Fréttir eftir mánuðum

Síðsumarferð verður farin föstudaginn 16. september og liggur leiðin  til Krísuvíkur.  Ekið um Sveifluháls meðfram Kleifarvatni og  komið m.a. til Herdísarvíkur og Strandakirkju og síðan farið sem leið liggur til Hveragerðis. Eftir stutt stopp þar verður ekið til Stokkseyrar og farið á veitingastaðinn Við fjöruborðið, en þar er fyrirhugað að snæða humarsúpu að hætti hússins.

Menningarmálanefnd auglýsir eftir aðilum sem óska eftir fjárframlögum frá nefndinni vegna listviðburða og menningarmála árið 2013. Hér undir falla fjárframlög til margvíslegrar menningarstarfsemi í bænum.

Íþróttamaður Mosfellsbæjar 2012 er knattspyrnumaðurinn Wentzel Steinarr Ragnarsson Kamban og íþróttakona Mosfellsbæjar árið 2012 er Lára Kristín Pedersen. Mosfellsbær óskar þessum glæsilegu fulltrúum sínum innilega til hamingju með titlana.

"Það verður tamast sem í æskunni nemur". Á Opnu húsi Skólaskrifstofu Mosfellsbæjar miðvikudaginn 30. janúar verður sjónum beint að heilbrigði og velferð og hversu mikilvægt það er að þessir grundvallarþættir endurspeglist í uppeldi barna. Skólaskrifstofan hefur fengið til liðs við sig sérfræðing á sviði lýðheilsu; lýðheilsufræðinginn, kennarann og tvíburamömmuna Ólöfu Kristínu Sívertsen.

Fimmtudaginn 24. janúar nk. kl.19:00 verður haldið hóf í Íþróttamiðstöðinni að Varmá þar sem lýst verður kjöri íþróttakarls- og íþróttakonu Mosfellsbæjar árið 2012  Við sama tilefni er þeim einstaklingum sem hafa orðið Íslands- deildar-, bikar- eða landsmótsmeistarar 2012 veittar viðurkenningar ásamt þeim sem hafa tekið þátt í og/eða æft með landsliði á liðnu ári.

Mosfellsbær, Embætti landlæknis og Heilsuvin hafa gert með sér samkomulag um að ráðast í verkefnið heilsueflandi samfélag.  Mosfellsbær mun verða fyrsta sveitarfélagið sem innleiðir slíkt verkefni. Heilsueflandi samfélag er að hluta til byggt á erlendum fyrirmyndum sem nefnast „Healthy cities“ sem fyrirfinnast aðallega í Evrópu og „Healthy communities“ sem er að finna aðallega í Kanada en einnig í Bandaríkjunum.

Álagning fasteignagjalda 2013 hefur farið fram. Álagningarseðlar eru birtir rafrænt á www.island.is og íbúagátt Mosfellsbæjar. Fasteignagjöld má inna af hendi með greiðsluseðlum, í heimabanka og í  bönkum. Einnig er hægt að greiða með beingreiðslum eða boðgreiðslum. Nánari upplýsingar um greiðslumöguleika fást í Þjónustuveri Mosfellsbæjar. Greiðsluseðlar eru ekki sendir nema þess hafi verið óskað sérstaklega í íbúagátt Mosfellsbæjar eða í Þjónustuveri. Nánari upplýsingar.

Fimmtudaginn 17.janúar var haldinn kynningarfundur í Krikaskóla um samstarfsverkefnið "Heilsueflandi samfélag" Fulltrúar frá Embætti Landlæknis og Heilsuvin kynntu  verkefnið "Heilsueflandi samfélag" sem Mosfellbær hefur ákveðið að ráðast í samvinnu við.

Eftirfarandi aðilar fengu Þróunar- og nýsköpunarviðurkenningu  Mosfellsbæjar 2012 og peningastyrk upp á 300 þúsund krónur: Tanja Wohlrab-Ryan fyrir verkefnið Samfélagslegt gróðurhús, Anna Ólöf Sveinbjarnardóttir og Ragnar Þór Ólason fyrir AR hönnun, IceWind ehf – Sæþór Ásgeirsson og Ásgeir Sverrisson fyrir Vindmyllur fyrir íslenskar aðstæður

Þróunar- og nýsköpunarviðurkenning Mosfellsbæjar 2012 var afhent í Listasal Mosfellsbæjar  þriðjudaginn 15.janúar klukkan 16.00. Þróunar- og ferðamálanefnd hefur nú, í fyrsta skipti, gert tillögu til bæjarstjórnar Mosfellsbæjar um viðurkenningu fyrir þróunar- eða nýsköpunarhugmynd. Nefndin auglýsti í haust eftir þróunar- og nýsköpunarhugmyndum, verkefnum, vöru eða þjónustu. Afhentir verða þrír styrkir að fjárhæð 300 þúsund krónur hver. Til stendur að veita slíka styrki árlega.

