Eldri borgarar

Þjónustumiðstöð Eirhamra

Í Mosfellsbæ er þjónustuklasi fyrir eldri borgara að Hlaðhömrum 2 við Langatanga. Þar er að finna Eirhamra, 54 öryggisíbúðir reknar af Eir hjúkrunarheimili. Við hlið Eirhamra rekur Eir einnig Hamra hjúkrunarheimili en þar eru 30 rými með fyrsta flokks aðstöðu.

Forstöðumaður Þjónustumiðstöðvar Eirhamra veitir upplýsingar um þjónustuna í síma 566-8060 frá kl.10:00-12:00 alla virka daga.

Hádegismatur kr. 950

Hægt er að kaupa máltíðir í hádeginu alla virka daga frá Þjónustumiðstöð Eirhamra. Verðið á máltíð er 950 kr. Boðið er upp á heimsendingu og bætist þá við sendingarkostnaður sem er 277 kr. 

Vegna Covid-19

Notendum sem nýta sér matarþjónustu í Eirhömrum er bent á að tímabundið er lokað fyrir matarþjónustu fyrir einstaklinga sem búa utan Eirhamra. Þeir sem eiga erfitt með að finna sér til mat sjálfir eru hvattir til að hafa samband við fjölskyldusvið Mosfellsbæjar og óska eftir heimsendingu á mat þangað til mötuneytið opnar að nýju fyrir utanaðkomandi aðilum.


Föstudagur 21. janúar - Bóndadagur

Þorramatur með soðnum kartöflum, rófustöppu og jafningi. Hrísmjölssúpa með kanil.


Laugardagur 22. janúar

Soðinn fiskur með kartöflum, soðnum gulrætum og feiti. Grjónagrautur með kanilsykri.


Sunnudagur 23. janúar

Lambakótilettur með smörsteiktum kartöflum, grænum baunum og rjómasósu. Niðursoðnar perur með rjóma.


Mánudagur 24. janúar

Ofnsteiktur villisveppafiskréttur með soðnum kartöflum,fersku hrásalati og kaldri sósu. Ávaxtasúpa með tvíbökum.


Þriðjudagur 25. janúar

Ofnsteiktar kjötbollur með soðnum kartöflum, rauðkáli og rjómasósu. Engifersúpa.


Miðvikudagur 26. janúar

Pönnusteikt langa með soðnum kartöflum, gufusoðnu grænmeti og laukfeiti. Brauðsúpa með rjóma.


Fimmtudagur 27. janúar

Rjómagúllas með kartöflumús og hrásalati. Kaldur sveskjugrautur.


Föstudagur 28. janúar - Bóndadagur

Lambasteik með brúnuðum kartöflum, grænum baunum og rjómasósu. Búðingssúpa með saft.


Laugardagur 29. janúar

Soðin ýsa með gulrótum, soðnum kartöflum og feiti. Grjónagrautur með kanil.


Sunnudagur 30. janúar

Ljúffengur grísasnitsel með pönnusteiktum kartöflum, soðnu brokkolí og rjómasósu. Rjómalöguð aspassúpa.


 

Félagsstarf

Markmið félagsstarfs eldri borgara er að fyrirbyggja félagslega einangrun aldraðra og finna þekkingu, reynslu og hæfileikum þátttakenda farveg. 

Listsköpun, handmennt, spilamennska, kórstarf, leikfimi, sund og ferðalög eru dæmi um starfsemina.

Félagsstarf eldri borgara og FaMos auglýsa sameiginlega dagskrá félagsstarfsins undir Þjónustumiðstöð aldraðra á Eirhömrum.

Opnunartími

Félagsstarfið Hlaðhömrum 2 er komið með nýjan og lengri opnunartíma. 

  • Mánudagar kl. 11:00-16:00.
  • Þriðjudagar kl. 11:00-16:00.
  • Miðvikudagar kl. 11:00-16:00.
  • Fimmtudagar kl. 11:00-16:00.
  • Föstudagar kl. 13:00-16:00.

Handavinnuleiðbeinandi verður á staðnum alla daga nema föstudaga.

Opnunartími gæti breyst þegar sumarfrí starfsmanna standa yfir.

Nánari upplýsingar um félagsstarfið

Elva Björg Pálsdóttir (gsm: 698-0090), forstöðumaður félagsstarfs eldri borgara, veitir allar upplýsingar um félagsstarfið og skráningar á námskeið og í ferðir.

  • Elva er með símatíma alla virka daga frá kl. 13:00-16:00, í síma 586-8014.
  • Einnig er hægt að senda Elvu póst, elvab[hja]mos.is.

 

Niðurgreiðslur vegna frístundaiðkunar 67 ára og eldri

Markmið niðurgreiðslunnar er að auðvelda þessum aldurshóp að sækja sér heilsueflandi frítímaþjónustu sem hentar hverjum og einum.

Sótt er um niðurgreiðslu í Íbúagátt Mosfellsbæjar.

Nánari upplýsingar og reglur.

  1. Fara á Íbúagátt Mosfellsbæjar.
  2. Skrá sig inn með rafrænum skilríkjum eða Íslykli.
  3. Velja flokkinn „Umsóknir“.
  4. Velja „Ýmsar umsóknir og erindi“.
  5. Velja „Frístundaávísun 67 ára og eldri“.
  6. Fylla út umsóknina.
  7. Setja greiðslukvittun sem viðhengi við umsóknina. Ef kvittunin er bara til á pappír þarf að fara í Þjónustuver Mosfellsbæjar, Þverholti 2, 2. hæð, og afhenda kvittunina þar.
  8. Smella á hnappinn „Senda umsókn“.

 

Stuðningsþjónusta

Stuðningsþjónusta er veitt þeim sem þarfnast hennar vegna skertrar færni, fjölskylduaðstæðna, veikinda, fötlunar o.s.frv. Markmið þjónustunnar er að efla fólk til sjálfshjálpar og gera því kleift að búa sem lengst í heimahúsi.


 

Málefni eldri borgara

Fjölskyldusvið fer með málefni eldri borgara. Þjónusta sviðsins gengur út frá því að stuðla að því að aldraðir geti búið við eðlilegt fjölskyldulíf svo lengi sem unnt er.

Aldraðir eiga rétt á almennri þjónustu sem veitt er á fjölskyldusviði í samræmi við lög um félagsþjónustu sveitarfélaga nr. 40/1991 og lög um málefni aldraðra nr. 125/1999.