Fréttir eftir mánuðum

Tillaga að breytingum á deiliskipulagi varðandi lóð nr. 7, í því skyni að byggja megi á henni geymsluhúsnæði á einni hæð í litlum, sambyggðum einingum. Athugasemdafrestur til 8. ágúst 2013.

Í dag, 27. júní, kemur brúðubíllinn í heimsókn í Mosfellsbæ með sýninguna Brúðutangó. Í Brúðutangó koma fram nokkrar af vinsælustu brúðum bílsins s.s. Agnarögn, litli fíllinn úr sögu Kiplings, Kústur, óperusöngkonan Mímí o.fl. Sýningin verður í íþróttamiðstöðinni að Varmá klukkan 17:00 sökum veðurs.

Undanfarin ár hefur Frjálsíþróttadeild Ungmennafélagsins Aftureldingar haldið sitt árlega frjálsíþróttamót fyrir börn og unglinga að 14 ára aldri hér í Mosfellsbæ. Mót þetta er betur þekkt undir heitinu Goggi Galvaski en þar hefur margt ungt og efnilegt frjálsíþróttafólk af öllu landinu stigið sín fyrstu spor í vegferð sem síðar hefur komið því í röð fremsta íþróttafólks þjóðarinnar í þessari íþróttagrein. 

Félagsstarf aldraðra er komið í sumarfrí frá 18 juni en mun opna aftur 7 ágúst. Sú nýjung verður tekin upp að stundatafla verður gefin út og auglýst í Mosfelling 22. ágúst og á heimasíðu bæjarins. Margt skemmtilegt og fjölbreytt verður í boði næsta vetur fyrir eldri borgara Mosfellsbæjar.

Dagana 21. - 23. júní var haldið  námskeið í Mosfellsbæ fyrir nemendur sem stunda nám eftir Suzuki aðferðinni. Námskeiðið fór fram í Listaskóla Mosfellsbæjar, Safnaðarheimilinu og í Varmárskóla. Fernir tónleikar voru svo haldnir í Kjarnanum. Fyrir þessu stóð Suzukisamband Íslands sem er félag Suzukikennara, nemenda og fjölskyldna þeirra.  Svona námskeið eru haldin á hverju sumri á mismunandi stöðum á landinu og varð Mosfellsbær fyrir valinu í ár.

Umhverfisnefnd Mosfellsbæjar óskar eftir tilnefningum til umhverfisviðurkenninga Mosfellsbæjar fyrir árið 2013. Almenningur getur tilnefnt þá garða, götur og fyrirtæki í Mosfellsbæ sem þeim finnst skara fram úr í umhverfismálum. Taktu þátt. Umhverfisviðurkenningar verða veittar í þremur flokkum

Án vafa má segja að töfrar Mosfellsbæjar sé þessi mikla nánd við náttúru og heilbrigt líferni sem bæði er hægt að njóta og stunda en í Mosfellsbæ má finna ýmsa skemmtilega markaði sem flestir taka til starfa yfir sumartímann. Til að mynda gómsæta grænmetismarkaði, spennandi vinnustofur og handverksmarkaði.

Kynning á verkefnislýsingu deiliskipulags skv. 40. gr. skipulagslaga. Markmið deiliskipulagsins eru að auka umferðaröryggi, marka stefnu um frekari byggingar og kveða á um nýtingu lóðarinnar. Ábendingar varðandi verkefnislýsinguna berist fyrir 1. júlí.

Kynningarblað um uppbyggingu í Mosfellsbæ kom út um helgina. Markmiðið með útgáfu blaðsins var að taka saman þá margvíslegu möguleika til uppbyggingar sem er að finna í Mosfellsbæ. Undanfarin misseri hefur verið hugað að innviðum og hér eru að rísa framhaldskóli, hjúkrunarheimili og fleiri byggingar sem munu bæta þjónustuna við bæjarbúa enn frekar. 

