Menntastefna Mosfellsbæjar

Um þessar mundir stendur yfir endurskoðun á menntastefnu Mosfellsbæjar. Verkefnisteymi sem skipað er fulltrúum frá mennta- og uppeldisstofnunum bæjarins hefur unnið að undirbúningi frá því í maí á þessu ári en til stendur að endurskoðuð stefna verði tilbúin til útgáfu og innleiðingar í byrjun árs 2022. Víðtækt samtal og samráð við hagsmunaaðila er lykilatriði í gerð vel heppnaðarar stefnu og því verður leitast við að fá fram viðhorf og sjónarmið allra sem að skólastarfinu koma þ.e. barna, foreldra, starfsfólks, íbúa og kjörinna fulltrúa.

Skólaþing 11. október 2021

Skólaþing verður haldið með þátttöku allra hagsmunaaðila 11. október nk. Þeir íbúar sem hafa áhuga á að taka þátt í skólaþingi geta skráð sig til þátttöku. Reynt verður að verða við óskum allra um þátttöku á meðan húsrúm leyfir.

Framgangur verkefnisins

Þeir sem hafa áhuga á að fylgjast með framgangi verkefnisins geta fylgst með fréttum hér á síðunni sem verður reglulega uppfærð á meðan á vinnslu verkefnisins stendur. Ragnheiður Agnarsdóttir, verkefnisstjóri heldur utan um stefnumótunarferlið.

Þér er boðið á skólaþing Mosfellsbæjar 11. október

04.10.2021 Þér er boðið á skólaþing Mosfellsbæjar 11. október
Þann 11. október 2021 fer fram skólaþing í Mosfellsbæ. Markmið skólaþings er að skapa vettvang fyrir nemendur, starfsfólk, foreldra/forráðamenn og íbúa til verkefnavinnu sem ætlað er að verða innlegg í menntastefnu Mosfellsbæjar sem gefin verður út í janúar 2022.
Meira ...

Menntastefna Mosfellsbæjar

09.09.2021 Menntastefna Mosfellsbæjar
Um þessar mundir stendur yfir endurskoðun á menntastefnu Mosfellsbæjar en henni er ætlað að koma í stað núgildandi skólastefnu. Verkefnisteymi sem skipað er fulltrúum frá mennta- og uppeldisstofnunum bæjarins hefur unnið að undirbúningi frá því í maí á þessu ári en til stendur að endurskoðuð stefna verði tilbúin til útgáfu og innleiðingar í byrjun árs 2022.
Meira ...