Fréttir eftir mánuðum

Vegna viðgerðar verður heitavatnslaust í Dvergholti og Ásholti eitthvað fram eftir degi.

Mosfellsbær auglýsir hér með skv. 41.gr. skipulagslaga nr. 123/2010 eftirtalda tillögu að deiliskipulagi og skv. 1. mgr. 43. gr. sömu laga tillögu að breytingu á deiliskipulagi: Tengivirki Landsnets við Sandskeið, tillaga að deiliskipulagi og Miðbær Mosfellsbæjar, Bjarkarholt / Háholt, tillaga að breytingu á deiliskipulagi.

Lokað verður fyrir heitt vatn í Hlíðartúnshverfi og Mýrum miðvikudaginn 29.mars 2017, vegna vinnu við stofnæð frá kl: 09:00 og fram eftir degi.

Ríkiskaup fyrir hönd Mofellsbæjar óska eftir tilboðum í skólaakstur og viðbótarþjónustu samkvæmt útboðslýsingu. Um er að ræða akstur með grunnskólanemendur í upphafi og lok skóladags, að og frá skóla, akstur með börn vegna íþrótta- og sundiðkunar á skólatíma og aksturs með grunnskólanemendur milli grunnskóla bæjarins, einnig á skólatíma. Auk þess getur Mosfellsbær óskað eftir öðrum akstri með leik- og grunnskólabörn, svo sem vegna vettvangsferða nemenda, sem og ferða til og frá leik- og grunnskólum bæjarins. Nánari upplýsingar í útboðsgögnum sem eru aðgengileg á vef Ríkiskaupa www.rikiskaup.is. Opnun tilboða

Tekið verður á móti skráningum í Vinnuskólann frá 23. mars - 7. apríl í gegnum íbúagátt Mosfellsbæjar. Vinnuskóli Mosfellsbæjar er starfræktur fyrir nemendur í 8., 9. og 10. bekk í grunnskólum Mosfellsbæjar. Skráning nemenda í vinnuskólann stendur frá 23. mars til 7. apríl. Skráningin fer fram í gegn um íbúagátt Mosfellsbæjar . Þeir sem sækja um fyrir þann tíma geta treyst því að fá vinnu í sumar, en ekki er víst að hægt sé að verða við öllum beiðnum um vinnutímabil.

Boðið er upp á glæsilega dagskrá Menningarvors sem haldin verður tvö þriðjudagskvöld í röð, þann 28. mars og 4. apríl á Bókasafni Mosfellsbæjar kl. 20. Þetta er í áttunda sinn sem Menningarvor er skipulagt og hefur menningarveislan notið vaxandi vinsælda. Að þessu sinni njótum við íslenskra listamanna en einnig verða menningarþræðirnir raktir til Kúbu í tali og tónum. Léttar veitingar - Ókeypis aðgangur

Umhverfissvið Mosfellsbæjar óskar eftir tilboðum í verkið: Helgafellsskóli nýbygging, fullnaðarfrágangur. Mosfellsbær vinnur að byggingu leik- og grunnskóla í Helgafellshverfi í Mosfellsbæ við Gerplustræti 14. Uppbyggingin verður í nokkrum áföngum, 1. áfangi sem nú er í útboði er fyrir yngsta stig grunnskóla og á að taka í notkun janúar 2019. 1. áfangi er um 4.000 m² en fullbúinn skóli verður 7.300 m². Byggingin er á tveimur hæðum, þar af er hluti sem verður innréttaður og tekinn í notkun á síðari stigum.

Stóra upplestrarkeppnin í 7. bekk fór fram í hátíðarsal Varmárskóla fimmtudagskvöldið 10. mars. 10 nemendur úr grunnskólum Mosfellsbæjar, Lágafellsskóla og Varmárskóla kepptu til úrslita. Úrslitin urðu þannig að Sigríður Ragnarsdóttir Varmárskóla, varð í fyrsta sæti, Rebekka Sunna Sveinsdóttir, Varmárskóla varð í öðru sæti og Harpa Dís Hákonardóttir Lágafellskóla varð í þriðja sæti.

