Stekkjarflöt

Á Stekkjarflöt er frábær aðstaða til útivistar. Þar er stórt svæði með leiktækjum sem eru löguð að náttúrunni, þrautir og annað skemmtilegt að skátastíl fyrir börnin.

Á staðnum er útigrill og vatnsfontur.

Stekkjarflöt er í nálægð við Álafosskvos meðfram Varmá í Mosfellsbæ.

Ærslabelgur

Ærslabelgurinn er opinn frá kl. 10:00 - 22:00 alla daga á sumrin.

Vinsamlega athugið að allir nota Ærslabelginn á sína eigin ábyrgð.

 

Umgengnisreglur:

  • Fara úr skónum.
  • Taka tillit til annarra. 
  • Ekki hoppa þegar blásarinn er ekki í gangi.
  • Ekki vera með mat eða borða mat.
  • Ekki vera með gleraugu.

 

  • Bannað að fara í heljarstökk.
  • Bannað að hoppa í rigningu.
  • Bannað að vera með oddhvassa hluti.

Strandblakvöllur

Völlurinn er staðsettur nálægt Íþróttamiðstöðinni að Varmá. Áhorfendastúka og tré skýla vellinum á tvenna vegu.

Blakdeild Aftureldingar hefur umsjón með vellinum og sér um bókanir.

Bókanir: 

  • Bókanir og afbókanir fara fram á Facebook síðu vallarins.
  • Einungis hægt að bóka tvo samliggjandi tíma í einu.
  • Hægt að skrá sig hvenær sem er og á hvaða lausa tíma sem er.
  • Ef engin er skráður á völlinn má nota völlin en ef skráður aðili mætir á staðinn þá þarf að víkja af vellinum.

Umgengnisreglur:

  • Þátttakendur koma með sinn eigin bolta.
  • Í lok hvers tíma á að skafa yfir báða vallarhelminga með sköfunum.
  • Ef börn eru með í för og eru að leika í sandinum þá þarf að laga/skafa svæðið í lok tímans.
  • Mikilvægt að skilja við sköfurnar á sínum stað og festa þær.

Útilistaverk eftir Magnús Tómasson

Á Stekkjarflöt er að finna útilistaverkið „Hús tímans - hús skáldsins“ eftir Magnús Tómasson.

Árið 1999 efndi Mosfellsbær til samkeppni um gerð útilistaverks í Mosfellsbæ. Magnús sigraði með tillögu sína að verkinu „Hús tímans - hús skáldsins“.

Verkið byggir á grunnfleti sem er merki Mosfellsbæjar en upp af grunnfletinum rís hár turn úr málmi sem minnir á gotneska boga. Ef horft er á verkið að ofan má aftur greina merki bæjarins en inni í turninum hangir stór steinn í keðju sem nemur við sexhyrnt form sem stendur á grunnfletinum.

Verkið byggir á merki bæjarins í tvennum skilningi. Það er vísun í verk Halldórs Laxness, „Hús skáldsins“, en um leið er andartakið fangað með formunum inni í turninum sem tákna annars vegar fortíðina og hins vegar framtíðina.