farsælan feril í tónlist. Páll var sæmdur viðurkenningunni á bæjarhátíðinni "Í túninu heima".

Umhverfisviðurkenningar Mosfellsbæjar fyrir árið 2012 voru afhendar við hátíðlega athöfn á bæjarhátíð Mosfellsbæjar „Í túninu heima“ nú um helgina. Eigendur tveggja húsalóða hlutu umhverfisviðurkenningu fyrir sérlega fallega garða og auk þess fékk Reykjalundur viðurkenningu fyrir sérlega fallegt umhverfi

Enn og aftur höfum við haldið bæjarhátíðina okkar með miklum glæsibrag. Veðrið setti svip sinn á föstudagskvöld en veðurguðirnir bættu okkur það svo sannarlega upp á laugardagskvöld og úr varð metaðsókn á hápunkt hátíðarinnar,stórtónleika á Miðbæjartorgi, þar sem allt fór með eindæmum vel fram.

Stærsti viðburðurinn á  bæjarhátíðinni er án efa þegar íbúar bæjarins taka höndum saman og skreyta hús sín og götur. Skreytingarnar hafa aukist ár frá ári og er mikill metnaður í öllum hverfum. Á 25 ára afmælisári bæjarins verður engin undantekning þar á eins og meðfylgjandi myndir sýna. Ljóst er að keppnin verður hörð í ár. Óskað eftir sjálfboðaliðum í dómnefnd

Hvetjum bæjarbúa til að taka þátt í kosningu um flottustu skreytingarnar með því að smella á hnappinn á heimasíðu Mosfellsbæjar hér til hægri eða senda inn myndir og ábendingar af skemmtilegum skreytingum á mos[hjá]mos.is

Leitum eftir snillingum sem hafa áhuga á að taka þátt í spurningaþættinum Útsvar á RÚV í vetur fyrir hönd Mosfellsbæjar. Allar ábendingar vel þegnar og má senda á mos[hjá]mos.is

Nú eru grunnskólar bæjarins að hefja störf að nýju og fjöldi skólabarna er nú að hefja skólagöngu í fyrsta sinn og því að feta sín fyrstu sín fyrstu skref í umferðinni ein síns liðs. Mosfellsbær beinir þeim tilmælum til ökumanna að fara að öllu með gát og gæta sérstaklega að litlum einstaklingum sem eru að læra á umferðina. Einnig eru sem flestir hvattir til þess að fara fótgangandi í skóla

Grunnskólar Mosfellsbæjar verða settir fimmtudagin 23. ágúst, allar nánari upplýsingar er að finna á heimasíðum skólanna

Frístundaávísanir fyrir veturinn 2012-2013 verða  virkar frá 1. september 2012. Mosfellsbær gefur forráðamönnum allra barna og unglinga á aldrinum 6-18 ára, með lögheimili í Mosfellsbæ kost á frístundaávísun að upphæð 15.000,- kr. Á nýju tímabili fyrnast eldri frístundaávísanir.

Vegna undirbúnings á skólaárinu 2012-2013 minnum við foreldra á að sækja verður um áskrift í mötuneyti og frístundasel á hverju hausti í íbúagátt Mosfellsbæjar. Eldri umsóknir gilda ekki. Nýjar umsóknir þurfa að berast fyrir 20.ágúst. Vakin er athygli á að frá og með þessu skólaári er ekki hægt að sækja um færri en 4 tíma á viku í frístundaseli (sjá samþykkt).

Kynning á verkefnislýsingu skv. 40. gr. skipulagslaga fyrir deiliskipulagsverkefnið Laxnes 1, deiliskipulag akvegar og reiðleiðar.

Í tilefni af 25 ÁRA AFMÆLI MOSFELLSBÆJAR verður haldin afmælishátíð í Bókasafni Mosfellsbæjar og Listasal Mosfellsbæjar í Kjarna KLUKKAN 16:00 FIMMTUDAGINN 9. ÁGÚST. Allir velkomnir