Fréttir eftir mánuðum

Fjárhagsáætlun Mosfellsbæjar fyrir árið 2020 og næstu þrjú ár þar á eftir var lögð fram til fyrri umræðu í bæjarstjórn þann 30. október.

Mánudaginn 28. október sl. var haldinn kynningarfundur á tillögu að deiliskipulagsbreytingu 4. áfanga Helgafellshverfis. Haldnar voru fjórar kynningar og að þeim loknum voru umræður um málin.

Það er nóg í boði fyrir alla hressa krakka í haustfríinu. Íþróttamiðstöðvar Mosfellsbæjar, bókasafnið og félagsmiðstöðin Bólið bjóða upp á viðburði 24., 25. og 28. október.

Mánudaginn 28. október 2019 kl. 18.00 verður haldinn kynning á tillögu að breytingu á deiliskipulagi 4. Áfanga Helgafellshverfis sem nú er í auglýsingu. Kynningin verður haldinn í Listasal bókasafnsins í Kjarna.

Mosfellsbær auglýsir hér með skv. 41. gr. skipulagslaga nr. 123/2010 tillögu að deiliskipulagi frístundalóða við Selvatn, Mosfellsbæ.

Landsmót Samfés og Norrænt ungmennaþing fór fram í íþróttamiðstöðinni að Varmá í Mosfellsbæ dagana 4.-6. október. Þar tók unga fólkið m.a. þátt í kosningu í ungmennaráð Samfés, skemmti sér í fjölbreyttum og fræðandi umræðu- og afþreyingasmiðjum ásamt því að taka þátt í Norrænu ungmennaþingi sem er hluti af formennskuverkefni Íslands í Norrænu ráðherranefndinni.

Menningar- og nýsköpunarnefnd auglýsir eftir umsóknum um þróunar- og nýsköpunarviðurkenningu Mosfellsbæjar 2019. Hér er um að ræða tækifæri fyrir frumkvöðla sem hafa hugmyndir um nýsköpun til að koma verkefni sínu á framfæri. Viðurkenningin felst ekki eingöngu í þeirri athygli sem hún vekur heldur er einnig um að ræða fjárhagslegan styrk.

Strætó óskar eftir þátttöku almennings í mótun Nýs leiðanets. Nýtt leiðanet er afrakstur vinnu faghóps um leiðakerfismál og markmið verkefnisins er að laga Strætó að breyttu skipulagi og innleiða nýjar áherslur þar sem örari tíðni og styttri ferðatími verður í forgrunni.

Tilboð í lóðir skulu berast Mosfellsbæ eigi síðar en 31. október 2019 og verða móttekin með rafrænum hætti á íbúagátt Mosfellsbæjar.

Fimmtudaginn 12. september 2019 kom hópur flóttafólks frá Kenía til Íslands. Um var að ræða 25 manns í allt en 11 þeirra settust að í Mosfellsbæ. Þetta er í annað skiptið sem Mosfellsbær tekur við flóttafólki en í mars 2018 komu tíu manns.

Ríkið og sex sveitarfélög á höfuðborgarsvæðinu, Garðabær, Hafnarfjörður, Kópavogur, Mosfellsbær, Reykjavík og Seltjarnarnes hafa undirritað tímamótasamkomulag um metnaðarfulla uppbyggingu á samgönguinnviðum og almenningssamgöngum á höfuðborgarsvæðinu til fimmtán ára.

Á 30 ára afmæli bæjarins hinn 9. ágúst 2017 var tekin ákvörðun um að efna til hönnunarsamkeppni um aðkomutákn Mosfellsbæjar. Alls bárust 34 tillögur en höfundar vinningstillögunnar eru þau Anna Björg Sigurðardóttir arkitekt og Ari Þorleifsson byggingafræðingur.

Nú er nýlokið í Mosfellsbæ alþjóðlegri samgönguviku, sem fram fer dagana 16.-22. september á hverju ári um alla Evrópu. Mosfellsbær tók að venju virkan þátt í samgönguvikunni með ýmsum viðburðum.

Þessa dagana er unnið að því að leggja gervigras í fjölnota íþróttahús sem nú er risið að Varmá. Næstu skref felast í að sauma gervigrasið saman og setja í það ífylliefni en ofnakerfi og ljós hafa verið tengd.

Forvarnardeginum 2019 var fagnað í grunn- og framhaldsskólum víða um landið 2. október.

Jafnréttisdagur Mosfellsbæjar var haldinn hátíðlegur í íþróttamiðstöðinni Kletti fimmtudaginn 19. september.