MOSFELLSBÆR AUGLÝSIR EFTIR FORSTÖÐUMANNI Í BÚSETUKJARNA.Forstöðumaður búsetukjarna stjórnar búsetuþjónustu fyrir fatlað fólk í samræmi við lög og reglugerðir. Hann ber ábyrgð á þjónustunni, velferð þeirra sem hana nýta og stuðlar að starfsháttum í samræmi við það sem best gerist hverju sinni.

Mosfellsbær auglýsir laus til umsóknar sumarstörf fyrir ungmenni. Opnað verður fyrir umsóknir 1 mars. Umsóknarfrestur er til og með 31. mars 2017. Sækja skal um í gegnum Íbúagátt Mosfellsbæjar (www.mos.is/ibuagatt). Allar nánari upplýsingar um störf, starfsheiti, starfssvið, hæfnikröfur, laun og vinnutímabil er að finna með því að smella hér. Þeir ganga fyrir um sumarstörf sem eiga lögheimili í Mosfellsbæ.

Krikaskóli er leik- og grunnskóli og starfsemin tekur mið af skólastefnu Mosfellsbæjar um heildstætt uppeldis- og skólastarf í leik- og grunnskólum. Skólaárið 2016-2017 verða um 200 börn á aldrinum 2ja-9 ára í skólanum. Umsækjendur eru hvattir til að kynna sér skólastefnu skólans og uppbyggingu á heimasíðu hans áður en þeir sækja um starf.

Stóra upplestarkeppnin verður haldin í Lágafellsskóla fimmtudaginn 23. mars kl. 17:30. Á hátíðinni munu nemendur í 7. bekk, sem valdir hafa verið úr grunnskólum Mosfellsbæjar, lesa brot úr skáldverki og flytja ljóð. Dómnefnd velur þrjá bestu upplesarana og veitir verðlaun. Hljóðfæraleikarar frá Listaskóla Mosfellsbæjar og skólakór Varmárskóla sjá um tónlistarflutning. Skáld keppninnar að þessu sinni eru Andri Snær Magnason og Steinunn Sigurðardóttir

Mosfellsbær auglýsir hér með skv. 1. mgr. 43.gr. skipulagslaga nr. 123/2010 eftirtaldar þrjár tillögur að breytingum á deiliskipulagi: Reykjahvoll 8, Ástu-Sólliljugata 14-16 og Engjavegur 11-11a

Íþrótta- og tómstundanefnd Mosfellsbæjar auglýsir eftir umsóknum vegna úthlutunar styrkja til efnilegra ungmenna sem leggja stund á íþróttir, tómstundir eða listir yfir sumartímann. Öll ungmenni á aldrinum 14 til 20 ára, með lögheimili í Mosfellsbæ, sem skara fram úr og/eða hafa sýnt sérstaka hæfileika á sínu sviði geta sótt um styrkinn.

Vegna forfalla er laus staða umsjónarkennara í 2. bekk í Höfðabergi og einnig óskast eftir deildarstjóra á leikskóladeild 5 ára barna í Höfðabergi. Lágafellsskóli í Mosfellsbæ er heildstæður grunnskóli sem vinnur í anda Uppbyggingarstefnunnar. Starfsemi skólans fer fram í tveimur byggingum þar sem 1. - 2. bekkur er staðsettur í útibúi skólans, Höfðabergi, ásamt 5 ára leikskóladeildum.

Bæjarskrifstofur Mosfellsbæjar hafa verið staðsettar í Kjarna, Þverholti 2 frá árinu 1998. Starfssemi bæjarskrifstofa er á hæðum 2., 3. og 4. Rakavandamál og leki komið í ljós í húsnæðinu síðustu misserin, en rakinn hefur einna helst haft áhrif á heilnæm loftgæði fyrir starfsmenn bæjarskrifstofu sem staðsettir eru á 3 hæðinni.

