Frístundaávísun fyrir börn og unglinga

Mosfellsbær styrkir frístundaiðkun allra barna og unglinga á aldrinum 5-18 ára með lögheimili í Mosfellsbæ með fjárframlagi á móti kostnaði við frístundaiðkun. Markmið þessarar niðurgreiðslu er að hvetja börn og unglinga til að finna sér frístund sem hentar hverjum og einum.

Hægt er að ráðstafa styrknum í gegnum flest skráningakerfi frístundafélaga, í þeim tilfellum er valið að nýta frístundaávísun um leið og barn er skráð hjá félaginu. Styrk til annarra félaga þarf að skrá gegnum Íbúagátt Mosfellsbæjar.

Frístundatímabil nær yfir skólaár og hefst 15. ágúst ár hvert til 31. maí árið eftir.

Breytingar á frístundaávísun 2020-2021

Í fjárhagsáætlun 2020 var samþykkt viðbót:

  • „Aldursviðmið frístundaávísunar fari niður í 5 ár og upphæð ávísunarinnar fyrir 5 ára verður 26. þúsund á ári.“
  • „Frístundaávísun fyrir fyrsta og annað barn var hækkað í 52.000 en verður óbreytt 60.000 fyrir þrjú börn eða fleiri.“

 

Frístundatímabilið 2020-2021

Börn fædd á árunum 2003 til 2015 eiga rétt á frístundaávísun á frístundatímabilinu 15. ágúst 2020 til 31. maí 2021. Þar er að segja fyrir börn sem verða 5 ára og til og með 18 ára á árinu, börn sem eru á síðasta ári leikskóla til og með unglinga á öðru ári í framhaldsskóla. Sé barn orðið 18 ára sækir það sjálft um í Íbúagátt Mosfellsbæjar.

Vinsamlega athugið að aðeins börn með lögheimili í Mosfellsbæ fá valmöguleika um að nýta frístundaávísun.

 

Upphæð frístundaávísunar

Frístundaávísun 2020-2021 er 26.000 kr. fyrir 5 ára, 52.000 kr. fyrir 6-18 ára en hækkar fyrir þriðja barn (6-18 ára) upp í 60.000 kr., einnig fyrir fjórða og fimmta barn o.s.frv.. Þetta á við um fjölskyldur sem skráðar eru með sama lögheimili og fjölskyldunúmer hjá foreldri.


5. ára barn: 26.000 kr.

Samtals upphæð á fjölskyldu: 26.000 kr.


Fyrsta barn (6-18 ára): 52.000 kr.

Samtals upphæð á fjölskyldu: 52.000 kr.
Meðaltal/Ráðstöfun á barn: 52.000 kr.*


Annað barn (6-18 ára): 52.000 kr.

Samtals upphæð á fjölskyldu: 104.000 kr.
Meðaltal/Ráðstöfun á barn: 52.000 kr.*


Þriðja barn (6-18 ára): 60.000 kr.

Samtals upphæð á fjölskyldu: 164.000 kr.
Meðaltal/Ráðstöfun á barn: 54.667 kr.*


Fjórða barn (6-18 ára): 60.000 kr.

Samtals upphæð á fjölskyldu: 224.000 kr.
Meðaltal/Ráðstöfun á barn: 56.000 kr.*


Fimmta barn (6-18 ára): 60.000 kr.

Samtals upphæð á fjölskyldu: 284.000 kr.
Meðaltal/Ráðstöfun á barn: 56.800 kr.*


Sjötta barn (6-18 ára): 60.000 kr.

Samtals upphæð á fjölskyldu: 344.000 kr.
Meðaltal/Ráðstöfun á barn: 57.333 kr.*


*Sú upphæð sem forráðamaður getur ráðstafað fyrir hvert barn.

Á Íbúagátt er að finna lista yfir öll skráð frístundafélög hjá Mosfellsbæ.

Ef félag sem barn vill sækja námskeið hjá býður ekki upp á að nýta frístundaávísun hjá Mosfellsbæ eða er ekki skráð í Íbúagáttinni þarf viðkomandi félag að senda beiðni á fristundmos[hja]mos.is og sækja um að komast á listann, félög þurfa að uppfylla allar kröfur og samþykkja skilmála Mosfellsbæjar.

 

Útreikningar

5 ára
Upphæð

1 barn
26.000 kr.    
6-18 ára
Upphæð Samtals Meðaltal
1 barn
52.000 kr.
52.000 kr.
52.000 kr.
2 börn 52.000 kr.
104.000 kr.
52.000 kr
3 börn 60.000 kr.
164.000 kr.
54.667 kr.
4 börn 60.000 kr.
224.000 kr.
56.000 kr.
5 börn 60.000 kr.
284.000 kr.
56.800 kr.
6 börn 60.000 kr.
344.000 kr.
57.333 kr.
       

 


 

Hvernig er frístundaávísunin notuð? 

1. Nota frístundaávísun í gegnum skráningarkerfi félags

  1. Þegar iðkandi er skráður á námskeið/í félag er farið í skráningarkerfi félagsins (t.d. afturelding.felog.is).
  2. Þar er valið að "nýta frístundaávísun" á móti námskeiðs/félagsgjöldum. Kerfið sækir þá upphæð frístundaávísunar barnsins sjálfkrafa. Foreldri getur kosið að breyta upphæðinni sem á að nýta.
  3. Þegar skráningunni á námskeið/í félag er staðfest er upphæðinni ráðstafað sjálfkrafa.

 

2. Nota frístundaávísun í gegnum Íbúagátt til félags sem er ekki með eigið skráningarkerfi

  1. Skráir þig inn í Íbúagátt Mosfellsbæjar.
  2. Smellir á flipann "Frístundaávísun" efst á síðunni og færð upp umsóknina.
  3. Velur barn til að birta lista yfir frístundastarf sem er í boði hjá sveitarfélaginu. (Barnið þarf að eiga lögheimili í Mosfellsbæ og hafa ekki þegar nýtt frístundaávísunina.)
  4. Velur að opna skráningu félaga án frístundakerfa. (Hægt er að skipta ávísuninni þannig að hún renni til tveggja félaga.)
  5. Staðfestu upphæð frístundaávísunar sem á að nýta. (Með staðfestingu sinni á frístundaávísun í gegnum Íbúagátt Mosfellsbæjar samþykkir forráðamaður barns að Mosfellsbær greiði völdu félagi eða félögum þá styrkfjárhæð sem tilgreind var við félagið.)
  6. Þegar umsóknarferlinu er lokið hefur ávísun verið úthlutað til viðkomandi félags.

 

Athugið: Eingöngu er verið að ráðstafa frístundaávísun, ekki greiða námskeiðsgjöld.