Fréttir eftir mánuðum

Stofutónleikaröð sumarsins 2013 á Gljúfrasteini verður ýtt úr vör næstkomandi sunnudag með tónleikum þar sem flutt verða verk eftir Elínu Gunnlaugsdóttur tónskáld. Flytjendur eru Marta G. Halldórsdóttir sópran, Pamela De Sensi flautuleikari og Páll Eyjólfsson sem spilar á gítar.

Frestur til að tilnefna bæjarlistamann renna út 1. júní. Menningarmálanefnd Mosfellsbæjar auglýsir eftir ábendingu um bæjarlistamann Mosfellsbæjar 2013. Bæjarlistamanni er jafnframt veittur menningarstyrkur og verður útnefning að vanda tilkynnt í tengslum við bæjarhátíð Mosfellsbæjar, Í túninu heima.

Á fundi íþrótta- og tómstundanefndar 23. maí sl. voru samþykktar vinnureglur um stuðning við afreksfólk úr Mosfellsbæ sem stunda sína íþrótt eða tómstund með félögum utan Mosfellsbæjar. Um árabil hafa yfirmenn íþrótta- og tómstundamála bæjarins veitt afreksfólki sem á lögheimili í bænum en stundar íþrótt sína eða tómstund með félagi utan bæjarins fjárstyrk vegna stærri verkefna. Þannig eru vinnureglurnar í raun einungis að færa í orð það verklag sem þegar hefur verið viðhaft og eru styrkir veittir vegna:

Eins og síðustu ár mun Vinnuskólinn sjá um garðslátt fyrir eldri borgara og öryrkja í sumar.  Þeir sem vilja fá hóp til sín geta hringt í Vinnuskólann í síma 566 6058 og  tala þar við Kára eða Ólafíu.

Vigdís Finnbogadóttir, fyrrverandi forseti Íslands, afhenti fjórum stúlkum úr Mosfellsbæ Laxnessfjöðrina sem er viðurkenning sem Samtök móðurmálskennara veita fyrir ritlist og þykir mikill heiður að hljóta hana. Þær Margrét Dís Stefánsdóttir og Kristjana Björnsdóttir úr Varmárskóla ásamt Andreu Dagbjört Pálsdóttur og Diljá Guðmundsdóttur úr Lágafellsskóla hlutu viðurkenninguna í ár fyrir verk sín sem þær sömdu í tengslum við ritunarátak innan skólanna.

Við minnum á að enn er opið fyrir umsóknir um að halda listsýningar í Listasal Mosfellsbæjar á sýningarárinu 2014. Óskað er eftir umsóknum um einka- eða samsýningar. Listasalur Mosfellsbæjar er fjölnota salur í Bókasafni Mosfellsbæjar og er lánaður endurgjaldslaust til sýnenda. Fylgja skulu með myndir af verkum, ferilskrá og lýsing á fyrirhugaðri sýningu. Sýningarárið stendur yfir frá janúar til desember ár hvert. Umsóknir skulu vera vandaðar og berast fyrir 3. júní 2013.

Á heimasíðu Mosfellsbæjar eru nú aðgengilegar fjárhagsupplýsingar um rekstur sveitarfélagsins fyrir fyrstu þrjá mánuði ársins. Bæjarráð samþykkti í janúar á þessu ári að birta reglulega annars vegar rekstrarreikning og hins vegar rekstraryfirlit, sundurliðað eftir málaflokkum. Þessar upplýsingar verða framvegis birtar á þriggja mánaða fresti.

Á fundi í Krikaskóla á fimmtudagskvöld þar sem íbúum bæjarins og öðrum áhugasömum gafst kostur á að taka þátt í undirbúningi verkefnisins Heilsueflandi samfélag sagði Héðinn Svarfdal sérfræðingur hjá Embætti Landlæknis að önnur sveitarfélög horfðu til Mosfellsbæjar vegna þeirrar forystu sem sveitarfélagið hefur

Íbúafundur í Krikaskóla fimmtudaginn 23. maí kl. 20-22. Við viljum fá ÞIG til þess að taka þátt og bjóðum því til fundar þar sem þú getur komið með hugmyndir og tillögur að heilsueflandi samfélagi. Fundinum verður stýrt af Sævari Kristinssyni ráðgjafa.