Um er að ræða nýja götu sem nefnd hefur verið Fossatunga sem staðsett er í nokkuð grónu hverfi í Leirvogstungu í Mosfellsbæ. Helstu verkþættir eru að ljúka vinnu við gatnagerð, rif á húsi og jarðvinna vegna veitukerfa á svæðinu. Verkinu er skipt í tvo áfanga: Fyrsta áfanga skal lokið 7.ágúst 2017 og öðrum áfanga skal lokið 2.október 2017

Nýtt svæðisskipulag höfuðborgarsvæðisins nefnist Höfuðborgarsvæðið 2040 og er sameiginleg stefna sveitarfélaganna Garðabæjar, Hafnarfjarðarkaupstaðar, Kjósarhrepps, Kópavogsbæjar, Mosfellsbæjar, Reykjavíkurborgar og Seltjarnarnesbæjar um náið samstarf, skipulagsmál og hagkvæman vöxt svæðisins næstu 25 árin, enda er höfuðborgarsvæðið eitt búsetusvæði, einn atvinnu- og húsnæðismarkaður með sameiginleg grunnkerfi, útivistarsvæði, auðlindir og náttúru.

Kynning á verkefnislýsingu: Aðalskipulagsbreyting – vatnsgeymir í austurhlíðum Úlfarsfells sunnan Skarhólabrautar. Mosfellsbær auglýsir hér með til kynningar verkefnislýsingu skv. 30.gr. skipulagslaga nr. 123/2010: Mosfellsbær áformar að reisa nýjan vatnsgeymi í austurhlíðum Úlfarsfells suður af Skarhólabraut. Geymirinn mun þjónusta fyrirhugaða byggð í Lágafelli en einnig auka þrýsting í Mýrum og Krikum en það hefur lágur þrýstingur valdið vissum vandamálum.

Óveruleg breyting – Reykjahvoll, stækkun íbúðarsvæðis og færsla reiðleiðar. Bæjarstjórn Mosfellsbæjar hefur þann 22. febrúar 2017 samþykkt tillögu að óverulegri breytingu á Aðalskipulagi Mosfellsbæjar 2011-2030, sbr. 2. mgr. 36. gr.skipulagslaga nr. 123/2010. Bæjarstjórn hefur samþykkt ósk lóðareiganda við Reykjahvol um snúning á götu og færslu lóðar m.a. til þess að aðlaga fyrirhugaða byggð betur að landslagi á svæðinu. Við það fellur hluti íbúðarsvæðisins utan skilgreindar afmörkunar í gildandi aðalskipulagi eða sem nemur allt að 15 metrum til suðausturs þar sem mest er.

Innritun í grunnskóla Mosfellsbæjar fyrir skólaárið 2017-18 fer fram í gegnum Íbúagátt Mosfellsbæjar. Innritun 6 ára barna sem hefja grunnskólagöngu haustið 2017 fer fram frá 1. mars til 17. mars og skulu nemendur sækja grunnskóla eftir búsetu (sjá nánar reglur um skiptingu skólasvæða). Innritun í frístundasel og mötuneyti vegna skólaársins 2017-18 verður auglýst sérstaklega.

Frestur til að sækja um Þróunar- og nýsköpunarviðurkenningu Mosfellsbæjar hefur verið framlengdur til 20. mars. Hér er um að ræða tækifæri fyrir frumkvöðla sem hafa hugmyndir um nýsköpun í heilsutengdum verkefnum eða ferðaþjónustu til að koma verkefni sínu á framfæri.

Íþrótta- og tómstundanefnd Mosfellsbæjar auglýsir eftir umsóknum vegna úthlutunar styrkja til efnilegra ungmenna sem leggja stund á íþróttir, tómstundir eða listir yfir sumartímann. Öll ungmenni á aldrinum 14 til 20 ára, með lögheimili í Mosfellsbæ, sem skara fram úr og/eða hafa sýnt sérstaka hæfileika á sínu sviði geta sótt um styrkinn.