Fréttir eftir mánuðum

Hugmyndir um Borgarlínu verða kynntar á opnum fundi á Bókasafni Mosfellsbæjar miðvikudaginn 21. júní klukkan 17.00.

Fram undan er viðburðarík helgi í Mosfellsbæ. Laugardaginn 17. júní fara fram mikil hátíðarhöld á þjóðhátíðardegi Íslendinga. Á sunnudaginn fer svo fram hið árlega Kvennahlaup þar sem hundruðir kvenna hittast að Varmá og hlaupa eða ganga sér til skemmtunar.

Eitt af verkefnunum sem kosið var af íbúum í Mosfellsbæ í lýðræðisverkefninu Okkar Mosó er útivistarparadís á Stekkjarflöt. Þar er nú að verða til frábær aðstaða til útivistar fyrir fjölskyldur í Mosfellsbæ. Leiktæki og útigrill er á staðnum. Búið er að bæta við vatnsfonti og strandblakvelli. Völlurinn verður tekin í notkun 17. júní.

Áfallaráð Mosfellsbæjar vekur athygli á Hjálparsíma Rauða Krossins 1717 sem er öllum opinn. Sérfræðingar þar eru færir um að meta umfang mála og leggja til æskilega aðstoð fyrir hvern og einn sem hefur samband.

Mosfellsbær auglýsir hér með skv. 1. mgr. 43.gr. skipulagslaga nr. 123/2010 eftirtalda tillögu að breytingu á deiliskipulagi: Reykjalundarvegur að Húsadal, tillaga að breytingu á deiliskipulagi.

Þáttaskil verða í undirbúningi fyrirhugaðrar Borgarlínu, nýs hágæða samgöngukerfis sem fá mun sérrými í gatnakerfi höfuðborgarsvæðisins, þegar vinnslutillögur um breytingar á svæðisskipulagi höfuðborgarsvæðisins til 2040 og aðalskipulagi sveitarfélaganna sex sem standa að Borgarlínu verða kynntar á sameiginlegum fundi sveitarfélaganna á höfuðborgarsvæðinu í Salnum í Kópavogi, kl. 15 í dag.