Söngkonan og fiðluleikarinn Greta Salóme Stefánsdóttir hefur verið valin Mosfellingur ársins. Árið 2012 var sannkölluð rússíbanareið hjá Gretu Salóme frá því að hún sigraði forkeppni Eurovision hér heima í febrúar með laginu Mundu eftir mér. Greta samdi lagið og textann sjálf og flutti það ásamt Jóni Jósep Snæbjörnssyni. Greta og Jónsi sungu sigurlagið á stóra sviðinu í Baku í Aserbaídsjan og komust áfram á úrslitakvöld söngvakeppni Eurovision.

Sigurður Thorlacius fæddist 30. júní 1990. Hann lauk stúdentsprófi með ágætiseinkunn frá Menntaskólanum við Hamrahlíð vorið 2010 og stefnir að því að ljúka BS gráðu í umhverfis- og byggingarverkfræði frá Háskóla Íslands í vor. Sigurður hefur numið píanóleik hjá Ólafi Elíassyni frá 2007 í Listaskóla Mosfellsbæjar

Frá upphafi hefur það verið í höndum aðal- og varamanna Íþrótta- og tómstundanefndar að kjósa um hverjir hljóti sæmdarheitið íþróttakarl og íþróttakona Mosfellsbæjar. Nú verður sú breyting á að íbúar geta tekið þátt í kjörinu ásamt aðal og varamönnum Íþrótta og tómstundanefndar.
Íbúar Mosfellsbæjar kjós

Athygli er vakin á að samkvæmt lögum um húsaleigubætur nr. 138/1997 skal endurnýja umsókn um húsaleigubætur árlega í upphafi árs og gildir umsóknin til ársloka eða jafnlengi og gildistími húsaleigusamnings. Samkvæmt reglum Mosfellsbæjar um sérstakar húsaleigubætur skal endurnýja umsóknir um sérstakar húsaleigubætur samhliða almennum húsaleigubótum, gildir umsókn aldrei lengur en sex mánuði og eða jafnlengi og gildistími húsaleigusamnings.

Starfsmenn þjónustustöðvar Mosfellsbæjar munu, eins og undanfarin ár, aðstoða bæjarbúa við að fjarlægja jólatré sín og koma þeim í viðeigandi endurvinnslu og kurlun.  Starfsmenn þjónustustöðvarinnar munu aka um bæinn og fjarlægja trén þriðjudaginn 8. janúar og miðvikudaginn 9. janúar.  Þeir bæjarbúar sem vilja nýta sér þessa þjónustu eru vinsamlegast beðnir um að setja jólatrén út fyrir lóðamörk fyrir þann tíma og ganga þannig frá þeim að þau geti ekki fokið og valdið tjóni.  Einnig geta íbúar losað sig við jólatré á endurvinnslustöðvum Sorpu bs. án þess að greiða förgunargjald fyrir þau.

Á þrettándanum, sunnudagskvöldið 6. janúar, kl. 18:00 verður hin árlega þrettándabrenna þar sem jólin verða kvödd.

Mosverjar leiða Blysför sem   leggur af stað frá Miðbæjartorgi kl. 18:00. Skólahljómsveit Mosfellsbæjar leikur, fjöldasöngur undir stjórn Álafosskórsins  auk þess sem Grýla og Leppalúði verða á svæðinu með sitt hyski. Kyndill verður með glæsilega flugeldasýningu að vanda.

Í kjölfar jóla og áramóta fellur til mikið magn af ýmiskonar sorpi sem ekki fellur til dags daglega, s.s. jólapappír og skoteldaúrgangur og ekki alltaf skýrt hvað má fara í bláu endurvinnslutunnuna sem nú stendur við hvert heimili. Allur jólapappír og pappírsúrgangur utan af leikföngum og jólagjöfum má fara í bláu endurvinnslutunnuna.