Fréttir eftir mánuðum

Frestur fyrir íbúa og hagsmunaaðila lýkur í dag 2. apríl til að koma á framfæri athugasemdum og ábendingum um endurskoðun aðalskipulags Mosfellsbæjar, sem staðið hefur yfir undanfarin ár, sem nú er komin á lokastig með því að fullbúin tillaga hefur verið auglýst í samræmi við 31. gr. skipulagslaga. Endurskoðuðu skipulagi er ætlað að ná til ársins 2030, en gildandi aðalskipulag nær til 2024.

Mosfellsbær auglýsir sumarstörf laus til umsóknar fyrir ungt fólk. Umsóknarfrestur er til og með 11 apríl 2013. Sækja skal um í gegnum íbúagátt Mosfellsbæjar. Þeir ganga fyrir um sumarstörf sem eiga lögheimili í Mosfellsbæ.

Bikarúrslit í blaki kvenna og karla verður leikin í Laugadalshöllinni um helgina og þar munu Aftureldingskonur leika við Þrótt Neskaupsstað í undanúrslitum á laugardaginn 23. Mars kl. 18:00. Það lið sem ber sigur úr býtum mun leika til úrslita um bikarmeistaratitilinn á sunnudeginum. Hvetjum alla Mosfellinga til að koma og styðja við bakið á stelpunum okkar !

Hópur nemenda úr 8.-10. bekk í Lágafellsskóla tók nýverið þátt í stærðfræðikeppni sem haldin var fyrir nemendur í Grafarvogi, Grafarholti, Árbæjarhverfi og Mosfellsbæ. Keppnin var haldin í Borgarholtsskóla og voru þátttakendur 155 talsins. Krakkarnir okkar stóðu sig vel og náðu margir frábærum árangri. Myndin sýnir þá nemendur úr Lágafellsskóla sem náðu þeim árangri að vera með 10 efstu í sínum árgangi.  Við óskum þeim til hamingju með árangurinn.

Varmárskóli stóð sig með mikilli prýði í Skólahreysti jafnt keppendur sem áhorfendur. Varmárskóli kom örlítið seinna en hinir skólarnir í hús og var frekar róleg stemming í húsinu en um leið og krakkarnir úr Gaggó Mos komu í salinn þá ætlaði allt um koll að keyra þvílíkur hávaði, söngur og ...

Vikuna 17.-24. febrúar var haldin Kærleiksvika í Mosfellsbæ. Af því tilefni tók starfsfólk Vinnustofa Skálatúns sig til og hannaði og saumaði sérstaka Kærleikspúða. Púðarnir eru með rennilás og inn í þá voru sett útklippt hjörtu sem á voru skrifuð kærleikskorn og spakmæli. Öll heimili og skrifstofa Skálatúnsheimilisins fengu síðan hvert sinn púða fyllta með spakmælum fyrir alla íbúa, starfsmenn og gesti. Til stendur að halda áfram með þetta verkefni og hafa púðana til sölu t.d. til brúðargjafa.

Leiklistarval unglingadeildar, skipað nemendum úr 9.og 10. bekk, hefur undanfarið unnið hörðum höndum að uppsetningu söngleikjarins Wake me up before you go go eftir Hallgrím Helgason. Það er María Pálsdóttir leikkona sem leikstýrir hópnum ásamt Hafdísi Pálsdóttur tónlistarkennara við skólann sem hefur séð um tónlistaratriði og útsetningar.

Opið hús HJÁ SKÓLASKRIFSTOFU MOSFELLSBÆJAR- Jafnrétti og tækifæri fyrir alla. Á Opnu húsi Skólaskrifstofu Mosfellsbæjar ÞRIÐJUDAGINN 19. MARS kl: 20-21 verður sjónum beint að jafnrétti í sinni víðustu mynd. Eiga allir jöfn tækifæri? Er virk jafnréttisfræðsla í gangi á öllum skólastigum? Erum við föst í bleikum og bláum boxum? Hvaða áhrif hefur þetta á börnin okkar? Hvert er hlutverk okkar sem foreldra?

Kynningarfundur um tillögu að Aðalskipulagi Mosfellsbæjar 2011-2030 verður haldinn í Listasalnum fimmtudaginn 21. mars og hefst kl. 20.00. Gerð verður grein fyrir innihaldi fyrirliggjandi tillögu, sem nú er í lögboðinni kynningu, og helstu breytingum miðað við gildandi aðalskipulag.

