Fréttir eftir mánuðum

Fjölskyldunefnd Mosfellsbæjar auglýsir eftir umsóknum um styrki til verkefna á sviði fjölskylduþjónustu í Mosfellsbæ.

Mosfellsbær auglýsti í samræmi við samþykktir bæjarstjórnar lýsingu vegna endurskoðunar aðalskipulags þann 19. september sl. Skipulagslýsingin og upplýsingar um hana eru aðgengilegar almenningi á vef sveitarfélagsins, mos.is/adalskipulag, en einnig á upplýsingatorgi við bókasafnið að Þverholti 2.

Mánudaginn 28. september, frá kl. 09:00, er stefnt að því að hefja framkvæmdir á yfirborðsviðgerð aðkomugötu að bílastæði Klapparhlíðar 32.

Umhverfisnefnd Mosfellsbæjar veitti á dögunum árlegar umhverfisviðurkenningar. Viðurkenningarnar eru veittar þeim aðilum sem taldir eru hafa skarað fram úr í umhverfismálum.

Nú er samgönguvikunni að ljúka í Mosfellsbæ. Mosfellsbær vill vekja athygli á góðu samgönguneti hjólastíga á höfuðborgarsvæðinu. Búið er að samræma og tengja saman hjólaleiðir sem merktar eru með litakóða og samræmdum merkingum milli sveitarfélaga.

Bæjarstjórn ákvað á síðasta ári að leggja til að umhverfissviðs Mosfellsbæjar yrði falið að láta framkvæma skoðun á öllu skólahúsnæði Mosfellsbæjar með tilliti til rakaskemmda og hugsanlegs örveruvaxtar þeim tengdum þeim. Enn fremur var samþykkt að framkvæma reglulegar loftgæðamælingar. Í heild voru til skoðunar 25.800 fermetrar í 10 mannvirkjum og reyndist húsnæðið í það heila tekið í góðu ásigkomulagi samkvæmt skýrslum úttektaraðila en eins og alltaf þá eru til staðar úrbótatækifæri.

„Þetta er fyrst og fremst frábær heiður að hljóta þessa viðurkenningu og er ég mjög þakklátur og snortinn,“ segir tónlistarmaðurinn Óskar Einarsson, bæjarlistamaður Mosfellsbæjar 2020.

Hjólateljari hefur verið settur upp á samgöngustígnum við Úlfarsfell við Hamrahlíð. Tilgangurinn er að fá betri upplýsingar um umferð um stíginn, bæði gangandi og hjólandi vegfarenda.

Í dag er bíllausi dagurinn, en á þeim degi eru íbúar hvattir til að skilja bílinn eftir heima og nýta sér frekar vistvæna samgöngumáta sé þess kostur. Strætisvagnar verða sérstaklega merktir samgönguvikunni í anda samgöngukrúttanna.

Mosfellsbær býður upp á fjölda möguleika til útivistar og er nálægðin við ósnortna náttúru og fallega staði sérstaða bæjarins. Fjöldi gönguleiða eru í boði á fjöllin og fellin umhverfis bæinn en búið er að stika um 90 km. af gönguleiðum. Íbúar eru hvattir til að nýta sér gönguleiðir bæjarins í samgönguvikunni.

Í tilefni af samgönguviku í Mosfellsbæ hefur merki Mosfellsbæjar verið málað á göngu- og hjólreiðastíg á strandstíg við Úlfarsá á sveitarfélagamörk að Reykjavík.

Bæjarstjórn Mosfellsbæjar hefur samþykkt í samræmi við 1. mgr. 30. gr. skipulagslaga nr. 123/2010 að kynna skipulagslýsingu fyrir nýtt aðalskipulag sveitarfélagsins. Um er að ræða endurskoðun á gildandi aðalskipulagi Mosfellsbæjar 2011-2030 sem tók gildi 03.10.2013.

Vegna samkomutakmarkana ákvað lýðræðis- og mannréttindanefnd Mosfellsbæjar að jafnréttisdagur Mosfellsbæjar yrði rafrænn í ár. Þar sem mikil umræða hefur skapast undanfarið um kynþáttafordóma og kynþáttahatur hérlendis og erlendis fannst nefndinni áhugavert að heyra hvernig einstaklingar af erlendum uppruna upplifa þessi mál.

Jafnréttisviðurkenningu Mosfellsbæjar 2020 hlýtur Mosfellingurinn Jewells Chambers. Jewells er fædd og uppalin í Brooklyn í New York en flutti hingað til Íslands árið 2016. Hún er gift Gunnari Erni Ingólfssyni og búa þau saman hér í Mosfellsbæ. Jewells er verkfræðingur að mennt frá Rensselaer Polytechnic Institute og starfar sjálfstætt í dag.

Í næstu viku er fyrirhugað að fara í endurnýjun á gangstétt meðfram Brekkutanga 14. Til að tryggja aðgengi verktaka að gangstéttinni eru þeir íbúar sem eiga ökutæki innan græna rammans á meðfylgjandi mynd, vinsamlegast beðnir um að færa þau frá fyrirhuguðu framkvæmdarsvæði fyrir mánudaginn 21. september.

BMX-brós sýna listir sínar á miðbæjartorgi Mosfellsbæjar í dag, föstudaginn 18. september, kl. 15:00 - 17:00.

