Atvinnulóðir

Skarhólabraut 3 - Einstök og vel staðsett atvinnulóð fyrir verslun og þjónustu

Mosfellsbær auglýsir til úthlutunar 6.635 m2 atvinnulóð við Skarhólabraut 3 fyrir verslun eða þjónustu. Lóðin er á áberandi stað við Vesturlandsveg og býr að góðu aðgengi.

Mosfellsbær auglýsir til úthlutunar atvinnuhúsalóð við Skarhólabraut 3 í Mosfellsbæ og fer úthlutun þeirra fram á grunni fyrirliggjandi úthlutunarskilmála.

Lóðin er 6.635 m² atvinnuhúsalóð á áberandi stað og er leyfilegt byggingarmagn allt að 1.990,6 m². Á lóðinni er heimilt að reisa húsnæði fyrir verslun eða þjónustu.

Eingöngu lögaðilar geta sótt um lóðina og skulu þeir sýna fram á að þeir hafi fjárhagslega getu til að efna tilboð sitt og til að standa undir kostnaði við byggingu mannvirkis á lóðinni.

Lágmarksverð nemur gatnagerðargjöldum af leyfilegu byggingarmagni samkvæmt deiliskipulagi í samræmi við gjaldskrá Mosfellsbæjar kr. 69.770.530. Nánari kröfur um hæfi umsækjenda er að finna í úthlutunarskilmálum. Úthlutun fer fram á grundvelli niðurstöðu matsnefndar.

Umsóknum ásamt fylgigögnum skal skilað í gegnum Íbúagátt Mosfellsbæjar.

 

Sækja um

Umsókn um atvinnulóð við Skarhólabraut 3 skal send í gegnum Íbúagátt Mosfellsbæjar.

  1. Umsækjandi skráir sig inn í Íbúagáttina.
  2. Velur flokkin „Umsóknir“.
  3. Velur undirflokkinn „08 Framkvæmd og skipulag“.
  4. Velur „Umsókn um atvinnulóð við Skarhólabraut 3“.

 

Gögn

 

Desjamýri 11 og 13

Mosfellsbær auglýsir til úthlutunar tvær atvinnuhúsalóðir við Desjamýri í Mosfellsbæ og fer úthlutun þeirra fram á grunni fyrirliggjandi úthlutunarskilmála. Lágmarksverð jafngildir gatnagerðargjöldum af flatarmáli byggingarreits. Heimilt er að byggja millihæð að leyfilegu heildar byggingarmagni samkvæmt deiliskipulagi og yrði greiðsla fyrir það innheimt í samræmi við gjaldskrá Mosfellsbæjar. Um er að ræða atvinnuhúsalóðir við Desjamýri númer 11 og 13. Í töflunni hér að neðan er yfirlit yfir helstu stærðir, leyfilegt byggingarmagn og lágmarksverð.

 

Lóð nr. Stærð lóðar m2 Stærð byggingarreits Gerð Nýtingar-
hlutfall		 Leyfilegt byggingarmagn skv. deiliskipulagi í m2 Gatnagerðargjöld vegna flatarmáls byggingarreits / Lágmarksverð
11 7.054,60 25x72=1.800 C 0,4 2.821,84 63.090.000 ISK
13 7.055,50 25x72=1.800 C 0,4 2.822,20 63.090.000 ISK

 




 

Einungis lögaðilum er heimilt að sækja um lóðirnar og skulu umsækjendur uppfylla þau skilyrði sem tilgreind eru í 3. gr. í úthlutunarreglum Mosfellsbæjar. 

Áhugasamir geta gert tilboð í lóðirnar til hádegis föstudaginn 14. maí og gert er ráð fyrir því að bæjarráð taki afstöðu til tilboða í fyrsta lagi 20. maí.

 

Sækja um

Umsókn um lóð í Desjamýri skal send í gegnum Íbúagátt Mosfellsbæjar.

  1. Umsækjandi skráir sig inn í Íbúagáttina.
  2. Velur flokkin „Umsóknir“.
  3. Velur undirflokkinn „08 Framkvæmd og skipulag“.
  4. Velur „Umsókn um atvinnulóð í Desjamýri“.

 

Gögn

Úthlutunarskilmála, deiliskipulag lóðanna ásamt nánari upplýsingum má finna hér að neðan.