Vorboðar, kór eldri borgara í Mosfellsbæ hefur starfað af krafti í vetur og komið fram við hin ýmsu tækifæri undir styrkri stjórn Páls Helgasonar sem var útnefndur bæjarlistamaður Mosfellsbæjar 2012. Vorboðar eru að sjálfsögðu stoltir af sínum ástsæla stjórnanda.

Á 111 ára fæðingardegi Halldórs K. Laxness kepptu tólf nemendur í 6. bekk Lágafellsskóla til úrslita í upplestrarkeppni sem kennd er við nóbelsskáldið. Allir keppendur lásu texta og ljóð úr verkum Laxness sem þau völdu sjálf í samráði við umsjónarkennara sinn. Sigurvegarinn, Ástríður Magnúsdóttir úr 6-KI, fékk til eignar Laxnessbikarinn og bók eftir skáldið en allir fengu viðurkenningarskjal og blóm fyrir þátttökuna. Mjög erfitt var fyrir dómarana að gera upp á milli keppenda.

Félagar úr björgunarsveitinni Kyndli heimsóttu á dögunum 1. bekk Krikaskóla og færðu öllum börnunum endurskinsvesti að gjöf. Slysavarnafélagið Landsbjörg, í samvinnu við góð fyrirtæki gefur þessi vesti til að nota í vettvangsferðum. Um 4500 börn eru í árganginum á landinu öllu. Þema verkefnisins er „Allir öruggir heim“ því öll eigum við rétt á því að koma örugg heim. Á það ekki síst við um þau sem eru að hefja skólagöngu sína.

Sköpunarkrafturinn er virkjaður í tengslum við umhverfið. Eitt aðaleinkenni skólastarfsins í Framhaldsskólanum í Mosfellsbæ er að kennslustundirnar eru að mörgu leyti nýstárlegar þar sem nemendur læra námsefnið í gegnum verkefni sem þeir vinna með stuðningi kennara. „Hugmyndafræði og kennsluhættir skólans einkennast þannig af því að nemendur eru virkir þátttakendur í eigin námi, öðlast sjálfstæði og stjórna námshraða sínum með góðum stuðningi kennara og námsráðgjafa.

Krakkar úr 8., 9. og 10. bekk eru að setja upp söngleik í félagsmiðstöðinni Bólinu. Söngleikurinn heitir Kjallarinn og var settur saman úr hugmyndavinnu krakkanna. Sagan fjallar um krakka í grunnskóla sem taka upp á því að fara í andaglas í skólanum sínum. Lenda þau í miklu klandri út frá því og þurfa að leysa úr því í sameiningu.

Rekstraryfirlit Mosfellsbæjar fyrir fyrstu þrjá mánuði ársins er nú aðgengilegt fyrir íbúa á heimasíðu Mosfellsbæjar í fyrsta skipti. Markmið með birtingunni er aukið upplýsingastreymi til íbúa og er í takti við lýðræðisstefnu bæjarins.

Á Degi umhverfisins, 25. apríl, voru friðlýstir tveir fossar í Mosfellsbæ. Svandís Svavarsdóttir umhverfisráðherra, Kristín Linda Árnadóttir forstjóri Umhverfisstofnunar og Haraldur Sverrisson bæjarstjóri í Mosfellsbæ skrifuðu undir friðlýsingu Álafoss og Tungufoss. Alls voru 2,8 hektarar friðlýstir og unnið að stofnun fólkvangs norðan Helgufoss

Eins og kunnugt er stendur Mosfellsbær á tímamótum varðandi gerð nýrra skólabygginga fyrir leik- og grunnskóla. Af því tilefni býður Skólaskrifstofa Mosfellsbæjar íbúum bæjarins og þeim sem nær standa skólasamfélaginu til samráðs um skóla og skólabyggingar í nútíð og framtíð.

