Lóðir við Súluhöfða

Úthlutun er lokið

Bæjarráð Mosfellsbæjar hefur samþykkt úthlutunarskilmála og verð við úthlutun á lóðum að Súluhöfða 36, 43, 45 og 47 í Mosfellsbæ.

Lóðirnar eru allar ætlaðar fyrir einbýlishús samkvæmt gildandi skipulagi. Þær lóðir sem eru fyrir neðan götu liggja samkvæmt deiliskipulagi að sjó með óskert útsýni yfir voginn og flóann auk þess að vera í næsta nágrenni við útivistarsvæði og golfvöll.

Einungis einstaklingum er heimilt að sækja um lóðirnar og heimilt er að gera tilboð í fleiri en eina lóð. Hver umsækjandi getur hinsvegar einungis fengið einni lóð úthlutað.

Alls eru nú til úthlutunar fjórar lóðir og verður hverri lóð úthlutað til þess aðila sem gerir hæst tilboð í viðkomandi lóð, enda uppfylli viðkomandi aðili öll fjárhagsleg skilyrði og geti sýnt fram á fjármögnun lóðar og byggingar einbýlishúss.

Þessar fjórar lóðir voru ekki til úthlutunar áður þar sem þær þótt liggja of nálægt golfvellinum. Nú liggur fyrir hvernig legu brautar golfvallarins verður breytt og því verður þeim nú úthlutað.

Lágmarksverð byggingaréttar lóðanna tekur mið af gatnagerðargjaldi, byggingarréttargjaldi og mati á gæðum hverrar lóðar fyrir sig m.a. með hliðsjón af undirlagi og staðsetningu.

 

Fjórar lóðir til úthlutunar

Lóð
Lýsing
Stærð lóðar í fm
 
Súluhöfði 36
E-1d Endalóð
794,7 m214.500.000
Súluhöfði 43
E-1d Endalóð
794,7 m214.000.000
Súluhöfði 45
E-1e Endalóð - Púði
785,4 m218.500.000
Súluhöfði 47
E-1e Púði
788,7 m218.000.000
    

 

Gögn

Úthlutunarskilmála, deiliskipulag lóðanna ásamt nánari upplýsingum má finna hér að neðan.

 

Umsóknarfrestur

Tilboðin í lóðir skulu berast Mosfellsbæ eigi síðar en 20. desember 2019 og verða móttekin með rafrænum hætti í íbúagátt Mosfellsbæjar.

Allar nánari upplýsingar um úthlutun lóða að Súluhöfða 36-47 er að finna  á slóðinni í úthlutunarskilmálum og hjá Heiðari Erni Stefánssyni,  lögmanni Mosfellsbæjar í síma 525-6700.