Opinn rafrænn fundur um stefnu Mosfellsbæjar í málefnum fatlaðs fólks

Fjölskyldunefnd Mosfellsbæjar vinnur að undirbúningi stefnumótunar í málaflokki fatlaðs fólks og leitar eftir þátttöku og tillögum frá íbúum Mosfellsbæjar.

Boðað er til opins rafræns fundar þar sem leitað verður eftir tillögum og hugmyndum frá íbúum.

Fundurinn fer fram þriðjudaginn 22. september kl. 17:00 - 18:30.

Áhersluþættir fundarins eru:

  1. Atvinna fatlaðs fólks.
  2. Þjónusta sveitarfélagsins til fatlaðs fólks.
  3. Húsnæði fatlaðs fólks.
  4. Aðgengi (að húsnæði og upplýsingum).
  5. Sjálfstætt líf og búseta.
  6. Þjónusta við fötluð börn og ungmenni.
  7. Gildi Mosfellsbæjar í þjónustu við fatlað fólk.

Athugið að við skráningu þarf að velja einn af áhersluþáttunum sjö sem þátttakandi mun vinna með á fundinum. Hægt er að senda ábendingar og tillögur um aðra áhersluþætti við skráningu hér að neðan.

Við hvetjum alla til að taka þátt sem láta sig málefni fatlaðs fólks í bæjarfélaginu varða, svo sem fatlaða íbúa, aðstandendur fatlaðs fólks og starfsmenn sem vinna með fötluðu fólki.

Opinn rafrænn fundur 22. september 2020

*Stjörnumerkta reiti þarf að fylla út.