Ævintýragarður fyrir alla fjölskylduna er nú óðum að taka á sig mynd í Ullarnesbrekkum en mikil uppbygging stíga og gróðurs hefur átt sér stað ásamt að skátar setja upp leiktæki. Frá því að bæjarstjórn samþykkti að gera garðinn, af tilefni 20 ára afmæli Mosfellsbæjar, hefur verið unnið við uppbyggingu

Vegna umfjöllunar um sumarlokanir leikskóla í fjölmiðlum er rétt að upplýsa um að foreldrar í Mosfellsbæ velja hvenær þeir taka sumarleyfi fyrir barn sitt. Þessi háttur hefur verið hafður á nú í nokkur ár.

Dagskrá 17. júní er fjölbreytt að vanda. Hún hefst með guðþjónustu í Lágafellskirkju kl. 11 og síðan hefst hátíðardagskráin kl. 13:30 á miðbæjartorgi. Þaðan verður síðan farið í skrúðgöngu að Hlégarði en þar verður boðið upp á fjölskyldudagskrá sem stendur fram eftir degi.

Fyrsta skóflustungan að nýrri slökkvistöð við Skarhólabraut 1 í Mosfellsbæ var tekin þriðjudaginn 11. júní. Haraldur Sverrisson bæjarstjóri tók skóflustunguna ásamt fulltrúum þeirra sveitarfélaga sem standa að Slökkviliði höfuðborgarsvæðisins (SHS). Byggðaþróun undanfarinna ára hefur stækkað þjónustusvæði Slökkviliðs höfuðborgarsvæðisins (SHS) töluvert og gert það að verkum að útkallstíminn hefur ekki verið nægilega góður á tilteknum svæðum

Á liðnu skólaári hafa tuttugu nemendur úr Lágafellsskóla stundað starfsþjálfun sem hluta af sínu námi. Þjálfunin fellur undir valgreinar 9. og 10. bekkja og felst í því að vinna tvo klukkutíma á viku hjá viðkomandi fyrirtæki án endurgjalds.

Fastráðnir starfsmenn Bókasafns Mosfellsbæjar heimsóttu finnsk almenningsbókasöfn í lok maí. Verkefnastjóri hjá Borgarbókasafni Helsinki hafði undirbúið tveggja daga dagskrá og voru móttökur alls staðar frábærar.

Nú hefur útitækjum til líkamsræktar verið komið fyrir á lóðinni við Íþróttamiðstöðina að Varmá þar sem þau munu nýtast nemendum og öðrum íþróttaiðkendum til æfinga.

Mosfellska hljómsveitin Kaleo hefur vakið verðskuldaða athygli að undanförnu. Kaleo er skipuð þeim Jökli Júlíussyni,Davíð Antonssyni, Daníel Ægi Kristjánssyni og Rubin Pollock. Áður skipuðu þeir hljómsveitina Timburmenn sem Mosfellingar ættu að vera vel kunnugir. Nú eru þeir hinsvegar farnir að semja sína eigin tónlist undir nafninu Kaleo.

Árið 1991 fékk Rótarýklúbbur Mosfellssveitar úthlutað spildu til trjáræktar við Skarhólabraut í Mosfellsbæ. Spildan fékk nafnið Rótarýlundurinn. Á hverju vori síðan hafa Rótarýfélagar ásamt fjölskyldum mætt í lundinn og tekið til hendinni, gróðursett tré og runna af ýmsum tegundum, borið á og hlúð að. Landgræðsla Ríkisins hefur stutt við verkefnið með því að leggja til plöntur og áburð. Starfsmenn Mosfellsbæjar hafa veitt góð ráð og verið reiðubúnir að leggja lið ef til þeirra hefur verið leitað.

Útskriftarhátíð Framhaldsskólans í Mosfellsbæ fór fram fimmtudaginn 30. maí við hátíðlega athöfn í Hlégarði. Framhaldsskólinn í Mosfellsbæ var stofnaður haustið 2009. Sex námsbrautir eru við skólann og er fjöldi nemenda við skólann um tvö hundruð og fimmtíu. Að þessu sinni voru alls fimmtán nemendur brautskráðir. Brautskráðir voru þrettán stúdentar og eru tólf af félags- og hugvísindabraut og einn af náttúruvísindabraut. Einnig útskrifuðust tveir nemendur af listabraut.

