Fréttir eftir mánuðum

Fjárhagsáætlun Mosfellsbæjar fyrir árið 2019 og næstu þrjú ár þar á eftir er lögð fram til fyrri umræðu í bæjarstjórn í dag. Fjárhagsáætlunin gerir ráð fyrir að tekjur nemi 12.224 m.kr., gjöld fyrir fjármagnsliði nemi 11.020 m.kr. og fjármagnsliðir 620 m.kr.

Mosfellsbær hefur nú sett upp ruslatunnur fyrir flokkað rusl á miðbæjartorginu. Tilgangurinn er að hvetja íbúa bæjarins til að flokka betur sitt rusl.

Á fundi bæjarráðs þann 11. október var bæjarstjóra heimilað að undirrita samstarfssamning Mosfellsbæjar og Ungmennafélagsins Aftureldingar vegna áranna 2018-2022

Miðvikudaginn 31. október er komið að fyrsta opna húsi vetrarins. Að þessu sinni verður fyrirlesturinn haldinn í Lágafellsskóla og hefst kl. 20:00.

Í dag miðvikudaginn 24. október 2018 má gera ráð fyrir að röskun geti orðið á starfsemi Mosfellsbæjar í ljósi þess að konur eru hvattar til að leggja niður störf kl. 14:55 til þess að taka þátt í fundi í tilefni kvennafrídagsins við Arnarhól í Reykjavík kl. 15:30.

Í vor var boðin út bygging fjölnota íþróttahúss að Varmá. Að mati ráðgjafa VSÓ og fulltrúa Mosfellsbæjar eftir yfirferð tilboðanna reyndist tilboð Alverks lægst en það nemur 621 m.kr.

Mikilvægt er að garðeigendur hugi að því að trjágróður þeirra hafi ekki vaxið út á stíga eða götur með tilheyrandi óþægindum og mögulegri hættu fyrir vegfarendur, sérstaklega núna í skammdeginu þegar fjöldi barna er á ferðinni vegna skóla og tómstunda.

Þriðjudaginn 16. október, kl. 18:30-22:00, verður haldinn opinn fundur menningar- og nýsköpunarnefndar um endurskoðun stefnu Mosfellsbæjar í menningarmálum.

Opinn fundur um endurskoðun stefnu Mosfellsbæjar í menningarmálum verður haldinn í Hlégarði þriðjudaginn 16. október kl. 18:30-22:00. Boðið verður upp á léttan málsverð og listamenn úr Mosfellsbæ munu stíga á stokk.

Mosfellsbær er eftirsóknarverður vinnustaður hæfra einstaklinga þar sem áhersla er lögð á persónulega og nútímalega þjónustu.

Framkvæmdir Helgafellsskóla ganga vel og eru á áætlun. Stefnt er á að 1.- 5. bekkur og elsti árgangur í leikskóla byrji í skólanum eftir áramót.

Vissir þú að það er frítt í sund fyrir börn og unglinga í Mosfellsbæ ? Börn 0-10 fá frítt í fylgd með fullorðnum. Unglingar 11 - 15 ára þurfa að framvísa sundkorti.

Nú liggur fyrir að tvær mikilvægar samgöngubætur eru komnar á áætlun samkvæmt drögum að samgönguáætlun sem nú liggja fyrir Alþingi.

Tilraunaverkefni á vegum Mosfellsbæjar, FaMos og World Class hófst 18. september. Kennslan fer fram í formi alhliða leikfimi og styrktaræfinga í leikfimisal auk æfinga í tækjasal.

Verktakafyrirtækið Afltak í Mosfellsbæ er handhafi jafnréttisviðurkenningar Mosfellsbæjar. Afltak hefur ráðið konur til starfa sem hefðbundið hefur verið litið á sem karlmannsstörf auk þess að hvetja kvenkyns starfsmenn til iðnnáms.

Umhverfissvið Mosfellsbæjar óskar eftir tilboðum í verkið: Gatnagerð í Súluhöfða, Mosfellsbæ. Um er að ræða nýja götu við Súluhöfða í Höfðahverfi milli núverandi neðsta botnlanga í götunni og golfvallar Golfklúbbs Mosfellsbæjar.

Fyrsta skóflustungan að nýrri gas- og jarðgerðarstöð SORPU var tekin í Álfsnesi 17. ágúst af Guðmundi Inga Guðbrandssyni umhverfisráðherra og sex fulltrúum sveitarfélaganna á höfuðborgarsvæðinu.

Þann 15. ágúst hittust rúmlega 500 starfsmenn Mosfellsbæjar í íþróttahúsinu við Varmá á starfsdegi.

Nýverið var endurnýjaður þjónustusamningur milli Ásgarðs – handverkstæðis og Mosfellsbæjar um verndaða vinnu og hæfingu fatlaðs fólks á árunum 2018-2022. Slíkur samningur var fyrst gerður 2012 í kjölfar þess að þjónusta við fatlað fólk var færð frá ríki til sveitarfélaga. Eins og Mosfellingum er kunnugt er Ásgarður í Álafosskvosinni og þar eru að jafnaði við nám, þjálfun og störf um 30 fatlaðir starfsmenn með aðstoð nokkurra verkstjóra.

Íbúar í Álafosskvos hafa tekið sig saman í samstarfi við Mosfellsbæ og tekið í notkun svokallaðan Samfélagsgarð efst í Kvosinni. Garðurinn er hugsaður fyrir íbúana til að rækta sitt eigið grænmeti og vera saman úti í náttúrunni. Garðurinn er hringlaga og hefur hver íbúi sína sneið til ræktunar.„Samfélagslegur ávinningur af verkefni sem þessu getur verið töluverður, segir Guðrún Ólafsdóttir íbúi í Kvosinni. „Garðurinn mun auka tengsl okkar við náttúruna og samvinnu íbúanna ásamt því að auka samveru fjölskyldunnar. Börnin okkar læra í verki að virða og njóta náttúrunnar og rækta sína eigin næringu.“