Samvinna eftir skilnað - Ráðgjöf

Ráðgjafar fjölskyldusviðs Mosfellsbæjar bjóða upp á sérhæfða ráðgjöf til foreldra barna 0-18 ára.

Ráðgjöfin miðar að því að koma í veg fyrir og/eða draga úr ágreiningi milli foreldra sem standa í skilnaðarferli og á þann hátt að vernda börn þeirra í ferlinu. Í gegnum verkefnið öðlast foreldrar færni í að takast á við óvæntar uppákomur tengt skilnaðinum sem og skilning á viðbrögðum barna sinna við honum.

Meginmarkmið verkefnisins er að vernda hagsmuni barnsins í ferlinu sem og að bæta andlega og líkamlega líðan foreldra og barns.

Frekari upplýsingar um verkefnið má finna á samvinnaeftirskilnad.is.

Úrræði í boði:

  • Rafrænt námskeið á samvinnaeftirskilnad.is.
    Námskeiðið samanstendur af þremur áföngum: Áhrif skilnaðar á foreldra, Viðbrögð barna við skilnaði og Samvinna foreldra við skilnað.
  • Sérhæfð ráðgjöf hjá SES ráðgjöfum Mosfellsbæjar.
  • Hópnámskeið. Námskeið fyrir foreldra er fyrirhugað á árinu (2021) þar sem ítarlega verður fjallað um áhrif skilnaðar á fjölskyldu.

Sækja um SES ráðgjöf

Hægt er að sækja um ráðgjöf hjá SES ráðgjöfum Mosfellsbæjar í Íbúagátt Mosfellsbæjar.