Dr. Bæk verður á miðbæjartorginu í dag, fimmtudaginn 17. september, kl. 15:00 - 17:00. Doktorinn kemur með farandskoðunarstöðina sína, pumpu, olíur og nokkra skiptilykla. Hann skoðar hjólin og vottar heilsu þeirra.

Í dag hefst Evrópsk samgönguvika, European Mobility Week, en vikan stendur yfir 16. - 22. september ár hvert. Af viðburðum í samgönguvikunni í ár má nefna BMX-hátíð á miðbæjartorginu, kynningu á hjólakortum af höfuðborgarsvæðinu og fríar hjólastillingar og smáviðgerðir. Nánari dagskrá samgönguviku má finna á mos.is/samgonguvika.

Fjölskyldunefnd Mosfellsbæjar vinnur að undirbúningi stefnumótunar í málaflokki fatlaðs fólks og leitar eftir þátttöku og tillögum frá íbúum Mosfellsbæjar. Fundurinn fer fram 22. september kl. 17:00 - 18:30.

Það eru örfá laus pláss á blásturshljóðfæri í Skólahljómsveit Mosfellsbæjar. Nemendur sem vilja læra á trompet, horn, básúnu, þverflautu, saxófón eða klarínettu eru velkomnir, en aðeins er um örfá pláss að ræða.

Lokað verður fyrir heitt vatn í Reykjabyggð, Krókabyggð, Lindarbyggð, Reykjamel og Reykjavegi, miðvikudaginn 16. september, frá kl. 9:00 til 12:00, vegna viðgerða á stofnlögn.

Biðstöð strætisvagna við Hlíðartúnshverfi til móts við Slökkvistöð Mosfellsbæjar verður lokuð tímabundið vegna framkvæmda við breikkun vegarins frá og með 15. september 2020 til desember 2020.

Vegna viðgerðar verður rafmagnslaust í Roðamóa 19 og Helgadalsvegi 7 þriðjudaginn 15. september kl. 9:00-12:00.

Umhverfissvið Mosfellsbæjar, Veitur ohf, Míla ehf og Gagnaveita Reykjavíkur óskar eftir tilboðum í verkið: Brattahlíð - Gatnagerð og veitur. Verkið felur í sér gatnagerð á nýjum botnlanga fyrir Bröttuhlíð 24-34 ásamt tilheyrandi veitum undir götu og að hluta utan götu.

Umhverfissvið Mosfellsbæjar óskar eftir tilboðum í verkið: Samgöngustígur og endurnýjun Varmárræsis í Ævintýragarði. Verkið felst í að leggja tæplega 1.700 m langan og 5 m breiðan samgöngustíg í gegnum Ævintýragarðinn í Mosfellsbæ, þar með talið niðursetning tveggja brúa, yfir Varmá annars vegar og Köldukvísl hins vegar. Einnig er um að ræða endurnýjun á Ø600 skólplögn (Varmárræsi) á um 220 m kafla vestan Varmár. Að auki þarf að endurgera reiðstíg sem grefst í sundur vegna framkvæmdanna.

Þættirnir Heima með Helga slógu eins og frægt er orðið í gegn þegar Covid reið yfir landið á vordögum. Þrátt fyrir nafnið voru þættirnir ekki teknir upp heima hjá Helga sjálfum, heldur var Hlégarður, félagsheimili Mosfellinga, tökustaðurinn.

Í liðinni viku hófust gatnaframkvæmdir á Reykjavegi til móts við Ísfugl. Verkið er samstarfsverkefni Vegagerðarinnar og Mosfellsbæjar sem felur í sér að koma niður undirgöngum fyrir hestaumferð undir Reykjaveginn ásamt endurmótun aðliggjandi stíga og umhverfis.

Lokað verður fyrir kalt vatn í Reykjahverfi fimmtudaginn 10. september, frá kl. 14:00 - 19:00, vegna viðgerða á stofnlögn á gatnamótum Reykjavegar og Dælustöðvarvegar.

Skemmdaverk voru unnin um helgina á nýjum ærslabelg Mosfellinga sem er staðsettur í Ævintýragarðinum. Ærslabelgurinn var tekinn í gagnið í júní síðastliðnum og er hluti af frekari uppbyggingu á því svæði.

Nálægðarreglu hefur verið breytt úr 2 metrum í 1 metra og hámarksfjöldi þeirra sem mega koma saman fer úr 100 manns í 200 með nýjum reglum um takmarkanir á samkomum sem tóku gildi í dag, 7. september.

Lýðræðis- og mannréttindanefnd Mosfellsbæjar óskar eftir tilnefningum til jafnréttisviðurkenningar Mosfellsbæjar fyrir árið 2020. Hægt er að senda inn tilnefningar til og með 6. september.

Nú standa yfir framkvæmdir á endurnýjun gangstéttar við Blikahöfða 1-7. Séð verður til þess að íbúum verði tryggt aðgengi inn á bílaplön yfir framkvæmdatímann. Stefnt er að því að endursteypa gangstéttina um miðja næstu viku ef veður leyfir.

Á fimmtudaginn, þann 3. september, frá kl. 09:00 - 11:00 verður unnið við malbiksyfirlögn á báðum akreinum við Æðarhöfða, frá hringtorgi Baugshlíðar/Klapparhlíðar og fram yfir T-gatnamót Æðarhöfða.