Fyrir eldri borgara

Félagsstarf

Markmið félagsstarfs eldri borgara er að fyrirbyggja félagslega einangrun aldraðra og finna þekkingu, reynslu og hæfileikum þátttakenda farveg. 

Listsköpun, handmennt, spilamennska, kórstarf, leikfimi, sund og ferðalög eru dæmi um starfsemina.

Félagsstarf eldri borgara og FaMos auglýsa sameiginlega dagskrá félagsstarfsins undir Þjónustumiðstöð aldraðra á Eirhömrum.

Nánari upplýsingar um félagsstarfið

Elva Björg Pálsdóttir (gsm: 698-0090), forstöðumaður félagsstarfs eldri borgara, veitir allar upplýsingar um félagsstarfið og skráningar á námskeið og í ferðir.

  • Elva er með símatíma alla virka daga frá kl. 13:00-16:00, í síma 586-8014.
  • Einnig er hægt að senda Elvu póst, elvab[hja]mos.is.

 

Niðurgreiðslur vegna frístundaiðkunar 67 ára og eldri

Markmið niðurgreiðslunnar er að auðvelda þessum aldurshóp að sækja sér heilsueflandi frítímaþjónustu sem hentar hverjum og einum.

Sótt er um niðurgreiðslu í Íbúagátt Mosfellsbæjar.

Nánari upplýsingar og reglur.

Leiðbeiningar - Sækja um niðurgreiðslu
  1. Fara á Íbúagátt Mosfellsbæjar.
  2. Skrá sig inn með rafrænum skilríkjum eða Íslykli.
  3. Velja flokkinn „Umsóknir“.
  4. Velja „Ýmsar umsóknir og erindi“.
  5. Velja „Frístundaávísun 67 ára og eldri“.
  6. Fylla út umsóknina.
  7. Setja greiðslukvittun sem viðhengi við umsóknina. Ef kvittunin er bara til á pappír þarf að fara í Þjónustuver Mosfellsbæjar, Þverholti 2, 2. hæð, og afhenda kvittunina þar.
  8. Smella á hnappinn „Senda umsókn“.

 

Stuðningsþjónusta

Stuðningsþjónusta er veitt þeim sem þarfnast hennar vegna skertrar færni, fjölskylduaðstæðna, veikinda, fötlunar o.s.frv. Markmið þjónustunnar er að efla fólk til sjálfshjálpar og gera því kleift að búa sem lengst í heimahúsi.

 

Þjónustumiðstöð Eirhamra

Í Mosfellsbæ er þjónustuklasi fyrir eldri borgara að Hlaðhömrum 2 við Langatanga. Þar er að finna Eirhamra, 54 öryggisíbúðir reknar af Eir hjúkrunarheimili. Við hlið Eirhamra rekur Eir einnig Hamra hjúkrunarheimili en þar eru 30 rými með fyrsta flokks aðstöðu.

Forstöðumaður Þjónustumiðstöðvar Eirhamra veitir upplýsingar um þjónustuna í síma 566-8060 frá kl.10:00-12:00 alla virka daga.

Hádegismatur

Hægt er að kaupa máltíðir í hádeginu alla virka daga frá Þjónustumiðstöð Eirhamra. Boðið er upp á heimsendingu og bætist þá við sendingarkostnaður.

Mánudagur 18. janúar

Rjómalagaður plokkfiskur með kartöflum, gufusoðnum gulrótum og rúgbrauði. Rjómalöguð Makkarónusúpa.

Þriðjudagur 19. janúar

Ítalskt hakk og spaghettí með gufusoðnum kartöflum og hrásalati. Súrmjólk.

Miðvikudagur 20. janúar

Smjösteiktur fiskur með kartöflum gufusoðnu grænmeti og laukfeiti. Rjómalöguð kakósúpa með tvíbökum.

Fimmtudagur 21. janúar

Pönnusteiktar kjötfarsbollur með kartöflumús, sósu og ferskt salat með fetaosti. Heimalagður kaldur rabbabaragrautur.

Föstudagur 22. janúar

Íslenskur þorramatur með kartöflum, rófustöppu og jafningi. Jarðaberjagrautur.

Laugardagur 23. janúar

Soðinn fiskur með kartöflum,grænmeti og feiti. Heimalagður grjónagrautur.

Sunnudagur 24. janúar

Ofnsteikt grísasnitsel með pönnusteiktum kartöflum, gufusoðnu grænmeti og rjómasósu. Ís og sósa.

 

Málefni eldri borgara

Fjölskyldusvið fer með málefni eldri borgara. Þjónusta sviðsins gengur út frá því að stuðla að því að aldraðir geti búið við eðlilegt fjölskyldulíf svo lengi sem unnt er.

Aldraðir eiga rétt á almennri þjónustu sem veitt er á fjölskyldusviði í samræmi við lög um félagsþjónustu sveitarfélaga nr. 40/1991 og lög um málefni aldraðra nr. 125/1999.

Bæklingar

Stefnur