Nú stendur til að þvo og sópa gangstéttar og götur bæjarins.Sjá tímasetningar. Til að það verði sem best gert þurfum við á ykkar aðstoð að halda. Bæjarbúar eru vinsamlegast beðnir að leggja ekki ökutækjum eða öðrum farartækjum á götunum eða gangstéttum meðan á hreinsun stendur. Ennfremur eru bæjarbúar

Hvetjum fólk til að brúka bekki. Bekkjum hefur verið fjölgað í nágrenni Eirhamra og gönguleiðir kortlagðar. Í tilefni af 70 ára afmæli Félags íslenskra sjúkraþjálfara fyrir þremur árum fóru sjúkraþjálfarar í hinum ýmsu sveitarfélögum af stað með samfélagsverkefni, sem hvatningu til aukinnar hreyfingar,

Mosfellsbær og Landsbankinn hafa undirritað samkomulag um áframhaldandi uppbyggingu í Helgafellslandi en Landsbankinn hefur nýverið eignast lóðir og lendur í hverfinu vegna uppgjörs við Helgafellsbyggingar hf. Þar með lýkur nokkurra ára stöðnun og óvissu um áframhaldandi uppbyggingu í hverfinu. 

Spennandi dagskrá framundan næstu daga en nú eru yfirstandandi vortónleikar hjá Listaskóla Mosfellsbæjar dagana 13. – 16. maí. Söngdeildin verður með fallega dagskrá í dag en einnig er í Lágafellskirkju spilað á klassískan gítar og strokhljóðfæri sem enginn ætti að láta framhjá sér fara.  Hér má sjá dagskrá í heild sinni..

Þróunar- og ferðamálanefnd gerir árlega tillögu til bæjarstjórnar Mosfellsbæjar um viðurkenningu fyrir þróunar- eða nýsköpunarhugmynd. Nefndin auglýsir eftir tillögum að þróunar- og nýsköpunarhugmyndum, verkefnum, vöru eða þjónustu

Toppmos kallast gönguhópur nokkurra starfsmanna bæjarskrifstofu Mosfellsbæjar. Hópurinn gekk á Snæfellsjökul þann 9.maí síðastliðinn í blíðskaparveðri. Það má með sanni segja að starfsmennirnir taki þátt í að skapa heilsueflandi samfélag í Mosfellsbæ og að sjálfsögðu var fáni bæjarins með í för.

Okkar árlega bæjarhátíð "Í túninu heima" verður haldin helgina 30.- 1. september.  Viltu taka þátt? - Viðburði og dagskrárliði þarf að tilkynna sem allra fyrst. Hátíðin er sannkölluð fjölskylduhátíð sem stendur í þrjá daga og geta allir fundið eitthvað við sitt hæfi.

Skólakór Varmárskóla heldur vortónleika í sal Varmárskóla þriðjudaginn 14. maí klukkan 18:00. Um 70 – 80 börn og unglingar hafa tekið þátt í kórstarfinu í vetur sem hefur verið mjög blómlegt. Meðal  annars tók kórinn þátt í landsmóti íslenskra barnakóra sem fram fór í Kópavogi í apríl.

Búið er að opna fyrir umsóknir um matjurtagarða í Mosfellsbæ. Matjurtagarðar bæjarins verða sem fyrr staðsettir í Skarhólamýri, á sama stað og garðar hafa verið til útleigu undanfarin ár.  Aðgengi að vatni verður við garðana. Staðsetningu garða og fyrirkomulag má sjá á meðfylgjandi korti.

Laugardaginn 11. maí kl 14.00 mun Steinunn Marteinsdóttir opna sýningu sína VÆTTIR OG VÆNTUMÞYKJUFÓLK í Listasal Mosfellsbæjar og er sýningin öllum opin. Sýningin stendur til 7. júní og er opin á afgreiðslutíma Bókasafnsins. Nánari upplýsingar er að finna á www.bokmos.is.  Í kjölfar opnunarinnar í Listasalnum opnar Steinunn einnig sýningu kl. 15.00 á vinnustofu sinni að Hulduhólum.

Mosfellsbær gefur forráðamönnum allra barna og unglinga á aldrinum 6-18 ára, með lögheimili í Mosfellsbæ kost á frístundaávísun að upphæð 15.000,- kr sem hægt er að nota til að greiða fyrir hvers konar frístundastarf hjá viðurkenndum frístundafélögum eða frístundastofnunum.

Menningarmálanefnd Mosfellsbæjar auglýsir eftir ábendingu um bæjarlistamann Mosfellsbæjar 2013. Bæjarlistamanni er jafnframt veittur menningarstyrkur og verður útnefning að vanda tilkynnt í tengslum við bæjarhátíð Mosfellsbæjar, Í túninu heima.

