Fréttir eftir mánuðum

Þann 22. september kl. 17:00 - 18:30 fer fram opinn rafrænn fundur um stefnu Mosfellsbæjar í málefnum fatlaðs fólks. Mosfellsbær hvetur alla til að taka þátt sem láta sig málefni fatlaðs fólks í bæjarfélaginu varða, svo sem fatlaða íbúa, aðstandendur fatlaðs fólks og starfsmenn sem vinna með fötluðu fólki.

Á miðnætti í kvöld eða þann 28. ágúst 2020 tekur gildi ný auglýsing á takmörkunum á samkomum vegna Covid-19.

Þann 27. ágúst 2020 voru opnuð tilboð í verkið „Súluhöfði - Stígar og jarðvegsmanir“.

Á miðvikudaginn, þann 26. ágúst, frá kl. 06:00 - 09:00 verður unnið við malbiks fræsingu á báðum akreinum Bjarkarholts, frá hringtorgi við Þverholt að gangbraut við Bjarkarholt 25.

Mosfellsbær vekur athygli á nýrri auglýsingu heilbrigðisráðuneytisins um takmarkanir á samkomum vegna Covid-19 sem gildir frá 28. ágúst til 10. september.

Vegna viðgerða á Nesjavallaæð verður afhending á heitu vatni skert dagana 27. ágúst - 10. september.

Lýðræðis- og mannréttindanefnd Mosfellsbæjar óskar eftir tilnefningum til jafnréttisviðurkenningar Mosfellsbæjar fyrir árið 2020. Tilgangurinn er að veita viðurkenningu fyrir vel unnin störf að jafnréttismálum í samræmi við jafnréttisáætlun Mosfellsbæjar.

Staðfest COVID-19 smit er komið upp í leikskólanum Huldubergi. Í samstarfi við rakningarteymi samhæfingarstöðvar almannavarna var tekin sú ákvörðun að loka leikskólanum. Öll börn og starfsmenn leikskólans fara því í 14 daga sóttkví frá og með 21. ágúst til og með 3. september.

Mosfellsbær auglýsir hér með breytingartillögu á samþykktum deiliskipulögum, skv. 2. mgr. 43. gr. skipulagslaga nr. 123/2010. Þar með er kynningarmálum vegna breytingar hagað skv. 44. gr. um grenndarkynningar.

Mosfellsbær auglýsir hér með breytingartillögu á samþykktum deiliskipulögum, skv. 2. mgr. 43. gr. skipulagslaga nr. 123/2010. Þar með er kynningarmálum vegna breytingar hagað skv. 44. gr. um grenndarkynningar.

Á föstudaginn, þann 21. ágúst, stefnir verktaki á vegum Vegagerðarinnar að malbiksframkvæmdum á Reykjavegi frá hringtorgi Vesturlandsvegar að hringtorgi neðan Krikaskóla eins og sýnt er í meðfylgjandi skjali. Gert er ráð fyrir að malbiksframkvæmdir hefjist eftir kl 19:00 og standi yfir fram á nótt.

Vegna viðgerðar verður rafmagnslaust við Laxatungu 56-80 og 105-129 mánudaginn 24. ágúst kl. 13:00-15:00.

Hitaveita Veitna breytti í júní afhendingu heits vatns í Mosfellsbæ og nokkrum hverfum Reykjavíkur svo þau fengu upphitað vatn frá virkjunum ON á Hellisheiði og á Nesjavöllum í stað vatns úr borholum á jarðhitasvæðum í Reykjavík og Mosfellsbæ. Um tímabundna aðgerð var að ræða en þann 13. ágúst fór afhending heits vatns í Mosfellsbæ aftur í fyrra form.

Á mánudaginn, 17. ágúst frá kl. 09:00, er stefnt að því að hefja framkvæmdir við viðgerð á yfirborði nyrðri akreinar Gerplustrætis á móts við hús nr. 15-23.

Bæjarráð Mosfellsbæjar ákvað í dag eftir tillögu neyðarstjórnar bæjarins sem samþykkt var á fundi menningar- og nýsköpunarnefndar þ. 11. ágúst að aflýsa bæjarhátíðinni Í túninu heima 2020 vegna heimsfaraldurs Covid-19. Hátíðin var fyrirhuguð dagana 28.-30. ágúst. Tindahlaupinu sem fara átti fram sömu helgi er einnig aflýst, en Mosfellsbær er einn af framkvæmdaraðilum þess.

Á föstudaginn, þann 14. ágúst frá kl. 10:00 - 16:00, er stefnt að því, ef veður leyfir, að vinna við malbiksyfirlögn á Ásavegi frá hringtorgi við Helgafellsveg að Áslandi. Lokað verður fyrir umferð frá Áslandi inná Ásaveg en hjáleið er um Bæjarás og Brúnás sem sýnd er á meðfylgjandi loftmynd.

Samkvæmt nýrri auglýsingu heilbrigðisráðherra um takmörkun á samkomum vegna farsóttar sem tekur gildi 14. ágúst verða reglur um nálægðartakmörk í framhalds- og háskólum rýmkaðar og sömuleiðis í íþróttum.

Miðvikudaginn 12. ágúst, frá kl. 10:00 - 14:00, er stefnt að því að vinna við malbiksyfirlögn, sem er þó háð veðurskilyrðum, á Bæjarási.

Umhverfissvið Mosfellsbæjar óskar eftir tilboðum í verkið: Súluhöfði - Stígar og landmótun 1. áfangi. Verkið felur í sér uppbyggingu og frágang á göngu- og hjólastíg við Súluhöfða í Mosfellsbæ, en búið er að fjölga lóðum og bæta við einni götu norðvestan við núverandi byggð. Leggja skal nýjan stíg sem skal aðlaga að núverandi stígum sem tengjast framkvæmdasvæðinu og landmótun meðfram nýjum stígum. Frágangur miðast við jarðvinnu, mulning undir malbik, grassáningu og fleira.

Nú standa yfir framkvæmdir á grænum svæðum í Leirvogstunguhverfi. Á milli Laxatungu 10-34 og Leirvogstungu 19-33 hafa framkvæmdir staðið yfir undanfarnar vikur við að fjarlægja allt illgresi og jafna út svæðið með sléttu moldarlagi með því markmiði að mynda þar snyrtilega grasbrekku. Á opnu grænu svæði við Laxatungu 116-134 er verið að búa til nýtt og glæsilegt leiksvæði sem mun meðal annars innihalda sleðabrekku, grasflöt, áningastað með bekkjum og ýmis leiktæki.

Hitaveita Veitna breytti í júní afhendingu heits vatns í Mosfellsbæ og nokkrum hverfum Reykjavíkur svo þau fái upphitað vatn frá virkjunum ON á Hellisheiði og á Nesjavöllum í stað vatns úr borholum á jarðhitasvæðum í Reykjavík og Mosfellsbæ.

Mosfellsbær leggur áfram áherslu á að hvetja viðskiptavini sína til að nýta rafrænar þjónustuleiðir eins netspjall og tölvupóst í eins ríku mæli og unnt er vegna Covid-19.

Það er ekki grímuskylda í Strætó á höfuðborgarsvæðinu. Mælt er með því að viðskiptavinir geti sett upp grímu ef vagninn er þétt setinn og erfitt verður að halda 2 metra fjarlægð. Það er einnig mælt með grímunotkun fyrir fólk sem er í áhættuhópum.