Opið hús hjá skólaskrifstofu Mosfellsbæjar - Jafnrétti og tækifæri fyrir alla. Á Opnu húsi Skólaskrifstofu Mosfellsbæjar ÞRIÐJUDAGINN 19. MARS kl: 20-21 verður sjónum beint að jafnrétti í sinni víðustu mynd. Eiga allir jöfn tækifæri? Er virk jafnréttisfræðsla í gangi á öllum skólastigum? Erum við föst í bleikum og bláum boxum? Hvaða áhrif hefur þetta á börnin okkar? Hvert er hlutverk okkar sem foreldra?

Skipulagðar hjóla- og gönguferðir í samvinnu við Mosfellsbæ

Starfsfólk Mosfellsbæjar konur jafnt sem karlar skörtuðu mottum og leyfðu karlmennskunni að skína sem aldrei fyrr. Hópmynd var tekin í tilefni dagsins af kvennMÖNNUM skrifstofunnar sem sýndu þessu góða átaki sinn stuðning. Hópurinn var bæði af konum og körlum með náttúrulegar mottur og öðrum með gervimottur.

Í tilefni af Mottudeginum hvetur Krabbameinsfélagið alla landsmenn til að halda upp á daginn og leyfa karlmennskunni að skína! Starfsfólk bæjarskrifstofu Mosfellsbæjar tekur að sjálfsögðu þátt í þessu þarfa átaki og hvetur starfsfólk á öðrum vinnustöðum í Mosfellsbæ til að gera slíkt hið sama. Við minnum einnig á áheitasöfnunina á www.mottumars.is. Styrkjum gott málefni !

Útvarp Einar fagnar 30. ára afmæli Bólsins dagana 15-22 mars á FM-106,5. Í tilefni þess að Félagsmiðstöðin Ból er Þrítug í ár ætlum við að gera margt skemmtilegt og rifja upp gamla takta,  Þess vegna var ma.  hafist handa fyrr í vetur við að endurvekja útvarpsstöðina Einar í nokkra daga.  Unglingarnir okkar munu sjá um þáttastjórn og hafa til dæmis fengið fræga útvarpsmenn til að aðstoða sig við þáttagerð :) Ekki missa af þessari frábæru skemmtun. Stillið á 106,5

Ungmennafélag Íslands (UMFÍ) og Félag áhugafólks um íþróttir aldraða (FÁÍA) sameina nú krafta sína og halda viðburðarríkan dag með fjölda spennandi fyrirlestra og uppákoma föstudaginn 22. mars. Námskeiðið er ætlað leiðbeinendum um hreyfingu einstaklinga 50 ára og eldri sem og fyrir áhugafólk um hreyfingu almennt. Ekki láta þetta námskeið fram hjá þér fara !

Frá Hitaveitu Mosfellsbæjar - heitavatnslaust verður vegna bilunar á stofnæð í Brattholti, Bergholti, Barrholti, Byggðarholtsbotnlanga, Arkarholti og Akurholti mánudaginn 11. mars frá kl. 9:30 og frameftir degi.

Næstkomandi laugardag, þann 9. mars,  kl. 13-15 mun Kristín Tryggvadóttir opna sýningu sína ,, ÓBEISLAÐIR KRAFTAR" í Listasal Mosfellsbæjar. ,,Þessi sýning ÓBEISLAÐIR KRAFTAR er afrakstur vinnu síðastliðinna tveggja ára þar sem efnisnotkun er aðallega olía, blek, kol og  ýmis fljótandi efni, sem gefa oft af sér undraverð áhrif og efniskennd í verkin.

Stóra upplestrarkeppnin í 7. bekk fór fram í hátíðarsal Lágafellsskóla  fimmtudagskvöldið 7. mars. 10 nemendur  úr grunnskólum Mosfellsbæjar, Lágafellsskóla og Varmárskóla kepptu til úrslita. Úrslitin urðu þannig að Tjörvi Gissurarson úr Lágafellsskóla varð í fyrsta sæti, Amanda Lind Davíðsdóttir úr Varmárskóla varð í öðru sæti og Agnes Emma Sigurðardóttir úr Varmárskóla varð í þriðja sæti.