Tillagan gerir ráð fyrir að reiðvegur meðfram Tunguvegi færist vestur fyrir veginn og legu Tunguvegar verði hnikað til, auk ýmissa minni breytinga varðandi húsgerðir o.fl. Athugasemdafrestur er til 18. júní.

Vissir þú af Moskortinu ? Moskortið er rafrænt aðgangskort í sundlaugar Mosfellsbæjar og er áfyllingarkort. Kortið er selt og afhent í Íþróttamiðstöðinni Lágafelli, Lækjarhlíð 1a. Kortið er keypt í upphafi og fyllt á það nokkur skipti. Kortin eru handhafakort en einnig er hægt að fá persónugerð kort sem eru rekjanleg ef kort glatast

Nú er að hefjast heilsu- og hvatningarverkefnið Hjólað í vinnuna sem Íþrótta- og Ólympíusamband Íslands stendur fyrir nú í ellefta sinn dagana 8. - 28. maí 2013.  Átakið er tvískipt þar sem annars vegar er um að ræða vinnustaðakeppni þar sem keppt er um flesta þátttökudaga og hins vegar liðakeppni þar sem keppt er um flesta kílómetra

Í vetur hafa 9 nemendur úr Varmárskóla, 3 stúlkur og 6 piltar, sótt valnámskeið í borgarholtsskóla. Þeir hafa mætt einu sinni í viku 3 kennslustundir í senn. Nemendurnir hafa smíðað ýmsa hluti s.s. litla verkfærakistu úr áli, sett saman rafrás, logsoðið, smíðað og lóðað saman bát, smíðað kertastjaka með því að nota tölfustýrða fræsivél og skorið ýmsa hluti út með því að nota tölfustýrða plasmaskurðarvél.

Skógræktarfélag Mosfellsbæjar og Mosfellsbær efna til fræðslufundar um skógræktarmál þriðjudaginn 7. maí kl. 17.30.   Fundurinn verður haldinn í sal við hlið Bókasafns Mosfellsbæjar í Kjarna, þar sem þjónustuver Mosfellsbæjar var áður til húsa.

Mosfellingum nú sinnt frá Grafarholti. Ný lögreglustöð hefur verið opnuð á Vínlandsleið 2-4 í Grafarholti í Reykjavík en þaðan er sinnt verkefnum í Grafarholti, Grafarvogi, Árbæ, Norðlingaholti, Mosfellsbæ, Kjósarhreppi og á Kjalarnesi. Á lögreglustöðinni eru bæði almennt svið þar sem útköllum er sinnt á sólarhringsvöktum og rannsóknarsvið.

Að þessu sinni verður 3. Landsmót UMFÍ 50+ haldið dagana 7.–9. júní 2013 í Vík í Mýrdal en fyrsta mótið var haldið á Hvammstanga 2011 og í sumar sem leið var annað mótið haldið í Mosfellsbæ og tókst einstaklega vel.  Mótið er sérstaklega ætlað fólki 50 ára og eldra. Framkvæmd mótsins er í höndum Ungmennafélags Íslands og Ungmennasambands Vestur Skaftafellssýslu, í samstarfi við Mýrdalshrepp.   

Þjónustumiðstöð fyrir eldri borgara tekin í notkun. Fimmtudaginn 18. apríl var tekin í notkun þjónustumiðstöð fyrir eldri borgara í Mosfellsbæ. Endurbætur á húsnæði við öryggisíbúðir að Eirhömrum hafa staðið yfir í vetur. Endurbæturnar fela í sér ýmis konar aðstöðu fyrir eldri borgara. Þar má nefna föndurrými, dagvistun, rými fyrir hárgreiðslustofu og fótsnyrtingu og svo endurbættir matsalir. 

Fimmtudaginn 2. maí, kl. 20 verður haldið fræðslukvöld í Krikaskóla um læsi og grunnþætti náms. Fyrirlesari verður Hermundur Sigmundsson, prófessor í lífeðlisfræðilegri sálfræði við Háskólann í Þrándheimi í Noregi. Hermundur mun fjalla um ýmsa áhugaverða þætti í fyrirlestri sínum..