Fréttir eftir mánuðum

Veðurstofa Íslands varar við snjóhengju í vesturbrún Mosfells og má fá finna nánari upplýsingar um það á vefnum þeirra.

Mosfellsbær óskar eftir verðum í ófyrirséð (tilfallandi) viðhald og minni háttar fyrirséð viðhald sem Mosfellsbær ákveður að bjóða ekki út sérstaklega á fagsviðunum trésmíði, pípulögn, raflögn, málun, múrverk, dúkalögn, stálsmíði, blikksmíði og garðyrkju.

Gallup kannar árlega þjónustu sveitarfélaga og mælir þannig viðhorf íbúa til þjónustu í 20 stærstu sveitarfélögum landsins. Að venju er Mosfellsbær í efstu sætum og yfir landsmeðaltali í öllum málaflokkum utan eins þar sem sveitarfélagið er jafnt öðrum sveitafélögum.

Í lok nóvember síðastliðins skrifaði Mosfellsbær undir viljayfirlýsingu ásamt Eir öryggisíbúðum, Arion banka og Ásgeiri Erni Hlöðverssyni fjárfesti og ráðgjafa fyrir hönd væntanlegs eiganda og framkvæmdaaðila óstofnaðs eignarhaldsfélags, um þróun og uppbyggingu íbúðar- og þjónustuhúsnæðis fyrir eldri borgara við Bjarkarholt í Mofellsbæ.

Álagningarseðlar fasteignagjalda eru birtir rafrænt á island.is og Íbúagátt Mosfellsbæjar. Fasteignagjöld skiptast á níu gjalddaga frá 15. janúar til 15. september. Eindagi fasteignagjalda er þrjátíu dögum eftir gjalddaga og fellur allur skattur ársins í gjalddaga ef vanskil verða. Sé fjárhæð fasteignagjalda undir kr. 40.000 er gjalddagi þeirra 15. janúar.

Menningar- og nýsköpunarnefnd Mosfellsbæjar auglýsir eftir umsóknum um styrki vegna listviðburða og menningarmála árið 2020.

Viðgerðir á lögnum í Arnarranga og Grundartanga fara fram fimmtudaginn 30. janúar frá kl. 09:00 og standa yfir fram eftir degi.

Vegna bilunar í lögn er vatnslaust í Roðamóa í Mosfellsdal. Unnið er að viðgerð.

Útsvarsprósenta árið 2020 er 14,48%. Álagning fasteignagjalda byggir á gildandi fasteignamati allra fasteigna eins og það er í janúar ár hvert.

Vegna bilunar í lögn er heitavatnslaust í Teigahverfi. Unnið er að viðgerð.

Mosfellsbær er að endurbæta þak á Íþróttamiðstöðinni að Varmá. Hluti af þakinu hefur verið endurbættur en fyrir liggur að framkvæma endurbætur á þeim hluta sem er óviðgerður. Sá hluti sem þegar er viðgerður er einungis lítill hluti af þakfletinum.

Gul viðvörun er í gildi á höfuðborgarsvæðinu til kl. 15:00 í dag, fimmtudag. Mælt er með því að foreldrar og forráðamenn barna yngri en 12 ára sæki börn sín í lok skóladags, meðan gul viðvörun er í gildi.

Mosfellsbær vill minna á styrk vegna íþrótta og tómstunda fyrir 67 ára og eldri og má finna upplýsingar um umsóknaferlið og skilyrði á síðunni mos.is/eldriborgarar.

Röskun verður á virkni Íbúagáttar Mosfellsbæjar vegna reglubundins viðhalds í kvöld þriðjudaginn 21. janúar frá kl.20:00 - 24:00.

Fjölskyldusvið Mosfellsbæjar óskar eftir að taka á leigu tveggja herbergja íbúð sem allra fyrst.

​Slökkvilið Höfuðborgarsvæðins vekur athygli á slæmu veðurútliti, en í kvöld og nótt (aðfaranótt sunnudags) er spáð suðaustan hvassviðri eða stormi á höfuðborgarsvæðinu með talsverðri rigningu og hlýnandi veðri. Mikilvægt er að hreinsa frá niðurföllum til að forðast vatnstjón vegna rigningar og leysingavatns og er fólk eindregið hvatt til þess.

Erna Sóley Gunnarsdóttir, kúluvarpari, var kjörin íþróttakona Mosfellsbæjar og Ingvar Ómarsson, fjallahjólreiðamaður, var kjörinn íþróttakarl Mosfellsbæjar.

Foreldrar og forráðamenn eru beðnir um að fylgja börnum, yngri en 12 ára, í skólann á morgun þriðjudag 14. janúar.

Hilmar Elísson hefur verið útnefndur Mosfellingur ársins 2019 en hann bjargaði sundlaugargesti frá drukknun í Lágafellslaug. Hilmar er meðlimur í karlaþreki World Class og er fastagestur í Lágafellslaug. Hilmar var að synda í lauginni að lokinni æfingu þann 28. janúar 2019 þegar hann kemur auga á mann á botninum og sá strax að ekki var allt með felldu.

Því miður getur skólabílinn ekki keyrt Mosfellsdalinn í dag vegna sterkra vindhviða. Sækja verður börn úr Mosfellsdal að skóla loknum.

Gul viðvörun er í gildi á höfuðborgarsvæðinu í dag og eru foreldrar og forráðamenn beðnir að sækja börn sín í lok skóla eða frístundastarfs í dag fimmtudag. Börn eru óhult í skóla og frístundastarfi þar til þau verða sótt. Hér er átt við börn yngri en 12 ára, að þau gangi ekki ein heim.

Kosning fer fram í Íbúagátt Mosfellsbæjar og stendur yfir dagana 9.-14. janúar.

Vegna veðurs getur skólabíll ekki keyrt í Mosfellsdal í dag miðvikudaginn 8. janúar 2020.

Á nýju ári verður tekið upp á þeirri nýbreytni í Bókasafni Mosfellsbæjar að opna dyrnar upp á gátt - án þjónustu - kl. 9.00 á morgnana, virka daga. Hefðbundinn afgreiðslutími með þjónustu er svo frá kl. 12-18 mánudaga og þriðjudaga, kl. 10-18 miðvikudaga, kl. 12-18 fimmtudaga og föstudaga og kl. 12-16 á laugardögum allt árið.

Talsvert rusl fellur til eftir áramót og þrettándann. Algengt er að sjá flugeldaleifar, brunnar skottertur, spýtur og prik á víð og dreif sem er ekki mikil bæjarprýði. Því vilja bæjaryfirvöld biðla til íbúa og fyrirtækja í bænum að huga að nærumhverfi sínu og taka höndum saman við að hreinsa upp eftir áramótagleðina.

Vegna slæmrar veðurspár á morgun, þriðjudag 7. janúar, eru íbúar beðnir um að setja jólatré ekki út fyrir lóðarmörk til hirðingar fyrr en veður hefur gengið yfir.

Hin árlega þrettándabrenna Mosfellsbæjar fer fram í dag. Blysför leggur af stað frá Miðbæjartorginu kl. 17:30. Þrettándabrennan sjálf verður neðan Holtahverfis við Leirvog. Allir eru hvattir til að syngja með Stormsveitinni við undirleik Skólahljómsveitar Mosfellsbæjar.