Föstudaginn 8. mars verður sýningin KÁNTRÝ MOS frumsýnd hjá Leikfélagi Mosfellssveitar. Leikstjóri er Þórunn Lárusdóttir og höfundur María Guðmundsdóttir. Um tónlist sér Birgir Haraldsson ásamt hljómsveit. Miðapantanir í síma 566 7788 og miðaverð krónur 2000.  Leikritið gerist í Mosfellsbæ og

Almannavarnir biðja alla foreldra að fylgjast með veðurspá morgundagsins fimmtudagsins 7. mars 2013.  Gert er ráð fyrir slæmu veðri en á vef Veðurstofu Íslands er eftirfarandi viðvörun nú kl. 14:00. Búist er við stormi eða roki (meðalvindhraða meiri en 23 m/s) S- og V-til á landinu í dag og syðst á landinu á morgun. Gildir til 07.03.2013

Foreldrar meta hvort þeir senda börn sín í skóla. Skólinn verður opinn skv. viðbúnaðarstigi 1 nema annað verði tilkynnt í fjölmiðlum.

Hátíðin hefst klukkan 20.00 og þá munu nemendur í 7. bekk, sem valdir hafa verið úr grunnskólum Mosfellsbæjar, lesa brot úr skáldverki og ljóð. Að lokum mun dómnefnd velja þrjá bestu upplesarana og veita verðlaun. Auk þess koma fram ungir hljóðfæraleikarar og skólakór Varmárskóla. Skáld keppninnar að þessu sinni eru Friðrik Erlingsson og Þóra Jónsdóttir.

Starfsmenn vegagerðarinnar og Reykjavíkurborgar vinna hörðum höndum að því að hreinsa stofnæðar á höfuðborgarsvæðinu og samhliða því götur í íbúahverfi.  Víkurvegur er nú orðinn fær og Reykjanesbraut til og frá Hafnarfirði sömuleiðis.  Reykjanesbraut er þó flughál og ekki verður hægt að koma því við að sanda eða salta hana fyrr en veður lægir.

Mikil umferðarteppa er á Vesturlandsvegi við Bauhaus.

Björgunarsveitir vinna ötullega við að aðstoða fólk á stofnæðum og munu sinna fólki í íbúahverfum þegar færi gefst.  Heilbrigðisstarfsfólk verður aðstoðað við að komast til vinnu við vaktaskipti nú í eftirmiðdaginn.

 Send verður tilkynning til skólayfirvalda og foreldra uppúr klukkan þrjú um það hvenær þeir megi sækja börn sín í skólana.  Þegar hefur foreldrum barna í skólum vestan Kringlumýrarbrautar verið tilkynnt að þeir megi sækja börnin ef þeir hafa góð tök á því.

Eftirfarandi  tilkynning hefur verið send til foreldra skólabarna og starfsmanna skóla á höfuðborgarsvæðinu:

Börnin ykkar eru örugg í skólunum.  Vinsamlegast reynið ekki að komast til þess að sækja þau fyrr en lögregla hefur gefið út tilkynningu þar að lútandi.

Allir björgunaraðilar á svæðinu eru á ferðinni og einkabílar í umferðinni eru til mikilla trafala við björgunarstörf.

Vont veður er nú í Mosfellsbæ og mjög blint og þungfært. Foreldrum er bent á að kynna sér viðbragðsáætlun vegna röskunar á skólastarfi sökum óveðurs, hana má finna með því að smella hér íslenska, pólska, enska, spænska og tælenska.

Innritun í grunnskóla Mosfellsbæjar fyrir skólaárið 2013-14 fer fram í gegnum Íbúagátt Mosfellsbæjar. Frá 08. mars til 20. mars er innritun 6 ára barna sem hefja grunnskólagöngu haustið 2013  og skulu nemendur sækja grunnskóla eftir búsetu (sjá nánar reglur um skiptingu skólasvæða á vef Mosfellsbæjar www.mos.is).

Næstu þrjá daga verða þemadagar í Lágafellsskóla. Þar sem þemað er Mosfellsbær. Af þessu tilefni hefur skólinn fengið til sín þrjá þekkta Mosfellinga til að velja matseðil þessa daga og munu þau koma í skólann og vera í hádeginu að skammta matinn og skemmta.