Útimarkaðir

Útimarkaður Mosskóga í Mosfellsdal

Á útimarkaði Mosskóga í Mosfellsdal er hægt að kaupa varning frá ræktendum og framleiðendum í nágrenninu. Þar má nefna lífrænt ræktað grænmeti og ber, heimagerðar sultur og mauk, nýbakað brauð, silung frá Heiðabæ og rósir frá Dalsgarði.

  • Útimarkaður Mosskóga í Mosfellsdal, Dalsgarði 1, 271 Mosfellsbæ.
  • Opið á laugardögum í júlí, ágúst og fram í september frá kl. 10:00 - 15:00.

Sölubásar í Álafosskvosinni

Bæjarhátíð Mosfellsbæjar, Í túninu heima, er sannkölluð fjölskylduhátíð sem haldin er síðustu helgina í ágúst ár hvert. 

Á hátíðinni eru sölubásar staðsettir  í Álafosskvosinni.