Umhverfissvið Mosfellsbæjar, óskar eftir tilboðum í verkið: Tunguvegur, Skeiðholt - Kvíslartunga. Um er að ræða gatnagerð frá Skeiðholti að Kvíslartungu, brýr yfir Varmá og Köldukvísl, hringtorg við Skeiðholt og undirgöng undir Skeiðholt.

Fyrsta skóflustungan að nýrri slökkvistöð við Skarhólabraut 1 í Mosfellsbæ verður tekin þriðjudaginn 11. júní kl. 15:30 (á horni Skarhólabrautar og Vesturlandsvegar). Haraldur Sverrisson bæjarstjóri tekur skóflustunguna ásamt fulltrúum þeirra sveitarfélaga sem standa að Slökkviliði höfuðborgarsvæðisins (SHS). Slökkviliðs- og sjúkrabílar verða á staðnum.

Eitt ár er síðan að blátunnum var dreift í Mosfellsbæ til íbúa en bærinn var einn sá fyrsti á höfuðborgarsvæðinu sem innleiddi tunnunna til allra íbúa. Mjög góð reynsla er komin af notkun tunnunnar sem gerir íbúum í auknum mæli kleift að flokka pappír við heimili sín og auka þannig endurvinnslu og minnka það magn sem urða þarf í Álfsnesi. Mosfellsbær óskar íbúum til hamingju með þennan áfanga og vill nota tækifærið og hvetja íbúa til þess að halda áfram að vera duglegir að flokka pappír frá öðru sorpi.

Fjölbreytt afþreying er í boði fyrir börn og ungmenni í Mosfellsbæ í sumar. Eins og áður eru mörg spennandi og skemmtileg sumarnámskeið í boði fyrir hressa krakka þar sem allir ættu að finna eitthvað við sitt hæfi. Má þar nefna reiðnámskeið, námskeið í leiklist, golf, sund, tónlistarsköpun, ævintýranámskeið hjá skátunum sem er stórskemmtilegt og margt fleira.

Blómlegir ljósastaurar um allan bæ. Undanfarna daga hafa ötulir starfsmenn hjá garðyrkjudeild Mosfellsbæjar unnið hörðum höndum að því að gróðursetja sumarblóm í öllum regnbogans litum. Ber að líta á fagurskreitt blómaker, beð á torgum og lystigörðum auk þess sem sett eru upp blómaker við helstu götur bæjarins og allt kapp lagt á fegra bæinn fyrir þjóðhátíðardaginn 17. júní.

Gott tjaldstæði er í Mosfellsbæ staðsett í hjarta bæjarins, á Varmársvæðinu, með fallegu útsýni yfir neðri hluta Varmár, Leirvoginn og Leirvogsána. Tjaldstæðið er við Varmárskóla og Varmárlaug og er baðaðstaða í lauginni. Við tjaldstæðið er salernisaðstaða, vatn og rafmagn. Góðar almenningssamgöngur eru frá tjaldstæðinu um Mosfellsbæ og í miðborg Reykjavíkur.Í Mosfellsbæ eru víðáttumikil náttúra innan bæjarmarka  og einstakir útivistarmöguleikar í skjóli fella, heiða, vatna og strandlengju.

Í tilefni af Alþjóðlega skjaladeginum verður Héraðsskjalasafn Mosfellsbæjar með opið hús milli kl. 14 – 16 á föstudaginn 7. júní. Allir eru velkomnir að koma og kynna sér safnið og spjalla. Kaffi á könnunni.

Í ár verður Sjóvá Kvennahlaup ÍSÍ haldið 8. júní um allt land í 24. sinn. Hlaupið frá Varmárvelli kl. 11:00. Vegalengdir í boði: 3 km - 5 km og 7 km. Forskráning í Íþróttamiðstöðinni að Lækjarhlíð. Frítt í Varmárlaug að loknu hlaupi. Nú er um að gera að fara að huga að því að koma sér í form, kynna sér hlaupahópa í sínu hverfi og mæta fersk til leiks í byrjun júní.