Vinnuskólinn

Vinnuskóli Mosfellsbæjar er starfræktur yfir sumarið á tímabilinu júní til ágúst.

Skráning í Vinnuskóla Mosfellsbæjar fer fram í gegnum ráðningavef Mosfellsbæjar og hefst ummsóknarferli í mars ár hvert.

Daglegur rekstur skólans er í höndum tómstundarfulltrúa, yfirflokksstjóra og flokksstjóra.

Markmið vinnuskólans:

  • Kenna nemendum að vinna og hegða sér á vinnustað.
  • Kenna nemendum að umgangast  bæinn sinn.
  • Auka skynjun og virðingu nemenda fyrir umhverfinu. 
  • Veita nemendum vinnu yfir sumartímann.

Vinnuskólinn sumarið 2020

Opnað hefur verið fyrir umsóknir nemenda í vinnuskólann sumarið 2020 á Ráðningarvef Mosfellsbæjar. Umsóknafrestur til 22. maí.

Í ár er boðið uppá að velja tvö tímabil af þremur:

A. tímabil 15.06. - 30.06.
B. tímabil 01.07. - 15.07.
C. tímabil 20.07.- 07.08. (lokað 29.07 - 04.08.)

Fræðsludagar/skemmtidagar verða auglýstir síðar.

Vinnutími er eftirfarandi:

  • 8. bekkur: 3,5 tímar á dag fyrir hádegi aðra vikuna og eftir hádegi hina vikuna. Ekki unnið á föstudögum.
  • 9. bekkur: 6 tímar mánudags til fimmtudags. Ekki unnið á föstudögum.
  • 10. bekkur: 7 tímar á dag, nema á föstudögum er unnið til hádegis.

 

Laun sumarið 2020: 

  • 8. bekkur: 705 kr. á klst. m/orlofi.
  • 9. bekkur: 940 kr. á klst. m/orlofi.
  • 10. bekkur: 1.175 kr. á klst. m/orlofi.

 

Hlutverk vinnuskólans er að veita nemendum uppbyggileg sumarstörf ásamt fræðslu í öruggu starfsumhverfi. Lögð er áhersla á að venja nemendur við það sem koma skal á hinum almenna vinnumarkaði, reglusemi, stundvísi og ábyrgðartilfinningu. 

Áhersla er lögð á að starfumhverfið sé hvetjandi og gefandi. 

Nánari upplýsingar er hægt að fá hjá Bólinu: